قالي يا سافلة.. رد فعل صادم من معجب تجاه انتصار بسبب صورة
تاريخ النشر: 8th, October 2023 GMT
كشفت الفنانة انتصار معاناتها مع المعجبين، إذ أشارت إلى أن هناك رجل سبها بسبب رفضها التقاط صورة معه على كوبري أكتوبر، حيث وصفها بـ المستبدة، كما أكدت أنها اتخذت اجراء قانوني ضد رجل آخر بسبب تطاوله عليها، وتعديه لعيها لفظيًا، عبر تطبيق الواتساب، لذلك قدمت شكوى في مباحث الإنترنت ضده وحبسته.
وروت انتصار مواقفها مع المعجبين، خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير يوتيوب: واحد قالي يا سافلة يا مستبدة عشان موقفتش اتصور معاه على كوبري أكتوبر.
وتابعت انتصار: في معجب تاني بعتت لي شتيمة وصور على الواتساب، فاخدت اجراء قانوني ضده، وقدمت شكوى بمباحث الانترنت، لإن إحنا مش هنعيش العمر كله نعمل بلوك.
واضافت انتصار: عنده 27 سنة، وسجنته ومقابلتش أهله، اللي قده معاهم عيال، فمش ذنبي إنه مش متجوز، ولا إن أهله مش مربينه، ممكن أتنازل عن بلاغي ضده عشان أحبس واحد تاني، إحنا أهالينا تعبوا معانا وربونا، فطلعنا منضبطين، اللي زي ده مترباش.
المصدر: صدى البلد
كلمات دلالية: انتصار
إقرأ أيضاً:
أول تعليق من إدوارد بعد إصابته بشلل مؤقت في المعدة
في أول تعليق له بعد إصابته بشلل مؤقت في المعدة بسبب حقن التخسيس نشر الفنان إدوارد عبر خاصية الاستوري بحسابه على فيسبوك عبارات طمأن بها جمهوره.
وكتب إدوارد: "إحساس إن ربنا معاك إحساس حلو أوي مخليني مطمن ومش فارق معايا حاجة أشكرك يا رب".
إصابة ادوارد بشلل مؤقت بالمعدة:كان الفنان إدوارد -عبر حسابه الشخصي على موقع التواصل الاجتماعي فيسبوك- أعلن إصابته بشلل مؤقت في المعدة بسبب حقن التخسيس.
وكتب إدوارد في منشوره عبر فيسبوك: «كلام مهم جدا .. أنا كنت باخد حقن التخسيس تحت إشراف دكتور تغذية ونزلت حوالي 15 كيلو، كنت باخد حقن الساكسندة ودي الدكتورة نصحتني بيها بس مشكلتها بتتاخد كل يوم في المعدة بس ميزتها أننا نقدر نتحكم في الجرعات عشان منتعبش ووصلت الوزن اللي أنا عاوزه ودخلنا في مرحلة التثبيت».
وتابع إدوارد: «الدكتورة طلبت مني أروح لدكتور جهاز هضمي أعمل تحاليل ونطمن بس أنا طنشت وقولتلها أنا هاخد حقن أسبوعية بدل اليومية عشان تعبت من كل يوم حقنة وفي ناس نصحوني بالتروليستك لأنها أسبوعية ومش قوية زي المونجارو، فضلت أخد التروليستك لمده 5 أسابيع، كل أسبوع حقنة، وكانت تمام معايا وكانت برده دكتورة التغذية بتسألني على التحاليل كل فترة وكنت بطنش لأني تمام مش حاسس بحاجة، وكمان لا كنت بتخن ولا بخس وباكل عادي طبعا برده».
إصابة إدوارد بـ شلل في المعدةوأضاف إدوارد: «مواظب على دايت مع الدكتورة لحد الأسبوع اللي فات فجأة موش جعان خالص وقعدت حوالي 4 أيام مش بدخل حمام ولا قادر أكل ووجع في معدتي جامد، دكتورة التغذية قالتلي وقف الحقن وروح لدكتور جهاز هضمي فورا وعملت كده روحت لدكتور قالي حصلي شلل مؤقت من الحقن في المعدة وكان مفروض تتابع معايا مع دكتورة التغذية قولتله أنا اللي كنت بطنش عشان كنت تمام، قالي الحقن مش وحشة ومفعولها كويس، بس أنا بنصح أقصاها 3 شهور بس تاخدها وتوقف فترة وترجع تاني، بس لازم طبعا برده متابعة مع دكتور تغذية».
واختتم إدوارد منشوره قائلا: «من غير ماطول عليكم أنا بقالي أسبوع بتعالج وعملت كل التحاليل حتى صبغة على الكلى، والحمدالله معنديش غير شوية زيادة في الأملاح زي كل المصريين بطني بتتحسن واحدة واحدة، ولسة المعدة وجعاني، والدكتور قالي من 8 لـ9 أيام ترجع عادي، وإن شاء الله هبقى كويس، أنا حكتلكم تجربتي عشان بقولكوا إن الحقن مش وحشة وجابت نتيجة هايلة معايا بس لازم مع دكتور التغذية دكتور جهاز هضمي وكمان دكتور قلب لو أمكن عشان سرعة ضربات القلب، أتمنى أكون قدمتلكم معلومات كويسة عن تجربتي وربنا يشفي أي حد تعبان وأشوفكم دايما كويسين».
1.5% زيادة في إجمالي المساحة المنزرعة عام 2022 / 2023