حورية فرغلي تحذّر طليقة حسن شاكوش.. والسبب؟
تاريخ النشر: 16th, October 2023 GMT
متابعة بتجـــرد: نشرت الفنانة حورية فرغلي عبر حسابها الرسمي في “إنستغرام”، مقطع فيديو علّقت من خلاله على أزمة ربط اسمها بمطرب المهرجانات حسن شاكوش وطليقته ريم طارق، وذلك بعدما زجّت الأخيرة باسمها في أكثر من أمر يتعلق بأزمة طلاقها من شاكوش.
وقالت حورية في الفيديو: “مساء الخير، الحقيقة طالعة أتكلم في موضوع كان بقاله فترة ومضايقني وساكتة بس أنا قررت إني لما يحصلي حاجة زي دي أشهّدكم عشان لو غلطانة انتوا تقولولي، أنا كنت ساكتة فترة طويلة جداً ومش بردّ عشان أنا أكبر بكتير من كدة بس الموضوع زاد عن حدّه”.
وأضافت: “أنا من طبيعتي مش بطلع أتكلّم وأردّ بس من كتر ما الموضوع بقى أوفر مش قادرة عايزة أشهدّكم، حتى مش حابة أقول الاسم بس هضطر أقول عشان كرامتي وعشان حقي المعنوي، الأستاذة ريم طارق طليقة حسن شاكوش اللي أنا معرفهاش خالص وعمري ما شوفتها إلا في فرحها على السوشيال ميديا، وفي برنامج بسمة وهبة، واتقال اسم حورية وتالت حرف ر والناس سابت كل الأسامي ومسكت في اسمي، ومع ذلك سكّت ومتكلمتش إنما يجيلك الجرأة إنك تنزلي وتقولي إن الفنانة حورية فرغلي تكشف عن اسم الفتاة اللي كانت مع شاكوش لغاية هنا وستوب”.
وأردفت بالقول: “يعني إنتي عايزة إيه بالظبط؟ عايزة تجيبي اسم حورية فرغلي عشان تطلعي تريند، أنا أعرف منين البنت اللي كانت معاه، وأنا على فكرة مصوّرة اللي انتي منزّلاه وممكن أرفع عليكي قضية تشهير، وبرضه بعد ما قولتي كده أنا سكت ومش عايزة أتعدى الموضوع اللي أنا مليش علاقة بيه أصلاً، لكن لما تطلعي تقولي أنا معتذرتش لحورية فرغلي… حبيبتي أنا مطلبتش منك تعتذريلي، تعتذريلي على إيه؟ على الفيلم الهندي اللي انتي عاملاه وجايبة اسمي فيه؟”.
واختتمت حورية فرغلي حديثها قائلةً: “هو أنا أعرفك يا بنتي؟ أنا أكبر من كده بكتير إنتي بس مش واصلك، وإنك تغلطي فيا وأنا مليش علاقة بالموضوع وعمري ما بجيب سيرة حد وطول عمري في حالي ومش بحب القيل والقال والكلام في الحاجات الغريبة دي، فأنا إنسانة بطبيعتي بحب الهدوء وعايشة لوحدي لأني مبحبش الدوشة وعمري ما بغلط في حد وبحترم الناس كلها، وطالعة أردّ عليكي وبشهّد الجمهور على اللي بقوله عشان الناس تقولي لو أنا غلطت في أي حاجة… الحمد لله تاريخي بيشهد عليا إني مع نفسي وفي حالي ومش بتاعة مشاكل وكويسة جداً مع الوسط وبعتبرهم أهلي، وكمية الناس اللي اكتشفت إنها بتحبني وبتدعيلي ربنا يخلّيهم كلهم ليا يا رب، بس في حاجة عايزة أقولها إني بحترم الصغير قبل الكبير لأني اتربيت على كده وفي بيت عيلة كبير وعلّموني يعني إيه أخلاق وقيم، مش هقولك غير ربّنا يهديكي لنفسك وتبطّلي تجيبي في سيرتي، لأن بجد المرة الجاية أنا هشتكيكي بالتشهير بيا وصدقيني مش هتستحملي، ومش هتتخيلي هيحصل فيكي إيه، واسم حورية فرغلي متقوليهوش عشان تطلعي تريند”.
