الأطباء سحبوا عينة بدون تخدير ..أبرز تصريحات محمد ثروت ونجله في "معكم مني الشاذلي"
تاريخ النشر: 13th, October 2023 GMT
استمتع الجمهور أمس بعرض حلقة برنامج "معكم مني الشاذلي " حيث استضافت الإعلامية مني الشاذلي النجم محمد ثروت وابنه ،وكشف الفنان محمد ثروت عن رحلة مرض نجله، وتستعرض بوابة الوفد أبرز تصريحات النجم محمد ثروت ونجله أحمد محمد ثروت.
بداية الأزمة .."30دقيقة دون حركة تمام"
قال أحمد نجل المطرب محمد ثروت إنه فقد الحركة بشكل تام لمدة 30 دقيقة كاملة مشيرة إلي أنه تحول إلى روبوت آخر 3 سنوات.
وأضاف نجل محمد ثروت قائلا:" ربنا ضرب لي فرامل عشان تجي قدامي وأعرف أقيمها كنت بعمل حملة"قادرون باختلاف" وهي الحملة الرسمية لدعم ذوي الهمم، وكنت بعمل بعدها شغل لعميل فاكتشفت إني كحيت نقطة دم وبعدين جيت أمشي لاقيت كأني ماشي على سفنجة أو جيل، مفيش اتزان خلاص، فقررت إني لازم أمشي فورًا، كأني بمشي على أرض مش صلب"
نجل محمد ثروت :"بداية العلاج في ألمانيا بدون تخدير"
قال أحمد ثروت نجل الفنان محمد ثروت إن قرر سفره للعلاج في ألمانيا كان قرار الأطباء، مشيرة إلي أن مرضه مرض نادر وأنه أول ما صل ألمانيا الأطباء أخدوا منه سائل من المخ بدون تخدير ".
واستكمل حديثه قائلا :" أثناء مرضي كنت مسلم أمري لله،وواثق في أهلي وخطبتي وكل اللي حوليا ".
أحمد ثروت :" عشان أدخل الحمام كنت بزحف زي الأطفال"
قال أحمد نجل المطرب محمد ثروت ، إن كان عندي إصرار وعزيمة رغم فقداني الحركة ، وكنت برفض أي حد يساعدني أعمل حاجة، وجه عليا وقت كنت بزحف زي الأطفال عشان أدخل الحمام.
وتابع حديثه قائلا:" أنا داخل المستشفى دي على رجلي.. والدكتور قالهم إن ده عنده متلازمة ميلر فيشر، وده سريع بيأثر على العين والبلع وبيوصل للسكتة الدماغية ".
واستكمل حديثه قائلا":إدوني 60 حقنة عبارة عن 30 سم وفيها سائل سخن جدًا وكنت باخد مسكنات كتير جدًا عشان أقدر آخد الحقن، ووقتها أصبت بفقدان حركة وتواز".
وأضاف قائلا:" جالي 5 إعاقات مرة واحدة: بصر وحركة وفقدان قدرة على الكلام، وكلمت أصدقاء لي من ذوي الهمم وسألتهم أروح الحمام ازاي؟ وبنلبس هدومنا إزاي؟. والمفروض لما نشوف حد من ذوي الهمم نوطي لهم ونقولهم إنتوا أبطال.
محمد ثروت يروي كواليس تعامله مع نجله في فترة مرضه
تأثر المطرب الكبير محمد ثروت على الهواء بعد ما حكي نجله تفاصيل أزمته المرضية قائلا:" بكيت كتير في حفل السعودية لأن أول مرة كنت أشوفه من غير عكاز ولا سندات ولا مشاية.
المصدر: بوابة الوفد
كلمات دلالية: معكم منى الشاذلي منى الشاذلى محمد ثروت أحمد محمد ثروت أخبار محمد ثروت
إقرأ أيضاً:
محمد صبحي يروي موقف جمعه مع أم كلثوم: قالتلي أنا هغنيلك
تابع أحدث الأخبار عبر تطبيق
روى الفنان محمد صبحي موقفا جمعه مع كوكب الشرق “أم كلثوم” حرصًا على إحياء ذكرى وفاتها الـ 50، قائلًا: “وأنا في الثانوية كنت بشتغل في شباك التذاكر، وكنت بأخد جنيه في اليوم، وكنت بقعد شهر كامل أحجز عشان أحضر حفلات أم كلثوم اللي كانت أول خميس من كل شهر، كنت أجمع 30 جنيه في الشهر، وكان المبلغ ده بيكفيني سنة”.
وأضاف خلال لقائه ببرنامج “سبوت لايت” مع الإعلامية شيرين سليمان المذاع عبر قناة “صدى البلد”: “تمكنت أخيرًا من شراء تذكرة في الصف الأول لحفل أم كلثوم مقابل 3 جنيهات، لكني فوجئت بطلب غير متوقع من إدارة الحفل، جالي صاحب الجمعية اللي كنت بشتغل فيها، وقالي مفيش كراسي فاضية في أول صف؟ قلتله مفيش، قالي طيب الست أم كلثوم محتاجة كرسي لضيف جاي من برة، فقلتله طيب هنعمل إيه؟ هانقوم الناس؟! فقالي طب ما أنت اشتريت تذكرة، هاتها فرفضت”.
وتابع محمد صبحي: “لكن أصريت على حقي في حضور الحفل رغم محاولات الضغط، حتى وصل الأمر إلى أم كلثوم نفسها، دخلت عندها، وبمجرد ما شافتني قالت لصاحب الجمعية إيه ده ده عيل، فابتسمت، وقالتلي أنت شاري تذكرة عشان تتفرج عليا؟ طيب لو قلتلك أنا محتجاها عشان ضيف؟ فرديت عليها وقولتلها هقول لحضرتك إني مصري ومن حقي أحضر الحفلة”.
وأوضح: “بصت لصاحب الجمعية وقالتله ده صعب أوي، وقامت من مكانها، وخدتني من إيدي على كواليس المسرح، وحطتلي كرسي جنب الستارة، وقالتلي وأنا هغنيلك انت كنت هعيط من الفرحة، وبعد ما حضرت الحفلة ندهتلي في الأوضة واديتني ظرف، فتحت الظرف لاقيت فيه 50 جنيه، مع إن الناس كانت بتقول عليها بخيلة”.
ذكرى رحيل أم كلثوم الـ 50.. قصة الأمس واليوم والغدتحل علينا ذكرى رحيل كوكب الشرق "أم كلثوم" الـ 50، حيث إنها تعد الاختيار الأول والأوحد لجميع حكام مصر على مر العصور وجميع الفئات العمرية، وكأن القدر كتب الخلود لصوت أم كلثوم، عندما نستيقظ من النوم نبحث عن أغنية "يا صباح الخير ياللي معانا"، وعندما يبدأ العشاق في مناداة من يحبونهم نبدأ في البحث عن "سيرة الحب، أمل حياتي، الف ليلة وليلة، الأطلال" وغيرها.
جامعة أسيوط تشهد محاضرة ”مفهوم وأبعاد الأمن القومي" ضمن دورة التربية العسكرية