نجم الأهلي السابق: موديست لم يظهر بمستوى مقنع
تاريخ النشر: 5th, October 2023 GMT
أكد خالد جاد الله نجم فريق الأهلي السابق ، أن الفرنسي أنتوني موديست مهاجم الفريق الأول لكرة القدم بالنادي الأهلي لم يقدم الأداء المنتظر في مباراة إنبي في بطولة كأس مصر على الرغم من تسجيله هدف.
وقال خالد جاد الله نجم فريق الأهلي السابق ، عبر برنامج "البريمو" على قناة "تن" مع الإعلامي إسلام صادق :" من وجهة نظري أن أداء موديست مهاجم فريق الأهلي أمام إنبي غير مقنع على الرغم من الهدف الذي سجله في مباراة الفريقين ببطولة كأس مصر".
وتابع:"أتمنى أن ينسجم موديست مع فريق الأهلي بشكل أقوى فنياً في الفترة القادمة وأن يتألق بشكل أكثر من رائع في الفترة المقبلة تحت قيادة السويسري مارسيل كولر المدير الفني للفريق الأحمر".
المصدر: بوابة الوفد
كلمات دلالية: الأهلى موديست خالد جاد الله أخبار الرياضة بوابة الوفد فریق الأهلی
إقرأ أيضاً:
علامة استفهام.. خالد طلعت يوجه رسالة لـ كولر.. تفاصيل
شارك الناقد الرياضي خالد طلعت منشوراً بشأن مارسيل كولر عبر صفحته على موقع التواصل الاجتماعي فيسبوك.
وكتب خالد طلعت: “مارسيل كولر بدأ بداية هايلة مع الأهلي، وأنا أشدت بيه كتير جدا ، لكن الفترة الأخيرة وتشكيله وتبديلات ، وادارته لمباريات القمة تحديدا عليه علامات استفهام كتيرة جدا”.
النهارده الزمالك في أسوأ حالاته ونازل خايف وبيلعب جيم دفاعي بـ 3 مساكين ، وكانت فرصة كبيرة للأهلي ولكولر يستغلوا سوء حالة الزمالك وخوفه ويكسبوا الماتش ده بسهولة وممكن باسكور كمان.
لكن كولر عمل أخطاء كتيرة في التشكيل والتبديلات وبرضه واضح ان هو كمان كان خايف ومتحفظ بشكل كبير.
مركز الباك الشمال كريم الدبيس ماشي بشكل كويس جدا الفترة الاخيرة وبيلعب أداء هجومي ورغم كده ملعبوش ولعب كوكا اللي مستواه مش قد كده اخر فترة وبيلعب في غير مركزه الاصلي ، وأداءه في المركز ده فيه تحفظ دفاعي كبير جدا ومالوش أي شكل هجومي وحتى اداءه الدفاعي كان سيء في جول الزمالك ومعملش رقابة على عمر جابر وسابه لوحده
مركز الباك اليمين محمد هاني هو الأساسي والأفضل والأكثر خبرة ، وكمان بيكون ليه دور هجومي كويس ، ورغم كده كولر لعب أكرم توفيق اللي متسواه برضه تراجع في الفترة الاخيرة بسبب أزمة الرحيل وعدم التجديد ، وبرضه أداءه دفاعي بحت ومالوش مهام هجومية
الأهلي فقد أهم أسلحته الهجومية وهما باكين الطرف ومكانش فيه أي ضغط على الزمالك
كمان كولر اتأخر جدا في الدفع بوسام أبو علي رأس الحربة الأساسي والأهم في الأهلي خاصة وانه رجع من الاصابة من فترة ولعب وقت اطول ماتش الاسماعيلي ، ودفع بيه في الدقيقة 85 أخر 5 دقايق بس
حتى تبديل بن شرقي في الدقيقة 60 كان ممكن يكون بدري اكتر مع بداية الشوط التاني خاصة في ظل الاداء المتواضع اللي ظهر بيه محمد عبد الله وظهر انه كان خايف وقلقان لافتقاده الخبرة
كمان لما كريم الدبيس نزل كان مفروض ينزل مكان كوكا ويسيب الشحات عشان يدي نزعة هجومية اكبر ، مش ينزله مكان الشحات
الاخفاق ده والتشكيل والتبديلات الغربية دي اصبح شىء معتاد من كولر في ماتشات القمة أخر 5 ماتشات اللي كلهم تقريبا فرط فيهم الاهلي في انتصارات سهلة وكبيرة
نهائي كأس مصر في الرياض كان الزمالك أفضل بكتير وأقرب للفوز والاهلي كسب 2-0 بجولين في أخر 5 دقايق منهم جول مشكوك فيه من تسلل
ماتش الدوري بعديه الزمالك كسب 2-1
ماتش السوبر الافريقي الاهلي بعد لما تقدم الزمالك تعادل وكسب ركلات ترجيح وكسب السوبر الافريقي
ماتش السوبر المصري خلص تعادل وكان الزمالك اقرب للفوز في ركلات الترجيح لولا شيكابالا اللي سدد ركلة في غير مكانه وضيعها ورجع الاهلي للماتش والاهلي كسب
وأخيرا ماتش النهاردة كان سهل جدا ان الاهلي يكسب لو بدأ بتشكيل صح ولكن كولر فرط كالعاده لرابع ماتش على التوالي في فوز مهم وسهل".
المشيعون يواصلون المراسم في بيروت رغم التحليق المنخفض للطائرات الإسرائيلية