السعدني ضربني وشلت المرارة في شهر العسل.. تصريحات مثيرة لهنا الزاهد مع عمرو أديب
تاريخ النشر: 2nd, October 2023 GMT
حلت الفنانة الشابة هنا الزاهد ضيفة على برنامج الحكاية مع الأعلامي عمرو أديب،أمس، الذي يقدمه على قناة أم بي سي مصر، واحتلت هنا الزاهد التريند فور ظهورها عبر الشاشات، حيث كشفت تفاصيل حول حياتها المهنية والشخصية، لا سيما عن حياتها مع زوجها الفنان أحمد فهمي.
هنا الزاهد شعري زي شعر على ربيع
سخرت الفنانة هنا الزاهد من نفسها قائلا:"مش بحب أعمل شعري كتير، وبحب ألبس باروكة لأن في التصوير شعري بيتعرض للتلف ، وبتعب كتير في الأهتمام بيه".
كماقالت: "أنا كاوياه.. ولو بطبيعته بيبقى كارثة"، وأضافت "هنا": "لما أنزل البحر وبينشف بيبقى كارثة، شعري لما بينشف من المياه بيبقى زي شعر علي ربيع، ومش حلو، بس أحمد فهمي بيحب شعري الكيرلي عادي".
شلت المرارة في شهر العسل
حكت الفنانة الشابة هنا الزاهد عن بعض التفاصيل الهامة في زواجها وخاصا في شهر العسل وقالت الزاهد: "شهر العسل كان أوحش حاجة حصلتلي في حياتي، كنت تعبانه ووصل وزني 47 كيلو جرام، "مرارتي اتفقعت" كان في حصوات في المرارة وتبعت جدا".
واستكملت حديثها: " أول يومن كانوا تمام تالت يوم بدأت أتعب وشي يحمر وأسخن افتكرت إن جالي تسمم، طلع إن مرارتي فيها حصوات كتيرة وكان المفروض تتشال وجالي التهاب في بطني كله قالوا اقطعوا إجازتكوا وأرجعوا بلدكوا، كنا في سنغافورة لحد ما تبقى كويسة وقعدت شهر أكل مسلوق وبعدها أعمل عملية".
وأضافت "علشان إنت اخترت تبقى ممثل أي إشاعة تتطلع عليك لازم تستقبلها من غير ما تؤثر على نفسيتك" مشيرة أنها تحب أن تفصل حياتها الشخصية عن فنها.
وقائلا:" بحب حياتي الشخصية تبقى بعيد عن شغلي، والناس تتكلم عن أعمالي بس واي إشاعات مش برد عليها".
وكشفت هنا عن بعض التفاصيل بعلاقتها بـ زوجها الفنان أحمد فهمي قائلة: “بخاف منه جدا في التصوير، لإنه في الشغل متوتر جدا ومش بيحب الغلطات، لكن بيراعي إنه ميزعلنيش أو يزعل الناس اللي حواليه”
أحمد السعدني ضربني بالقلم في سيب وأنا سيب
وحكت الفنانة هنا الزاهد عن كواليس مسلسل سيب وأنا سيب مع الفنان أحمد السعدني قائلا:" قبل ما اشتغل ما أحمد السعدني كنت بشوفه كتير في الجيم وكنت فاكرة رخم لأنه ما كنتش بيسلم عليا"
واستكلمت الزاهد قائلا:" لما قريت دورنبيلة عجبني أولي المسلسل ، وحبيت كل الكاست وباين في المسلسل إن إحنا بنحب بعض وسافرنا مع بعض".
وأختتمت حديثها قائلةً: "في مشهد من كتر ما إحنا واخدين على بعض كنا قاعدين أنا وهو في البلكونة وكنا بناكل لبان وهو ضربني بجد قولتله في المشهد أنت غبي؟ وكنت فاكراهم هيوقفوا تصوير بس لقيتهم كملوا وكملناه عادي، بس اتضايقت منه بعد المشهد لأني عاملة عملية فيها وهو وجعني بجد".
المصدر: بوابة الوفد
كلمات دلالية: الفنانة هنا الزاهد ام بي سي مصر قناة أحمد فهمى شهر العسل أحمد السعدني سيب وانا سيب الفنانة هنا الزاهد أحمد السعدنی أحمد فهمی شهر العسل
إقرأ أيضاً:
كارثية.. خالد الغندور يعلق على تصريحات أحمد سليمان
علق الإعلامي الرياضي خالد الغندور، على تصريحات أحمد سليمان، عضو مجلس إدارة الزمالك، بشأن عدم مشاركة محمد عواد في لقاء منتخب مصر أمام بوتسوانا بتصفيات كأس الأمم الافريقية.
وقال خالد الغندور في فيديو بث مباشر عبر صفحته على فيسبوك: “تصريحات أحمد سليمان كارثية، وكلامه بيتاخد على محمل الجد لأنه عضو مجلس بالزمالك، ولكن إدارة الزمالك دا مش رأيها، الزمالك عمره ما يمنع لاعبيه من الانضمام للمنتخب والا اسمه ميبقاش نادي الوطنية”.
وقال أحمد سليمان خلال تصريحات تلفزيونية مع الإعلامي مهيب عبد الهادي: " أنت واخد لاعيبة الزمالك عشان تركنها علي الدكة وتلمع علي حسابها لاعيبة الاهلي الكلام ده مينفعش واحنا مش هنوافق عليه”.
وتابع: “عواد ميلعبش ليه وهو مساهم في بطولتين ونادي تاني تاخد منه أتنين لعيبة في مركز واحد، حسام عبد المجيد يلعب تلت ساعة ليه! وهوا بالارقام وبكل حاجه أفضل مدافع في مصر الان عمر جابر منضمش للمنتخب ليه”.
وأضاف: “لو الموضوع هيمشي بالمجاملات خلاص لعيبة الزمالك لازم نحافظ عليهم وهقدم طلب لمجلس الإدارة بمنع اللعيبة من الإنضمام للمنتخب”.
وأكمل: “أنا هقدم طلب للجنة الكورة في النادي اننا ننظر في إرسال لاعيبتنا للمنتخب الوطني لو دي الطريقة اللي هيدار بيها المنتخب”.
وأضاف: “حصلت قبل كده عصام الحضري اعتذر عن المنتخب سنة كاملة وكان بيلعب في الأهلي وإفريقيا وعادي و كان الأهلي موافق”.
واختتم: “أنا كمان من حقي ابص لمصلحة لاعيبتي .. مش هينفع اللاعيبة تروح المنتخب و ترجع نفسيتها تعبانة بسبب التمييز اللي حصل انا مش هسكت علي اللي حصل ده”.
دراسة تكشف العلاقة بين الضائقة المالية وآلام الظهر