إلهام شاهين لـ "الفجر الفني": بمهتمش بالتعليقات السلبية وبشوفها مضيعة للوقت (خاص)
تاريخ النشر: 3rd, October 2023 GMT
بعد تحقيقها نجاحًا كبيرًا بشخصية العمة الحنونة سوسو التي قدمتها في مسلسل "الفريدو" تحدث "الفجر الفني" مع الفنانة إلهام شاهين، والتي كشفت في تصريح خاص عن آرائها في بعض القضايا التي يناقشها المسلسل، وأيضًا صرحت لنا عن طريقة تعاملها مع التعليقات السلبية عبر مواقع التواصل الإجتماعي.
أوضحت إلهام شاهين، رأيها في طريقة التعامل مع مريض الزهايمر بعد عرض تلك القضية في مسلسل "الفريدو" قائلة: "إحنا لازم نديله اهتمام أكثر وأنا شوفت ناس كدة فعلًا عندهم الزهايمر لكن لازم اللي حواليهم يتعاملوا معاهم كويس"
وأضافت قائلة: "يعني زي ما شوفنا في المسلسل الدكتور بيقول لازم متغيروش عاداته وتنقلوه من مكانه يفضل في بيته اللي واخد عليه يشوف الناس اللي يعرفهم وبيحبهم وبينه وبينهم ذكريات عشان ده يأخر تطور المرض، فلازم طبعًا يعامل بكل رقة وحنية ونتحمل التقلبات بتاعته لأن بيكون عنده تقلبات جامدة".
وأزاحت الستار عن رأيها في مشكلة الورث وهل في أولاد بتودي أهلها دار المسنين وما سبب ذلك قائلة: "ياه كثير جدًا وبيكون كمان مش عمتهم فقط لا ده بيكونوا أهلهم ممكن يعملوا كدة في الحياة".
وأضافت قائلة: "الموضوع ليس له علاقة بالتربية والنشأ يعني في المسلسل عندنا فريد وأخواته الاثنين هما متربين في نفس البيئة ومع نفس الشخصية وفي واحد طلع حنين جدًا والاثنين جاحدين فمش شرط تكون التربية دي بتكون تركيبة شخصية لكل واحد".
وكشفت عن رأيها في مصطلح العمة حرباية المتدارك عبر السوشيال ميديا قائلة: "أنا عمري ما شوفته ولا سمعته ودي حاجة جديدة عليا معنديش تعليق عليها لأني معرفش ايه سببها".
وأفصحت عن طريقتها في التعامل مع التعليقات السلبية قائلة: "ولا حاجة التجاهل التام عمري في حياتي ما اهتمت ولا بهتم ولا بقرأ بيحكولي طبعًا مش مغيبة عن اللي بيحصل، يعني بيحكي لي حد من اخواتي أو صحابي يقولي مثلًا اليومين دول بيهاجموا كذا بيقولوا كذا بيقولولي الملخص يعني، لكن أنا مبقرأش ولا بتابع ولا عندي وقت للكلام ده بحس أنه مضيعة للوقت".
المصدر: بوابة الفجر
كلمات دلالية: إلهام شاهين خاص الفجر الفني الفنانة إلهام شاهين مسلسل ألفريدو التعليقات التعليقات السلبية
إقرأ أيضاً:
اللى مش عاجبه تصريح الصلاة ميعملش بيه.. تصريحات نارية لـ إلهام شاهين
أثارت الفنانة إلهام شاهين، حالة من الجدل الواسع بسبب تصريحاتها المثيرة للجدل أثناء استضافتها فى برنامج “سابع سما” مع الإعلامية راغدة شلهوب.
وتحدثت الفنانة إلهام شاهين، عن تصريحاتها الجدلية عن الصلاة، قائلة: “هذا حدث منذ 20 عاما وكنت بعمل مسلسل وكان بالنسبالي شيء جديد، وفى نص المشهد استغرقوا وقت، وخرجت لقيت المخرج جامع الناس فى الأستوديو بيصلوا جماعة، قولت كان يجرى إيه لو نخلص الشغل وبعدين نصلي”.
وأضافت خلال حوارها ببرنامج “سابع سما” المذاع عبر فضائية “النهار”: “احنا فى مصر مبنصليش الصلاة فى وقتها، ومش أول ما الأذان يأذن، وبنخلص الشغل وعندنا وقت كافي للصلاة بعدين، وربنا أدانا رخصة أننا نصلي فى أى وقت”.
وتابعت: “ليس بالضرورة بمجرد الأذان يأذن أننا نصلي، وأى موضوع أتحدث عنه هذا رأى خاص بيا واللي مش عاجبه رأي ميمشيش عليه”.
قالت الفنانة إلهام شاهين: “كنت حاسة إني مش هكون أم صالحة أو جيدة بما فيه الكفاية لأني أشتغلت فى الفن، والفنانين التانيين اللي عندهم أولاد أشطر مني، وهناك فترات فى حياتي مكنتش بلحق أروح بيتنا”.
وأضافت إلهام: “كنت بشتغل كتير زمان وكنت بحب شغلي أوي وعايزة يكون لي كيان وتواجد قوي، وكنت حاسة إني فى سباق، ولم يكن هناك وقت أني أفكر فى حياتي الشخصية”.
إلهام شاهين شهرتى بتخوف الرجالوتابعت: “أديت كل الحنان اللي عندي لأولاد أخوتي، وهم يتعاملوا معي على أني أم لهم، ومستحيل أكمل مع زوج غير سعيدة معه فقط حتي لا أدمر بيتي، ويجب الطرفين يكون هناك تكافئ بينهم فى المشاعر وكل شئ، وهذا ليس سهل، وشهرتي خوفت الرجال مني”.
كما تحدثت الفنانة إلهام شاهين٫ عن زواجها من رجل متزوج دون علم زوجته٫ قائله: كان فيه قصة حب”.
وأضافت: ساعة الواحد أما بيكون جوا العلاقة بيحلل أشياء ممكن لو هو برا يبصلها بشكل مختلف.. وأنا قولت شرعا مسموح”.
واسترسلت: “إحنا معملناش شيء ضد الشرع ولا ضد القانون.. تصرف مفيش فيه شيء غلط.. وعملت كده باسم الحب”٫ لافتة: سبب الطلاق إننا قولنا هنتجوز كده لفترة معينة وبعد كدا يتم الإعلان لأنه كان معايا في كل مكان والناس شيفاه طول الوقت”.
وأشارت: زوجته كانت عارفه أكيد لإن الناس شيفانا طول الوقت موجودين٫ والاتفاق كان إني مقولش في الإعلام وقتها لحد فترة معينة٫ ولما تجاوز هذه الفترة قولتله نطلق”.
موعد طرح تذاكر مباراة العراق والكويت بالبصرة