تامر حسني: «اللي ملوش مثل أعلى يشتريله» ويبقى أحسن منه

وجه الفنان تامر حسني، نصيحة لجمهوره عبر صفحته الرسمية على موقع التواصل «فيسبوك»، مؤكد ضرورة وجود قدوة في حياة كل شخص حتي يحقق النجاح.

نصيحة تامر حسني

وكتب الفنان تامر حسني، منشورا عبر صفحته الرسمية على موقع التواصل الاجتماعي «فيسبوك»، قال فيه: « (( اللي ملوش كبير يشتريله كبير )) مقوله جميله بس أنا من خلال رحلتي و قد إيه في قوه جبارة الإنسان يستمدها من اللي يحبهم بكل جوارحه.

. طبعاً كلامي عن النجاح العملي في العمل اللي تحبه».

وتابع: « فحبيت أقول المقولة بطريقه تانية (( اللي ملوش مثل أعلى يشتريله مثل أعلى )) والله والله والله لما تحب حد ناجح و تتأثر برحلته أو طريقته و نجاحه، فعلاً بتقدر تبقى زيه و ممكن احسن كمان، ممكن طبعاً تنجح من غير ما يكون عندك مثل أعلى بس تركيزك يبقى اقوى بكثير مع مثال قدامك حي بيخليك تشوف رحلته قدامك زي دليل ينورك على خطوات انت متعرفش نتائجها بس بتعرفها من خلاله، بتشوف تفكيره في التطوير و تفكيره ازاي يتخطى الازمات وتفكيره في المواكبه لكل مرحله في حياته، ازاي كسر سقف نجاحه عشان انت كمان تعمل زيه، معلش بحب اوصلكم أي حاجة كويسة بتعلمها في حياتي

( اللي ملوش مثل أعلى يشتريله مثل أعلى )».

وأضاف: «يعني يدور و يركز مع حد يحبه و يتعلم منه و على فكره مش شرط في مجاله، ممكن تحب حد في مجال تاني و تحاول تطبق مراحله في مجالك ده كان كلام من واقع تجربتي و رأيي الشخصي، ربنا يوفقكم كلكم و توصلوا لأبعد من احلامكم و تبقوا انتوا كمان مثل أعلى لناس بعدكم».

آخر أعمال تامر حسني

وكانت آخر أعمال الفنان تامر حسني، هو فيلم «تاج»، الذي تم عرضه خلال الفترة الماضية بدور العرض السينمائية، وحقق إيرادات جيدة.

ودارت أحداث فيلم تاج حول حياة التوأم تاج وهارون -يؤدي تامر حسني دور التوأم-، اللذان يمران بالعديد من الأزمات، ومع امتلاكهما لقدرات خارقة، تتسبب في وقوع العديد من المفارقات لهما وتعرضهما لمواقف خطيرة وعقبات كثيرة.

اقرأ أيضاًتامر حسني داعمًا ابنته تاليا: «دي طلعالي في الكورة كمان»

تامر حسني يٌنعي والدة دينا الشربيني: راحت لدار الحق

بحضور «وائل جسار وتامر حسني وحماقي».. القصة الكاملة لفرح صيدلي بالمنصورة

المصدر: الأسبوع