السيسي عن عظمة حرب أكتوبر: مصر مش انتصرت دي قفزت

كتب- أحمد السعداوي ومحمد أبو بكر:

قال الرئيس عبد الفتاح السيسي، رئيس الجمهورية، إن قضيةالوعي هي غياب المشاركة وغياب الحضور؛ فالذي يتكلم غير مَن عاش، معقبًا: أنت عايزتقول للذي يسمع أنت ماشفتش ده؛ فأنت عايز تعرفهم الحكاية وعمقها وحجم جهد وإصرار المصريين علشان يرفضوا الهزيمة.

وأضاف الرئيس السيسي، خلال الندوة التثقيفية للقواتالمسلحة الـ38 بمناسبة مرور 50 عامًا على انتصار حرب أكتوبر المجيدة: ممكن يكونالكلام ده أدهش الإسرائيليين، وهقول للناس في مصر تعرف أنا كنت باعتبر أحد عناصرقوة الدولة الشاملة هو شخص الرئيس؛ وبالتالي كان هناك تحدٍّ آخر في سنة 70؛ عندماتوفي الرئيس جمال عبد الناصر، ودي كانت ضربة كبيرة وقاسية.

وتابع الرئيس السيسي: النقطة الثالثة في المسألة دي إننا كنا بنتأثر بالبيئة الدولية الموجودة، وكان فيه صراع بين قوتَين عظميين؛ الولايات المتحدة والاتحاد السوفييتي، الجيل الذي لم يعش الحكاية وشافها مايقدرش يعرف تأثيرها على مجريات الأحداث.. دي كانت لحد كبير بتقرر مصير دول على حسب المحادثات اللي بتجريها، وحصل تطورات كبيرة بعد كده؛ لكن كان له تأثير على استعادة وبناء قدراتنا التي تمكننا من أن نستكمل المهمة ونستعيد أرضنا.

وذكر الرئيس السيسي نقطة أخرى: نختلف مع كل الليبيتكلم، لو عشت وذقت الحالة من 67 لـ73 هتعرف أن مصر مش انتصرت؛ دي قفزت، مصر قفزت، ليه بقى؟ لما يكون فيه طرفان متساويان في القدرة، فلما يكون القوة منهزمة؛ وهي المصرية أو العربية في الوقت ده، وحصل يعني تدمير كامل للقدرات العسكرية للجيوش؛ خصوصًا قدرات الجيش المصري، الكلام كان بيتقال إن مصر تحتاج 50 سنة لإعادة جيشها الذي تدمر..

وتابع السيسي: والذي يستطيع رغم كل الظروف دي أن يكسر حاجز الخوف وعدم الثقة وفرق القوة الضخمة جدًّا بين ما لدينا ولديهم، لأ ده ماكانش انتصار، أنت تتكلم من أنهي منظور؟ إن الجسر الأمريكي كان بينزل دبابات إم إل 60 في مطار العريش، وكانت عاملة 80 و100 كم، لتعويض طائرات الفانتوم التي سقطت في المعارك التي تمت في الفترة دي، وتآكل سلاح الطيران الإسرائيلي، بمفردات القوة اللي موجودة في الوقت ده...

وتابع الرئيس: تمكن الجيش المصري بالفكر والتخطيط والتدريب والروح المعنوية أن يحقق ذلك، احنا بنقول الكلام ده؛ مش بنستدعي حالة، لا احنا بنقول إزاي نفهم الحكاية.. احنا كدولة علينا دور نعمله بالموضوعية؛ لأننا عايزين دائمًا في تعاملنا نكون الحق، ماحدش يقدر يتغلب عليه، والصدق ماحدش يقدر يتغلب عليه، وعايزين تعرفوا الحكاية؟ مينفعش ترد عليها بعنوان تسمعه أو مقولة تردد، لازم تسمع وتقرأ كويس؛ لأنها بلدك.

وأضاف الرئيس السيسي: أنا في الوقت ده كان عندي 13سنة، والله أنا فاكر كل حاجة اتعملت من شدوان لرأس العش للمدمرة إيلات للحركة الزيتية وأي بيان اتقال وثَّقته وجبت جرائد وكتب بتتكلم عن الوقائع، وفيه مقالة واحدة من ضمن المقالات، إن من ضمن خطة الخداع كتبها الكاتب المفكر العظيم محمد حسنين هيكل، كان بيتكلم عن محاولات الجيش المصري للعبور وإيه النتائج اللي ممكن تحصل، وكنت باقرأ في الوقت ده كل المقالات التي تصدر عن الحرب، وبقالها أكتر من 51 أو 52 سنة؛ لأنها اتعملت في الفترة بعد السبعينيات، هتعرفوا قد إيه حجم القفزة لو شوفوتها، مش هابالغ علشان أنا مصري أو ضابط جيش.. دا ماكنش ممكن حد تاني يعملها إلا الجيش المصري في الوقت ده.

المصدر: مصراوي