السيسي: إكرام الناس اللي عندها ظروف اللي هيعوض علينا فيه ربنا
تاريخ النشر: 2nd, October 2023 GMT
كتب- محمد نصار:
قال الرئيس عبد الفتاح السيسي، إن إكرام من لديهم ظروف معينة سينعكس مردوده من الله عز وجل.
وأضاف السيسي، خلال فعاليات اليوم الثالث والأخير من مؤتمر "حكاية وطن" الاثنين: إكرام الناس اللي عندها ظروف اللي هيعوض علينا فيه ربنا مش إحنا.
وتابع الرئيس خلال حديثه عن الأطفال الأيتام والمودعين دور الرعاية: من 3 سنين كان في عدد من دور الرعاية محتاجين رفع كفاءة، قولت بدون شك في رعاية وإنفاق من الدولة للموضوع.
وواصل: لكن يبقى الطفل اللي هيتم رعايته وسط أسرة عندها كرم وعطف تجاه هذا الطفل أو الطفلة ممكن يحل المسألة مش المالية بالمناسبة لكن الهدف اببنا أو بنتنا اللي ليهم الموقف ده يبقى يتقدم ليه رعاية أكثر.
وأكد: قولت في ناس طيبة كتير ومستعدين بس عندهم عقبة في المؤهل العالي وقولت ما نشيل شرط المؤهل العالي، هوا الطفل في أسرة متوسطة التعليم أفضل ولا في دار رعاية وسط 100 ولا 200 طفل، لا يمكن الرعاية المقدمة في المكانين تتساوى.
المصدر: مصراوي
كلمات دلالية: حريق مديرية أمن الإسماعيلية مؤتمر حكاية وطن الانتخابات الرئاسية أسعار الذهب فانتازي الطقس أمازون سعر الدولار أحداث السودان سعر الفائدة الحوار الوطني الرئيس عبد الفتاح السيسي عبد الفتاح السيسي السيسي مؤتمر حكاية وطن
إقرأ أيضاً:
مذيعة شهيرة تهاجم سمية الخشاب.. والسبب؟
متابعة بتجــرد: شنّت المذيعة مروة صبري هجوماً حاداً على الفنانة سمية الخشاب بسبب النصائح التي أسدتها الى طلاب الثانوية العامة وقالت فيها إن لا أهمية للشهادة العلمية ولكن الأهم هو الحصول على المال.
ونشرت مروة مقطعَي فيديو من برنامجها “قعدة ستات” قالت فيهما: “الناس في الثانوية العامة بتبقى محتاجة تشجيع ودعم، اتفاجئنا بالفنانة المحترمة سمية الخشاب في عز الخوف والرعب والطلاب قاعدين بيذاكروا والأهالي بتدفع دم قلبها على الدروس ومرعوبين على أولادهم ونفسهم يجيبوا أعلى المجاميع، بتقولهم ولا تعليم ولا شهادة ولا نيلة اللي معاه فلوس هو اللي هيقدر يصرف على نفسه والشهادة هتعملها قرطاس طعمية”.
وأضافت: “أنا قلت الصفحة بتاعتها اتسرقت أكيد مفيش فنانة مصرية اسمها معروف وعملت بطولات تطلع تقول نصيحة زي دي للطلاب. أي حد مشهور في المجتمع إحنا بنبقى واخدينه قدوة وبنبقى شايفين إنه بيتكلم صح في ناس بتحبه وبتسمعه، إذا بكلمة منك ممكن تدعمي بتوع ثانوية عامة وأهاليهم وبكلمة منك ممكن تحبطي بعض الناس ولكن أعتقد إن مفيش حد ممكن يأثرّ فيه التصريح اللي إنتي كاتباه لأن دا تصريح ميطلعش من فنانة ولا يطلع من إنسان عايش على وجه الأرض طبيعي”.
واختتمت مروة صبري حديثها بالقول: “إنك تقولي للعيال الغلابة اللي قاعدين بيذاكروا ونفسهم ينجحوا ويعملوا أحسن حاجة والآباء اللي فلوسهم يا عيني رايحة على الدروس الخصوصية وعايز ابنه أو بنته يبقوا أحسن الناس ويحققوا أحسن النتايج ويدخلوا أحسن الكليات وتطلعي تقوليلي في الآخر هتعملها قرطاس طعمية ولا قرطاس لب دا كلام، للأسف إني اتأكدت إن الصفحة بتاعة سمية الخشاب متسرقتش وأن البوست دا هي اللي كاتباه دي من الحاجات الغريبة جداً. متسمعوش كلام سمية الخشاب، الشهادة مهمة وبتحدد مصير”.
main 2024-07-03 Bitajarod
الداخلية العراقية تعلن عن استراتيجيتين إزاء مواقع التواصل الاجتماعي