بكلمات مؤثرة.. كوكا يواصل دعمه للقضية الفلسطينية
تاريخ النشر: 22nd, October 2023 GMT
واصل أحمد حسن كوكا، لاعب بينديك سبور، دعمه للقضية الفلسطينية، من خلال استخدام مواقع التواصل الاجتماعي، للوقوف بجانبهم ضد الاحتلال الإسرائيلي.
حيث نشر كوكا عبر حسابه الشخصي، "تويتر"، قائلًا: "بنصحى كل يوم نروح شغلنا مُجبرين عشان أهالينا وأولادنا اللي مسؤولين عنهم وقلوبنا فيها ألم ووجع علي أحبابنا وأخواتنا في فلسطين، في كل ثانية بتمر خبر جديد أبشع من اللي قبله، بنتصور إن خلاص مفيش أوحش من كده ممكن يحصل، بس مابنستناش كتير ونلاقي اللي أبشع منه".
وواصل:" اعتقد إن بعد ما قصفت إسرائيل المستشفى والمدرسة والكنيسة وكل شيء محرم، ضاربة بالقوانين الدولية عرض الحائط، بدأت بعض الناس تستوعب إن ليس لديهم قلب ولا رحمه.. بدأت تتغير الأراء، لإن بجد صعب جدًا إن يقف شخص في صف كل الشيطانية دي".
وأكمل: "أب بيشيل عياله أو أعضاء من عياله في كيس بلاستيك، اجسام من غير رؤوس، كل الوحشية دي ولسه مفيش حاجه توقفهم لحد اللحظة دي وبرغم قساوة كل اللي فات، ولسه كتير من المجتمع الغربي لا يستنكر أصلا إلى بيحصل".
وأستطرد حديثه: "خلاص كلام بلغتهم مالوش لازمة عشان كل حاجه واضحة، ليه احنا كعرب مانتحدش ؟،انتم متخيلين قوة كل دولة عربية ؟، انتم متخيلين لو كل الدول العربية تصدو لأي عدوان علي أي دولة عربيه؟،ممكن تكون فيه أبعاد سياسية تانية أنا مش فاهمها، وممكن كمان يكون تخيلي دا قاصر
لكن اللي اعرفه إن الإتحاد قوة، والقوي هو اللي بيتعمل له حساب".
المصدر: بوابة الفجر
كلمات دلالية: أحمد حسن الدول العربية الاحتلال الاسرائيلي أحمد حسن كوكا القوانين الدولية حسن كوكا في فلسطين
إقرأ أيضاً:
وداعًا ياخال.. حمدي الميرغني يودع سليمان عيد بكلمات مؤثرة
ودع الفنان حمدي الميرغني خاله الفنان سليمان عيد برسالة مؤثرة، بعد رحيله عن عالمنا صباح يوم الجمعة الماضي، عن عمر يناهز الـ 64 عامًا، إثر تعرضه لأزمة صحية مفاجئة، وذلك من خلال منشور له عبر صفحته الشخصية على موقع تبادل الصور والفيديوهات "إنستجرام".
منشور حمدي الميرغني
ونشر "الميرغني" مجموعة من الصور تجمعه بالراحل سليمان عيد، معلقًا:" وداعًا يا خال.. كنت مثالي في كل شيء، كنت أبًا مثاليًا، كنت زوجًا مثاليًا، كنت أخًا مثاليًا، كنت صاحبًا مثاليًا كنت فنانًا مثاليًا، كنت إنسانًا مثاليًا".
وأضاف:" كنت بتسعى ليا في بداياتي، والله أكتر مما كنت بسعى لنفسي، كنت بتعرف المخرجين والمنتجين والنجوم عليا، وكنت دايمًا تقدم لي نصايح لآخر لحظة ما بينا، مفيش واحد كان يعرف إني قريبك إلا لما يحبني من قبل ما يتعامل حتى معايا، مفيش واحد إلا لما كان يقولي فيك أشعار عن كرم أخلاقك وطيبتك غير المحدودة، مفيش إنسان واحد زعل منك لحظة".
واختتم:" هفضل فخور طول عمري إني قريبك، كنت سهل في كل حاجة يا خال إلا في فراقك كنت وستظل صعب أوي، ربنا يرحمك ويسكنك فسيح جناته".
منشور حمدي الميرغني