النمر يكشف أعراض ظهور الحالة النفسية على الإنسان
تاريخ النشر: 4th, October 2023 GMT
أميرة خالد
كشف الدكتور خالد النمر استشاري أمراض القلب عن أعراض ظهور الحالة النفسية على الإنسان.
وقال النمر أن الحالة النفسية مثل القلق والاكتئاب من الممكن ان تظهر على شكل (ألم في الصدر، ضيق تنفس، تنميل في أجزاء مختلفة من الجسم، ألم في البطن..الخ).
وأضاف النمر أنه يجب التأكد أولا من عدم وجود أمراض عضوية مسببة لتلك الأعراض أو متواجده معها.
المصدر: صحيفة صدى
كلمات دلالية: أمراض القلب الحالة النفسية خالد النمر
إقرأ أيضاً:
سابقا وقفت مع خالد سلك في حقه في السفة وقلت إنها من حقوق الإنسان العادية
عصر يوم كلب قائظ مع السيد الفاضل
طبعا لما رفضت الغزو الأجنبي الجنجويدي ده كان سبب كافي لي ناس كتار يقولو أنو أنا بقيت كوز مساند للحكم العسكري. حسي في الشمطة بتاعة الفاضل منصور دي لقيت روحي واقف مع خالد سلك في قضية البوكسر لاني بحب البوكسر والأردية عموما.
وبعدين أشفقت علي الناس المتحالفين مع ناس ذي الفاضل ده لجلب الديمقراطية والمدنية مع أنو بيفتكر أنو لبس الرداء – البوكسر فيه نقص رجولة ودرجة من درجات أنو الزول بقى خيخة.
وسابقا وقفت مع خالد سلك في حقه في السفة وقلت إنها من حقوق الإنسان العادية وانا بدعم موقفو السعوطى لاني رغم أني ما بسف لكن بعمل حاجات أكعب من التمباك في الميزان السوداني. هل تصلح هذه كأدلة لتثبت أني من دجاج خالد سلك وسمبل من سنابل تقدم لنفس السبب الخلاني كوز لاني ضد الغزو الجنجويد الأجنبي؟
فاصل انصرافي: هل أنا سمبل من دجاج خالد سلك؟
زي ما قلت، أشفقت علي الناس المتحالفين لجلب الديمقراطية والمدنية مع ناس بيفتكرو الرداء نقص رجولة.
القصة دي ذكرتني فيلم عصر يوم قائظ (دوق داي أفترنوون) بتاع باشينو الذي يروي م عملية سطو علي بنك واحتجاز رهائن وقعت عام ١٩٧٢. فشلت الخطة على الفو ولقو 1100 دولار فقط في البنك . حاصر رجال الشرطة المبنى وأخذ اللصان المذعوران موظفي البنك رهائن وهددوا بقتلهم. المهم، كتمت شديد وقام باشينو طلب من البوليس طيارة للهروب مقابل ألا يقتل موظفي البنك المحتجزين. ويقوم شريكو في السرقة سال يسالو يقول ليهو يا بوص الطيارة نمشي بيها وين؟ قال ليهو نمشي دولة في سنترال أميريكا – أمريكا الوسطي. قام سال الغبي قال ليهو سنترال أمريكا دي يعني نمشي ويومنغ؟ الباشينو زهج زهج شديد وندب حظو ر قال اتخيل تغامر بسرقة بنك مع زول بيفتكر أنو ويمنغ في سنترال أمريكا؟
المهم، يعني حسي اتخيل في ناس (وليس بالضرورة سلك شخصيا) متحالفين لجلب المدنية والديمقراطية مع أشاوس بيفتكرو البوكسر عيب وفيهو عدم رجولة وفنسة ونسونة. لكن البيبارى الجداد بيصل الكوش.
المهم، في النهاية باشينو طلب من البوليس طيارة وبيتزا مقابل سلامة الرهائن وطلب إحضار زوجته إلى البنك. يقوم سال الغبي يكتشف أن السرقة كان غرضها دفع تكاليف جراحة تغيير الجنس للراجل ليون حبيب باشينو ولكن تلك قصة أخري ما تكلمو بيها الفاضل.
معتصم اقرع
معتصم اقرع إنضم لقناة النيلين على واتساب
رحيل صادم لرياضي مصري واتحاد اللعبة يعلن وقف النشاط