أنت مش راجل..قصة جريمة صعيدي تخلص من زوجته بعد 20 يوم جواز|خاص
تاريخ النشر: 2nd, October 2023 GMT
حصل صدى البلد على نص تحقيقات النيابة العامة في واقعة قيام زوج بالتخلص من زوجته بدائرة قسم شرطة البلينا بمحافظة سوهاج بعد قيامها بسبه وقذفه بعد عشرين يوما فقط من زواجهم.
وقال المتهم ف.
وفضلت تشتمني وأنا أشتمها فقولتلها لعن ابوكي وأبو اللى جابك راحت هى قالتلي ما تشتمشي أهلى وجابت الشبشب بتاعها ورمته عليا وأنا طلعت أجري وراها من أوضة النوم لأوضة الانتريه ومسكتها وخنقتها بإيدي ووقعتها على الأرض على ضهرها وفضلت خانقها بإيدي لغاية ما لقيت وشها بقى لونه أزرق بعد كده لقيت ايشارب على الكرسي اللى كان جنبي روحت واخده ورابطه حوالين رقبتها جامد وسيبته مربوط وهى مكنتش بتتحرك خالص ساعتها وبعد كده سبتها ومشيت".
وأضاف المتهم أمام جهات التحقيق:" انا اتجوزت من عشرين يوم واحنا كنا علطول في مشاكل بسبب إنها بتهزر بالشتائم وكنت بتضايق من الأسلوب ده وكانت بتهزر معايا وبتقولي يا مت.. يا خ.. انت بتترعب ومش راجل، وكنت بشد معاها علطول بسبب الكلام ده كل يوم كده ولما خنقتها وربطت الايشرب حوالين رقبتها مكنتش حاسس بنفسي، وانا لما نزلت وسبتها مرمية على الأرض شوفت ابويا وامى بس متكلمتش مع حد فيهم ومحدش فيهم قالي أى حاجة وطلعت من البيت علطول روحت سلمت نفسي في المركز، وده كل اللى حصل".
وكان قد أحال المستشار أحمد عبد الباقي التوني، المحامي العام الأول لنيابة جنوب سوهاج، المتهم إلى محكمة الجنايات لمحاكمته في اتهامه بالتخلص من زوجته بعد عشرين يوما فقط.
دفاع المتهموأمام المحكمة تولى المستشار عبد الحميد رحيم المحامي بالدفاع عن المتهم ودفع بانتفاء المسؤولية الجنائية للمتهم لإصابته بجنون عارض لحظة ارتكاب الجريمة نظرا لتعرضه لإهانات شديدة وبالغة من المجني عليها أعدم إرادته وافقده واعية وصوابه وإدراكه لما يقوم به من أفعال، وبانتفاء سبق الإصرار في حق المتهم لانعدام عنصرية النفساني والزمني، و بانتفاء الترصد في حق المتهم كون الجريمة لحظية لم يسبقها فترة من الزمن ولكونها جراء مشاجرة لحظية بين المجني عليها والمتهم وتعديها عليه كما ورد بالأوراق في أقوال المتهم وتحريات المباحث ص ٢٤/١٢ وص ٣٢/٢٦، بانتفاء القصد الجنائي الخاص في حق المتهم كون الجريمة لحظية و لتوافر عنصر الاستفزاز من قبل المجني عليها افقد المتهم إدراكه وتوازنه والتحكم في إرادته وفقا لما جاء باقول المتهم بالنيابة العامة ص ۱۲/٦ و ۱۳/۷ وص ۱۱/۸ وبالتحريات ص ٢٥/١٩.
ودفع الدفاع أمام المحكمة ببطلان اعتراف المتهم، وبطلان إقرار المتهم واستجوابه بالشرطة وعدم التعويل عليه لكونه ثمرة استجواب ومواجهة محظورة ولكونه صادر عن إرادة غير اختيارية حرة.
الحكم على المتهموعقب تداول الجلسات في المحكمة قضت المحكمة بمعاقبة المتهم بالسجن المؤبد في اتهامه بالتخلص من زوجته.
