قوات الاحتلال تعتقل وزيرا فلسطينيا غرب سلفيت
تاريخ النشر: 6th, October 2023 GMT
اعتقلت قوات الاحتلال الإسرائيلي، اليوم الجمعة، رئيس هيئة مقاومة الجدار والاستيطان الوزير مؤيد شعبان، ومصور الهيئة مروان الأغبر، في بلدة دير استيا، غرب سلفيت.
وأفاد مدير عام دائرة العمل الشعبي في "الهيئة" عبد الله أبو رحمة بأن قوات الاحتلال اعتقلت الوزير شعبان، والمصور الأغبر أثناء مشاركتهما في المسيرة المنددة بالاستيلاء على أراضي في منطقة "القعدة" شمال البلدة، واعتدت عليهما بالضرب، فيما أطلقت قنابل الغاز السام المسيل للدموع صوب المشاركين في المسيرة.
يذكر أن المستوطنين استولوا منذ أكثر من شهرين، على أراضي المواطنين في منطقة "القعدة"، ووضعوا فيها بيوتا متنقلة (كرفانات) وأقاموا حظائر أغنام، وشقوا طريقا ترابية، إضافة لتمديد شبكات مياه وكهرباء، بهدف إقامة بؤرة استيطانية جديدة.
المصدر : وكالة وفاالمصدر: وكالة سوا الإخبارية
إقرأ أيضاً:
(سعادة الوزير الفنان)
جهز كباية قهوتك بمزاج و تعال ، و عليك الله القهوة ازبطها كويس ، خليك زول فنان و اعملها بي فن ، دائما بقول للناس انو اي زول ناجح في شغلو معناها زول فنان ، و الفنان ما شرط يكون مغني او تشكيلي او نحات او اياً من وسائط الابداع المعروفة ، الفنان الحقيقي هو الزول المبدع في مجالو ، الزول الخلاق و المبتكر البكون دائما عندو رؤي و تصورات فريدة .
المعلمين كتاااار لكن في معلم قادر يوصل ليك المعلومة بسهولة و يخليك تعشق مادته الصعبة و ده بنقول عليهو زول فنان ، كذلك عندنا دكاترة عاملين ذي السحرة ، تدخل عيادتهم و انت ما قادر تمشي و تطلع منو و انت بتنطط بدون اي ما تاخد اي علاج لانو دكتور فنان قدر يشتغل على نفسياتك ، كمان في السواق الفنان و ست الشاي الفنانة و الطباخ الفنان ، و عندنا ناس فنانين بتصرفاتهم و سلوكياتهم و اجتماعياتهم ، الزول الإجتماعي زول فنان بدون شك ، و العسكري الشاطر زول فنان ، هسه في زول عندو شك إنو البرهان ده ما زول فنان ؟ إحنا المفروض نربط وصف الفنان بالوصف الوظيفي لاي زول مبدع في مجالو ، يعني نقول اللواء فنان الفلاني او الدكتور فنان العلاني .
الموضوع ده تمهيد لحاجة مهمة عايزين نرسلها للحكومة و للاخ وزير الإعلام المحترم .
اخونا خالد الاعيسر وزير الإعلام كتب ليهو مقال طويل و عريض على صفحته الرسمية في شكل رسائل اتكلم فيها عن انو بعد معركة الكرامة مافي زول تاني يفكر يتمرد على الدولة لانو الشعب اصبح في حالة مواجهة للمفاهيم الغلط دي و إنو لازم نتجاوز الماضي و نفتح صفحات جديدة و نقبل الاخر بدل ما نقعد نشغل نغمة المظالم التاريخية ، المهم اختصرت ليكم مقال الاعيسر و رسالته ، اها قمت انا جيت كتبت نصيحة محترمة للسيد الوزير و قلت ليهو فيما معناه انو انت الوزير الوحيد القادر إنو يترجم رسائله لارض الواقع ، و بعد عشرة دقائق لقيت نفسي من المحظورين رغم انو كلامي كان في صفحتي الشخصية و كان باسلوب محترم .
يا جماعة لامن وزير المالية يكون عندو نصائح للشعب بتتعلق باهمية اورنيك ١٥ مثلا بيقوم يحول الموضوع لوزير الاعلام عشان يتعمل في قالب توعوي ، و لامن وزارة الداخلية تكون عايزة تعمل توعية من مخاطر المخدرات او السرعة الزائدة بتلجاء لوزارة الإعلام و هكذا ، كل مجلس الوزراء و كل الحكومة بترسل رسائلها للشعب من خلال الإعلام ، حتى الاستخبارات العسكرية لامن يكون عندها حاجة مهمة بتمررها من خلال الإعلام الرسمي ، و بدل ما يقعد الاعيسر يكتب لينا مقالات عن ضرورة تقبل الآخر و مخاطر التمرد على الدولة و اهمية تغيير المفاهيم المغلوطة يفترض انو دي اساسا هي اهداف و سياسات وزارته المفترض تتحول لبرامج تلفزيونية و حملات توعوية و تتشكل في قوالب مختلفة و متنوعة عشان توصل لكل الشعب السوداني ، زمان امهاتنا بختو لينا كبسولات الدواء في لب العيش عشان نبلعها ، و الإعلام دورو إنو يخت لينا كبسولات التوعية في قوالب جميلة عشان تصل لكل الناس ، لكن اخونا الإعيسر فاهم الموضوع غلط و مفتكر انو قادر يغير المفاهيم و يصحهها من خلال مقالات على صفحته الشخصية .
المرحلة الجاية مرحلة إعمار و بناء للمعاني قبل المباني و امثال الإعيسر وطنيين مخلصين مااافي شك لكن ما عندهم اي نوع من الابداع و الإبتكار ، محتاجين وزراء فنانين يااااااخ
نزار العقيلي