main 2023-10-16 Bitajarodالمصدر: بتجرد
كلمات دلالية: حوریة فرغلی
إقرأ أيضاً:
سوري يتألق بـ«عمة الصعايدة».. جمال سليمان فقد والديه في أسبوع وتزوج 3 مرات
يتمتع الفنان جمال سليمان بثقل كبير في مصر والوطن العربي، لما ترك من بصمة مميزة في مشواره الفني، سواء في السينما أو الدراما أو المسرح، وفي العقود الأخيرة حقق نجاحات تليفزيونية ضخمة، لا سيما ما قدمه في الدراما الصعيدية، ورغم نشأته في سوريا برع في تقديم أدواره باللهجة المصرية، وعلى المستوى الشخصي، نادرا ما يتحدث عن أسرته وعلاقته بعائلته، وهو ما نلقي الضوء عليه اليوم تزامنًا مع عيد ميلاده الـ65.
محطات في مسيرة جمال سليمانأحب جمال سليمان الفن منذ الصغر، وأبدع أمام الكاميرا في جميع الأدوار، الفنان المولود في مدينة دمشق عام 1959، دخل المعهد العالي للفنون المسرحية بدمشق، وحصل على إجازة منه، كما حصل على الماجستير في اﻹخراج المسرحي، وبدأ التمثيل في عدد كبير من الأعمال الدرامية، وجاء إلى مصر ليجسد شخصية «مندور» في مسلسل حدائق الشيطان.
نادرًا ما يتحدث عن أسرته عبر وسائل الإعلام، لكن خلال لقاء سابق مع الإعلامي عمرو الليثي، قال إنه تربى في أسرة متواضعة: «كان احتياجات بيتنا موجودة، بس في أوقات كنا نستلف مثلًا عشان الفلوس مش بتكمل لآخر الشهر، وده خلى عندي إصرار إني أكون ناجح عشان أحصل على الأموال».
وعبر عن حبه الكبير لأسرته، خاصة أنهم السبب فيما وصل إليه الآن، لافتا إلى أن شقيقه أمير سليمان وأبنائه لهم معزة خاصة في قلبه، وأنه رغم فراقه لأسرته لسنوات طويلة بسبب الحرب، يسعة دومًا للاجتماع بهم وينتهز الفرص لمقابلتهم.
فقدان والديه خلال أسبوع واحد عام 2013، كان أصعب ما مر على جمال سليمان، إذ تحدث عن والدته السيدة «بدرية»، مؤكدا أنها أكثر ما أحب في حياته: «ليها في قلبي مكان كبير، هي كانت بتسعى عشان خاطرنا، وتعمل كل حاجة عشان نعيش أحسن، هي أكتر شخص علمني أني أكون طموح، وكانت بتحب دايمًا أني أعمل كل حاجة صح، وبحس أنها عاشت حياتها، وماتت بدون ما تاخد حقها من السعادة».
وأكد أن والده كان له أثر كبير في قلبه، وعلمه كثير من القيم المهمة، مشيرا إلى أن أكثر ما يحزنه، هو رحيلهما دون وداعه، لأن توفيا في سوريا.
تزوج جمال سليمان مرتين، إلا أن المرة الثالثة هي التي فتحت له أبواب الاستقرار الذي كان يبحث عنه، إذ تزوج بالسيدة رنا محمد، وربطتها به علاقة قوية، أثمرت عن نجاح علاقتهما الزوجية، وأنجبت له ابنًا يدعى «محمد»، وتحدث عنهما قائلا: «أنا نضجت طبعًا وعقلت أكتر بسببها، وبيعجبني فيها احترامها للبيت، ودور الأمومة العظيم اللي بتعمله، هي شخصية حقيقية، ومميزة وعندها آراء في كل شيء، ومحمد ابني بتربطني بيه علاقة قوية جدًا هو صاحبي وأهم حاجة بجد في حياتي، أنا بحبه وبحس أنه أكتر حد قريب مني وشبهي وبذاكر له وبقعد معاه دايمًا».
الشلف.. وفاة شخص اختناقا بالغاز ببوقادير