الرئيس السيسي عن حرب أكتوبر: محدش كان يقدر يعملها غير الجيش المصري

أكد الرئيس عبد الفتاح السيسي، أن الهزيمة التي تعرضت لها مصر إبان نكسة 67، حدثت للعالم العربي كله وقتها، ولكن الشعب المصري استطاع الصمود وحول الهزيمة للنصر، ولم يكن أحد يستطيع مواجهة الحرب مع إسرائيل إلا الجيش المصري.

وقال الرئيس السيسي، إن الجيش المصري هو الوحيد الذى كان يستطيع الانتصار في 73 مضيفا: "كان عندى 19 سنة وفاكر كل حاجة اتعملت.

. رأس العش والمدمرة إيلات وحريق الزيتية أى بيان اتقال كنت بوثقه.. وجايب جرايده والكتب اللى اتكلمت عن اللى حصل".

أضاف الرئيس السيسي، خلال الندوة التثقيفية للقوات المسلحة بمناسبة الذكرى الخمسين لنصر أكتوبر: "فيه مقالة واحدة من ضمن المقالات اللى اتكتبت ضمن خطة الخداع الاستراتيجى كتبها المفكر العظيم محمد حسنين هيكل.. كان بيتكلم فيها عن محاولات العبور والنتائج اللى ممكن تحصل.. كنت بقرأ كل المقالات اللى بتصدر عن الحرب والصراع وحرب الاستنزاف لو جبتهالكم وهى بقالها أكتر من 52 سنة بعد السبعينيات ولو شوفتوها هتعرفوا قد إيه حجم القفزة.. والله لا أبالغ عشان أنا مصرى أو علشان أنا ظابط جيش.. ده مكنش ممكن حد تانى يعملها إلا الجيش المصرى فى الوقت ده".

المصدر: الأسبوع