تامر حسني لشهداء فلسطين: راحوا دار الحق و مشيوا من دار الباطل

أعرب الفنان تامر حسني عن استيائه وحزنه الشديد، جراء ما يحدث للشعب الفلسطيني من قصف وقتل العديد من الأطفال.

تامر حسني عن أهمية الإيمان والعقيدة

نشر تامر حسني منشورا عبر حسابه الرسمي على موقع «الفيسبوك».

وكتب: «في الوقت ده ناس كتير إيمانها بربنا ممكن يتزعزع او ينهار و يقولوا طب ربنا فين مش هرد بالآيات و الأحاديث عشان في ناس أحق مني يتكلموا بلغة الدين بس انا هرد رد بسيط من واقع الدنيا … انت لو دخلت فيلم و جالك تليفون فا استعجلت و مشيت في ربعه الأولاني هل تقدر تحكم على نهاية الفيلم أكيد لأ يعني متحكمش على حاجة لسة مش خلصانة »

وتابع تامر حسني: «طب الدنيا لسه شغاله مخلصتش يعني متعرفش بكرا ربنا شايل ايه متستعجلش و تحكم على الدنيا و انت لسه مشوفتش مرحلة النصر اللي ربنا وعد بيها اصلاً في قرآنه متحكمش دلوقتي حكمك هيكون غلط احنا لسه مكملناش الدنيا للآخر»

تامر حسني عن شهداء فلسطين

وأوضح أهمية الصبر وأن الله لن يترك حق الشعب الفلسطيني: «(( يمهل ولا يهمل )) و اللي راحوا دول جريوا على الجنة اللي هي الحياة الأساسية حياة الخُلد راحوا دار الحق و مشيوا من دار الباطل يا جماعه الدنيا دي ولا حاجه دي دار باطل فيها الشر و الكره و الحقد و الظلم.

. لكن الناس دي راحت لحياة كلها حب و خير و سلام و فرح و لما في الآخره نشوف كل حد كانت حياته صعبة و مليانة معاناة ازاي ربنا كافئه على صبره و تحمله من كل اللي شافه و كرمه بأجمل نعيم الجنه هنقول (( ياريتنا كنا احنا)) الصبر يا جماعة و الثقه في وعد ربنا».

وتابع مناشدا الشعب بالتمسك بإيمانهم وعدم فقدانهم الأمل وأن يثقوا بالله: «لدنيا دلوقتي و سكان الارض انقسمت ٢ ناس إيمانهم راح و ناس اتمسكوا بعقيدتهم اكتر و دول اول ناس كسبوا معركة الدنيا ….. ثقوا في كاتب الدنيا العظيم انكم لازم هتسقفوا في النهايه من حلاوة نصره و هو بينصر المظلوم بمعجزه من عنده تتحقق في الوقت المناسب اللي يعلمه هو مش إحنا».

تامر حسني يتحدث عن أهمية الثقة بالله

واختتم: «والله والله والله لازم يبقى معندناش شك نهائي في رحمته و فضله اكسبوا المعركة يا جماعة اوعوا إيمانكم بربنا يتهز احنا كلنا اصلاً عايشين في اختبار و لازم ننجح فيه.. ان شاء الله هتشوفوا بعنيكم اكبر رد من ربنا كما وعد في قرآنه الكريم (( ثقوا في الله )) ان وعد الله حق».

تامر حسني

الجدير بالذكر أن آخر أعمال الفنان تامر حسني هو فيلم «تاج»، والذي عرض ضمن موسم أفلام صيف 2023.

تدور أحداث فيلم تاج حول حياة التوأم تاج وهارون -يؤدي تامر حسني دور التوأم-، اللذان يمران بالعديد من الأزمات، ومع امتلاكهما لقدرات خارقة، تتسبب في وقوع العديد من المفارقات لهما وتعرضهما لمواقف خطيرة وعقبات كثيرة.

اقرأ أيضاًأخبار فلسطين الآن.. تامر حسني يوجه نداء لدعم المقاومة الفلسطينية

تامر حسني يطلب من جمهوره الدعاء للشعب الفلسطيني

إيمي سمير غانم: بعد أحداث غزة «مابقتش عارفة اتنفس».. وحسن الرداد «مش بيعبرني»

المصدر: الأسبوع