الشاعر بهاء الدين محمد يتراجع عن الاعتزال: كانت لحظة تقيلة على قلبي
تاريخ النشر: 13th, October 2023 GMT
أعلن الشاعر بهاء الدين محمد تراجعه عن الاعتزال بعد حوالي أسبوع من نشر هذا القرار عبر حسابه على موقع فيسبوك، وسط صدمة ورفض من محبيه.
وكتب بهاء الدين محمد ملابسات القرار في منشور جديد له عبر فيسبوك قائلا:" مهما توقعت أو حسيت أو تخيلت مش حعرف أوصف إحساسى بكلام يرد بكل إحترام على رد فعلكم وفعل زمايلى الفنانين اللى رافضين قرار إعتزالى والتركيز فقط على تأملات فى نِعم الله".
واستطرد بهاء الدين محمد قائلا:" رد الفعل اللى رافض القرار خلانى أسكت وأفهم وأعرف وأشوف بصوره واضحه مدى الحب والتقدير اللى وصلنى من كل مكان وعرفت من خلاله إن ليا مكان ف قلوب من حقهم الرفض .ورد الفعل اللى رافض الإعتزال خلانى أتجاوز اللحظه اللى خليتنى أفكر ف القرار".
وأوضح:" كانت لحظه سخيفه إتجمعت فيها أحداث كتيره مش حلوه ونفوس وقلوب كلها حقد وسواد وغباء ف الحياه الفنيه والشخصيه . وكم كبير من ضعف وطمع ناس مش ناس !!! وأنا مهما قابلت وكنت قد اى هجوم قذر او بالمعنى الأوضح ( وساخة ناس مريضه وكلها غل ونقص ) بس حسيت إنى محتاج هدوء . وحسيت ف لحظه إنى محتاج أعيش لنفسى ومع نفسى بعيد عن أى ظروف تجبرنى على الإحتكاك أو معاملة الناس المرفوضه دين وحياة وأخلاق !!!وانا مش سهل أوصف ناس بالشكل ده".
وأشار قائلا:" كانت لحظه تقيله على القلب ولكن إكتفيت بالتخلص نهائى من الأصناف دى اللى بتقصد تتسبب ف أى ضرر وإبتزاز بكل شر وطمع وإستنزاف للإنسانيه اللى ربنا خلقنى بيها حتى لو كنت بأعاملهم بكل خير وماخدوش بالهم إن الطيبه اللى جوايه طيبه من قوتى ورحمتى . وخاصة لما ألاقى اللى بيتعامل معايه ضعيف وناقص . ولكن لابد من مواجهتهم بكل ردع ولازم يتحطلهم حدود لأنى مازلت بأواجه بقايا الناس دى ولكن إن شاءالله ح أكسب ف النهايه لأن اللى يخسرنى خسران ويستاهل مصيره اللى إختاره لذلك قررت شطب وإستئصال كل حد لا يليق ومرفوض .وإحتفظت فقط بالناس اللى قلوبهم ونيتهم سليمه ف الفن والحياه .وشكرا على هذا الحب والإحترام اللى ح أفضل قده وأرد عليه بكل فن .وبأشكر كل قلب كتبلى أو بعتلى أو كلمنى يطمن عليا وإعتبرته شاركنى ووقف معايه بكل حب ف التجربه دى .ومهم جدا أقول أنا مش بتاع ترندات ولا ظهور إعلامى بالعكس من سنين واخد قرار أعيش ف حالى بعيدا عن الأضواء وأسيب أعمالى فقط ف دايرة الضوء ويكفينى إن كلماتى تعيش وتفضل ناجحه وف قلوبكم".
المصدر: صدى البلد
كلمات دلالية: بهاء الدين محمد اعتزال الشاعر بهاء الدين محمد الشاعر بهاء الدين محمد الاعتزال تراجع عن الاعتزال بهاء الدین محمد
إقرأ أيضاً:
شاهد.. أول ظهور لابنتي كريم محمود عبد العزيز في الهنا اللى أنا فيه
شهد العرض الخاص لفيلم “الهنا اللى أنا فيه” للفنان كريم محمود عبد العزيز أول ظهور لابنتيه حيث كان حريصا على عدم ظهورهما للإعلام.
وجاء ظهور ابنتى كريم محمود عبد العزيز “كندة وخديجة” بصحبة زوجته آن الرفاعى حيث خطفتا الأنظار إليهن.
وحضر العرض الخاص لفيلم "الهنا اللي أنا فيه" كريم محمود عبد العزيز، دينا الشربيني، ياسمين رئيس، أيمن بهجت قمر، رانيا محمود ياسين، محمد محمود عبد العزيز، محسن منصور، محمد مهران، المنتج جابي خوري، منة عدلي القيعي، والطفلة دالا حربي وغيرهم.
ويشارك في بطولة الفيلم كريم محمود عبد العزيز، ياسمين رئيس، دينا الشربيني، حاتم صلاح، ومريم الجندي، والطفلة دالا حربي، وهو من تأليف أيمن بهجت قمر وإخراج خالد مرعى.
ومن إنتاج نيوسنشري، وحدوتة، وفيلم سكوير، وأوسكار فيلمز، وفيلمولوجي، وبداية فيلمز، توزيع داخلي دولار فيلم وتوزيع خارجي اورينت فيلمز.
قصة فيلم الهنا اللى أنا فيهوقد طرح صناع الفيلم البرومو الدعائى له والذى بدأ بنصائح من شخصية أحمد (كريم محمود عبد العزيز) عن الزواج، قبل أن تطلب منه زوجته (ياسمين رئيس) الطلاق لإهماله لها، وبعدها تبدأ سلسلة من الأحداث الكوميدية بطلب الزوجة من صديقتها فوزية (دينا الشربيني) الزواج من زوجها، وتوافق فعلا على طلبها، لينطلق الثلاثة في رحلة شهر عسل مليئة بالمفارقات، لكن في نفس الوقت تثير التساؤل حول السبب الذي دفع الزوجة لعرض الأمر على صديقتها، وموافقتها على مشاركة زوجها معها.
ويظهر في البوستر الرسمي النجم كريم محمود عبد العزيز محاط بكل من دينا الشربيني وياسمين رئيس، في الفيلم الذي تدور أحداثه حول دكتور أحمد، المهتم بإعطاء نصائح لمتابعيه حول بناء الشخصية والسعادة الزوجية على وسائل التواصل الاجتماعي، في حين يواجه مشاكل في حياته الزوجية، ويتفاجئ بزوجته تعرض على صديقتها الزواج منه.
برلماني: مش معقول كل ما الحكومة تتنزنق تلجأ للاقتراض