المصدر: صدى البلد
كلمات دلالية: تحقيقات النيابة العامة النيابة العامة زوج البلينا سوهاج الشتائم المجنی علیها من زوجته
إقرأ أيضاً:
الرئيس السيسي: القوات المسلحة كانت دائما ركيزة الاستقرار في مصر
قال الرئيس عبد الفتاح السيسي، إن القوات المسلحة كانت دائما ركيزة الاستقرار في مصر.
وأضاف الرئيس السيسي خلال اجتماعه بعدد من قادة القوات المسلحة بمقر القيادة الاستراتيجية بالعاصمة الإدارية الجديدة: «زي ما أنتوا شايفين المنطقة مضطربة جدًا، وبتمر بأحداث صعبة، ومصر هي عنصر الاستقرار المهم على مدى السنيين اللي فاتت وإن شاء الله السنيين القادمة، من خلال سياسة متوازنة تتسم بالاعتدال والصبر فى مواجهة الأحداث التي تتم والتطورات التي تتم».
وتابع: «زي ما أنتوا شايفين على الاتجاهات الثلاثة الغربية والجنوبية وحتى الشرقية أو الشمال الشرقي زي ما احنا دايمًا بنتكلم عليه، لكن إدارتنا المتزنة ساهمت مساهمة كبيرة جدًا فى الحفاظ على الاستقرار، ودا مش كلامي بالمناسبة ومش كلام معنوي، دا كلام من الدنيا كلها دلوقتي، الدنيا كلها دلوقتي عارفة إن مصر بتوازنها واستقرارها، رغم الظروف الصعبة اللى بتمر بيها المنطقة، مصر عامل ثقل كبير جدًا فى هذا الاستقرار».
وأكمل: «فى كل مؤتمر كنا بنجيب نسبة من القادة فى الرُتب المتوسطة اللى بيبقوا الأمل والمستقبل القادم إن شاء الله لبلدنا، واحنا موجودين معانا النهاردة أتصور نسبة أنا قولت تبقي كبيرة شوية عشان نتكلم مع بعض وعشان أسمع منهم وجهة نظرهم ورؤويتهم فى الأحداث اللى بتمر».
وقال: «ولأننا كعسكريين، الناس متصورة أننا فقط مهتمين بالتدريب وقدراتنا العسكرية، وهو صحيح وهو المهمة الأساسية للقوات المسلحة، إنما مش معناه أننا فى معزل عما يدور حولنا سواء كان فى الداخل أو فى الخارج».
وأكمل: «كانت دايما القوات المسلحة بهذا التوازن الكبير اللى بتحققه فى إدارتها لأمورها وفهمها للواقع السياسي والأمني سواء كان داخل الدولة أو خارجها، كانت بتبقي هي عامل الاستقرار المهم».
وتابع: «السادة قادة الفرق الموجودين معنا وقادة الألوية، بلغوا تحياتي وسلامي، ومن خلال كلمتي تصل الى أبنائنا وبقولهم خلوا بالكم، دايمًا مستمرين فى العمل والتدريب والاستعداد للحفاظ على كفاءتكم وجاهزيتكم لأن أمن مصر وسلامتها أمانة فى رقبتنا كلنا، وطبعا فى رقبتكم أنتم كخط المواجهة الأول، ربنا يا رب يحفظنا ويحفظكم من كل شر وسوء».
واجتمع الرئيس عبد الفتاح السيسي، رئيس الجمهورية القائد الأعلى للقوات المسلحة، اليوم، بعدد من قادة القوات المسلحة في مقر القيادة الاستراتيجية بالعاصمة الإدارية الجديدة، بحضور الفريق أول عبد المجيد صقر القائد العام للقوات المسلحة وزير الدفاع والإنتاج الحربي، والفريق أحمد خليفة رئيس أركان حرب القوات المسلحة، وقادة الأفرع الرئيسية.
بحضور وزير الأوقاف.. ختام حفل حفظة القرآن الكريم يضيء مسجد الوهاب بالسقالة