السيسي: مصر تبذل جهودا كبيرة للتخفيف على الشعب الفلسطيني

قال الرئيس عبد الفتاح السيسي، إن مصر تبذل جهودًا كبيرة للتخفيف من على الشعب الفلسطيني في قطاع غزة، والاتصالات لا تنتهي من أجل إيقاف التصعيد الدائر في غزة في الوقت الراهن. 

 

السيسي يتحدث عن القضية الفلسطينية 

وأضاف السيسي، خلال كلمته في حفل تخرج طلبة الأكاديمية والكليات العسكرية، اليوم الخميس، أنه يتواصل مع كافة القادة والمسؤولين، وهم يتواصلون معه، والجميع مهتم، مؤكدا أنه حريص على إيصال المساعدات سواء طبية أو إنسانية في ذلك الوقت الصعب، "أنا بقول كده للناس كلها، عشان الفترة اللي إحنا موجودين فيها دي يتردد كلام كتير، ويبقى فيه شائعات كتير، أنا حبيت أؤكد أن مصر مش ساكتة، وتتحرك مع الأشقاء قادة الدول العربية، وأيضا مع الأصدقاء والحلفاء من أجل إيجاد حل لهذا الموضوع".

 

 

واستكمل: "مش عاوزين زي ما اتقال العاطفة، طبعا نحن متعاطفين، ولكن خلي بالكم، عاوزين وإحنا نتعاطف نكون دايما بنتعامل دايما بعقولنا، عشان نصل إلى السلام وإلى الأمان بشكل لا يكلفنا الكثير، وده مش معناه إننا مش عاوزين نتكلف، لا إحنا بنقول إحنا مستعدين نتكلف في إطار قدراتنا، وفي إطار إمكانياتنا". 

 

وواصل: "إحنا لم نسبب مشكلة لحد، إحنا بنتكلم وعندنا 9 مليون من الضيوف من دول عديدة، جم مصر عشان الأمن والأمان، والسلم والسلام، ولكن بالنسبة لقطاع غزة، أنا بقول أن الخطورة هناك خطورة كبيرة أوي لأنها تعني تصفية القضية الفلسطينية". 

المصدر: بوابة الفجر