بعد اعتزاله.. علي قدورة: "الدنيا مخلصتش على الأغاني وهبدلها بأدعية وقرآن"
تاريخ النشر: 15th, October 2023 GMT
أوضح مؤدي المهرجانات علي عبد القادر السيد، الشهير بـ علي قدورة قرار إعتزاله الغناء مؤكدا إنه يستبدل الأغاني بأدعية وقرآن بعد اعتزاله الفن نهائيًا، وذلك عبر صفحته الشخصية موقع الفيديوهات الشهير "تيك توك".
علي قدورة: الدنيا مخلصتش على الأغاني
وشارك علي قدورة جمهورة مقطع فيديو له، وجاء فيه: "الدنيا مخلصتش على الأغاني، ولا بقول حلال ولا حرام، ولكن هي خطوة أنا حبيت آخدها والحمد لله اخدتها وحذفت كل الصور على الرغم من إنها مجرد صور على الفيس بوك وعلى إنستجرام، وكل الأغاني بتاعتي اللي على اليوتيوب الخاص بيا وكل الفيديوهات اللي كانت على التيك توك وإن شاء الله هبدلها بأدعية وقرآن، وربنا يوفقني".
علي قدورة يعتزل الغناء
ويذكر أن أعلن مؤدي المهرجانات علي قدورة اعتزاله الغناء والتبرأ من كل أعماله الغنائية التي قام بغنائها، وذلك بنشره صورة له من أمام الكعبة عبر حسابه الشخصي على موقع التواصل الاجتماعي الفيسبوك.
وكتب قائلًا: السلام عليكم في يوم جمعة مبارك أنا علي عبد القادر السيد، الشهير بـ علي قدورة.. كنت مغني قبل النهارده في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي أنا بريء من كل عمل أو مزيكا عملتها في حياتي، وبعلن اعتزالي مجال الأغاني لحد ما يفتكرني ربنا ويا رب سامحني عن أي حاجة أنا عملتها في حياتي أو أي حاجة صدرت مني.
وتابع علي قدورة: يا رب قربني ليك وافتحلي باب رزق يرضيك ومفيهاش حاجة لو بدأت من جديد في أي شغل وأي فلوس معايا أنا هسيبها بالرضا لأهلي ومش عارف هيبقى الصح إيه وهبقى لا أمتلك إلا (صفر) وربنا يثبتني في الطريق ده، ومش هطول عليكم بس دي نيتي وربنا كريم وكبير وغفور رحيم
المصدر: بوابة الفجر
كلمات دلالية: اعتزال علي قدورة الفجر الفني علي قدورة مؤدي المهرجانات علي قدورة علی قدورة
إقرأ أيضاً:
إيهاب الخطيب يفجر مفاجأة عن واقعة عمر كمال عبد الواحد بالأهلي
تحدث الناقد الرياضي إيهاب الخطيب، عن ماذا يحدث داخل غرفة ملابس النادي الأهلي في الفترة الأخيرة.
وقال إيهاب الخطيب خلال لقائه مع الإعلامي مهيب عبد الهادي في برنامج اللعيب: «أولا الفترة اللى فاتت يتفتح عن النادي الأهلي بيزيد ويخش في السوشيال ميديا وفيه بعض الناس تبدأ تخش في حاجات وهقولهالك خطوة خطوة، النادي الأهلي بيحافظ على غرف اللاعبين وغرف الملابس بشكل معين، خاصة عندنا واقعتين وقعة كهربا وواقعة إمام عاشور ومحدش من الجمهور كان يعرف حاجة عنهم لولا النادي أعلن وقال عندي كذا وكان فيه جراءة وشجاعة كالعادة إنك تاخد قرارات الكلام ده مظبوط، فمفيش حاجة هتحصل في غرف اللبس والأهلي مش هيعلنها».
واضاف الخطيب: «قصة عمر كمال عبد الواحد بالنص زي ما هقولهالك الراجل مخلص التمرين وعمر مشدود شوية من ماتش باتشوكا ومن الناس اللى بتلوم نفسها يعني وكان نفسه يعمل حاجة لكن هو ماتش وهو دايس على نفسه في التمرين بزيادة أووي، فقبل ما يطلع علطول من الملعب كان المساعد بتاع كولر قاعد معاه وبيقوله هدي نفسك انت لعيب كويس وعايزه يعني هادي شوية، وهو كمان كان عنده ميعاد كشف لوالدته ومستعجل جدا بعد التمرين طلع على الأوضة جري وهقولك بالظبط كل الأحداث، طلع جري راح على غرفة الملابس قبل غرفة الملابس كان فيه إمام عاشور وكهربا قالوله يبني بتجري على أيه بالراحة، هو دخل بيشد الباب جامد فخد سنة زحلقة والباب بلاستيك حط إيده على الشرخ في الباب كف إيده اتجرح بالكامل، وهو لحددلوقتي ميعرفش خد كام غرزة، وكهربا وإمام خدوه في عربية إمام للمستشفى، ودخل المستشفى وخيط والموضوع مأخدش 25 دقيقة، ومتسائلا كف الأيد يشيل كام غرزة، والموضوع في الأخر هو جرح في أيده والراجل نزل التمرين».
عبد الواسع المطري.. قائد المنتخب الوطني يطارد فوزا تاريخيا في خليجي 26