الرئيس السيسي لوزير التموين: الناس بتقول إنك مش مسيطر على الأسعار.. رد عليهم

وجَّه الرئيس عبدالفتاح السيسي حديثه للدكتور علي مصيلحي، وزير التموين والتجارة الداخلية، قائلا: «الناس بتقول إن الدكتور علي مش مسيطر على الأسعار والسلع في السوق، أرجو إنك ترد عليهم».

مصيلحي: يجب الوقوف مع المواطن 

وقال «مصيلحي»، خلال كلمته ضمن فعاليات جلسات اليوم الثاني من مؤتمر حكاية وطن بين الرؤية والإنجاز، الذي تعرضه قناة «إكسترا نيوز»، إنه يجب الوقوف مع المواطن وله كل الحق أن يقول لسبب هو عنده معاناة معينة وبيروح يلاقي ده بـ 18 جنيه وعند الراجل التاني بـ 20 جنيه وعند الراجل التالت بـ 23 جنيه.

وزير التموين: أسعار ما أنزل الله بها من سلطان

وتابع: «وما أدرانا جميعا بتأثير السوشيال ميديا بيكتبوا أسعار ما أنزل الله بها من سلطان، صحيح هناك اختلافات، وكنت بتكلم أنا ووزير الزراعة ودولة رئيس الوزراء لما البصل زاد، كانت فرق عروات، ومع ذلك خدنا قرار بمنع تصدير البصل، النهارده البصل بدأ ينزل».

وواصل: «أسبوع واحد وأنا مسؤول قدام حضرتك وقدام المجتمع الرز هيبتدي ينزل، وعندي احتياجي جيد من السكر، هنزل بقواعد معينة بالسكر للي بيعبوا وهيتعدوا بسعر معين وهجتمع معاهم يوم التلات لو وافقوا ويمضوا هنتحرك معاهم وهنديهم السعر بطريقة معينة دون أن ندخل في التسعير الجبري».

 

 

 

 

 

 

المصدر: الوطن