الرئيس السيسي يكشف دور هيكل في خطة الخداع الاستراتيجي بحرب أكتوبر

قال الرئيس عبد الفتاح السيسي، إن عمره كان 13 سنة وقت حرب 67، مؤكدًا: "والله أنا فاكر كل حاجة اتعملت من شدوان لرأس العش للمدمرة إيلات لحريق الزيتية، وأي بيان اتقال في الوقت ده كنت أنا جايب جرايد، بالإضافة للكتب اللي خرجت تتكلم عن الوقائع دي كلها".

دور هيكل في الخداع الاستراتيجي

وأضاف الرئيس السيسي، خلال كلمة بالندوة التثقيفية، والتي تبثها القنوات على الهواء مباشرة: "كنت أتمنى فيه مقالة واحدة من ضمن المقالات اللي اتقالت كانت من ضمن خطة الخداع الاستراتيجي، كان كاتبها الكاتب الراحل المفكر العظيم محمد حسنين هيكل، كان بيتكلم فيها عن محاولات الجيش المصري للعبور".

الرئيس السيسي: الجيش المصري انتصر في أكتوبر بالفكر والتخطيط والتدريب والعزيمة الرئيس السيسي يشهد فيلمًا تسجيليًا عن حرب الأيام الستة والاستنزاف مقال هيكل

وتابع الرئيس: "أنا قريت المقالة دي، وفي الوقت ده كنت بقرأ كل المقالات اللي بتصدر عن الحرب، ولما تقرأ المقالة دي، ولو جبتها لكم دلوقتي بقى، لها أكثر من 51 أو 52 سنة، لإنه ا اتعملت في فترة ما بعد السبعينات في 71 أو 72".

قفزة الجيش المصري

واستطرد الرئيس: "لو جبت لكم المقالة هتعرفوا حجم القفزة اللي حققها جيشنا.. والله ومش بقول الكلام دة علشان أنا ظابط مصري أو ظابط جيش، والله ما كان حد يقدر يعملها إلا الجيش المصري في الوقت ده". 
 

المصدر: بوابة الفجر