السيسي للشعب: "عاوزين دولة .. ولا عاوزين أي حاجة؟" (شاهد)
تاريخ النشر: 1st, October 2023 GMT
أكد الرئيس عبدالفتاح السيسي، أن الدولة اللي ظروفها الاقتصادية صعبة ملهاش إلا الأفكار، متطرقا عن التشغيل الاقتصادي قطاع النقل قائلا: "النقطة دي محل نقاش وخوف من المسؤولين والحكومة طيب فرحانين انكم افتتحتوها وجميلة ولا المهم تبقا جميلة؟ علشان تفضل جميلة يبقا التشغل يكون اقتصادي ..طيب الكلام ده تقولى وانت فيه انتخابات؟ ".
السيسي: الوعي والفهم والصدق هو الأهم (شاهد) السيسي: مدبولي تحمل ضغوطا هائلة والدول اللي ظروفها صعبة ما لهاش غير الأفكار (شاهد)
وقال "السيسي خلال كلمته في ثاني أيام جلسات "حكاية وطن"، اليوم الأحد، إنه :"انتوا عاوزين دولة ولا عاوزين اى حاجة ..هنضحك على بعض؟ ..عاوزين دولة علشان التريليون اللى اتصرفوا في قطاع السكة الحديد يجيب تريليون ولا 10 لا .. لو قلت لمستثمر تعالى وخش وخد القطار الكهربائى السريع اتكلف 25 مليار دولار هيقولي طيب التسعير هقوله لا منقدرش .. طيب خليه عندك بقا طيب أنت ملتزم تشغله وتعمله إحلال وصناعة وتدفع القرض حد يقولي طيب متعملوش طيب الموانئ متعملهاش طيب المناطق اللوجيستية منعملهاش.
وتابع :" "طيب عاوزين تبقوا بلد ازاى؟ .. عاوزين تاخده مكانكم على الخريطة ازاى؟ .. طيب الكلام ده بقوله علشان تعرف الدولة بتتعمل ازاى؟ طيب فيه أمثلة موجودة؟..عديت على دول افريقية كتير وشفتها ماكنت ماشية ازاى بسالهم بتقدموا دعم ازاى ووزير الخارجية يجيب تقارير يقدمها للناس ..وبسالهم بتقدموا دعم يقولي لا .. كهرباء لا .. بترول لا اكل يقولي لا طيب حاجة للزراعة بيقولي يمكن حاجة للاسمدة. بسال علشان اتعلم .. علشان اشوف بلدي هي كده ليه؟ علشان واحنا بنتكلم هنا معانا افاضل الناس .. مفكرين ومثقفين ومهتمين الشأن العام في مصر..اتكلمت في الموضوع ده قبل كده بشاركم الحوار وبتكلم .. الدولة حاجة تانية غير الكلام.
ويشهد مؤتمر حكاية وطن اليوم جلسات تركز على قطاعات الطاقة والبنية التحتية، ويشارك فيها دكتور محمد شاكر وزير الكهرباء والطاقة المتجددة، والمهندس طارق الملا وزير البترول والثروة المعدنية ويتم خلال هذه الجلسات مناقشة مشروعات قومية كبيرة وجهود تطوير البنية التحتية.
انطلقت فعاليات مؤتمر حكاية وطن" بين الرؤية والإنجاز"، اليوم الأحد لليوم الثاني على التوالي بالعاصمة الإدارية الجديدة بحضور الرئيس السيسي وعدد من الوزراء المعنيين.
جلسات اليوم الثاني لمؤتمر حكاية وطنوتضمن جلسات مؤتمر حكاية وطن اليوم جلستان وهي "المشروعات القومية والبنية التحتية"، والأمن المائي والغذائي".
تفعيل المشاركة المجتمعية
ويأتي مؤتمر حكاية وطن في إطار حرص القيادة السياسية على تفعيل المشاركة المجتمعية وتعزيز الحوار مع المواطنين خاصة الشباب ودورهم في مساندة جهود الحكومة لتنفيذ المشروعات القومية وخطط التنمية الاقتصادية.
مجالات السياسة الخارجية
كما يستكمل مؤتمر حكاية وطن جلساته حتى غدًا الاثنين والذي يعد الاخير بجلسات تركز على مجالات السياسة الخارجية والأمن القومي، ويحضرها سامح شكري وزير الخارجية والمستشار عمر مروان وزير العدل، واللواء محمود توفيق وزير الداخلية، يتم خلال هذه الجلسات مناقشة قضايا الأمن القومي والعلاقات الدولية.
رئيس الوزراء يستعرض إنجازات الدولة المصرية
وقد استعرض الدكتور مصطفي مدبولي، رئيس الوزراء، إنجازات الدولة المصرية خلال التسع سنوات الماضية، وحضر الرئيس السيسي جلسات اليوم الأول ومنها جلسة محور الاقتصاد وأعقبها جلسة الطاقة.
المصدر: بوابة الوفد
كلمات دلالية: الرئيس عبدالفتاح السيسي عبدالفتاح السيسى السيسى حكاية وطن مؤتمر حکایة وطن
إقرأ أيضاً:
خالد الجندي: «الكون متعدد ليه عاوزين الفقه يكون واحد؟»
قال الشيخ خالد الجندي، عضو المجلس الأعلى للشئون الإسلامية، إن التعدد في الفهم الفقهي نعمة مش نقمة، ومش مطلوب أبدًا إن الناس كلها تمشي على رأي فقهي واحد، لأن ربنا نفسه خلق الكون كله على التنوع والاختلاف، فكان من الطبيعي إن الفقه كمان يحتمل التعدد والاختلاف.
وتابع عضو المجلس الأعلى للشئون الإسلامية، خلال حلقة برنامج لعلهم يفقهون، المذاع على قناة dmc، اليوم الخميس: «فيه ناس مستغربة ليه الفقه مش واحد؟ ليه عندنا مالكي وشافعي وحنفي وحنبلي؟! أنا بسألهم: إذا كان الكون اللي ربنا خلقه كله متنوع، من الألوان، للطبيعة، للناس، يبقى إزاي عايزين الفقه يبقى رأي واحد؟!».
وأضاف: «ربنا بيقول في سورة آل عمران: (هو الذي أنزل عليك الكتاب منه آيات محكمات هن أم الكتاب وأخر متشابهات)، يعني في آيات واضحة جدًا لا تحتمل إلا معنى واحد زي: (قل هو الله أحد)، دي آية محكمة، وفي آيات تانية ربنا خلاها تحتمل أكتر من تفسير، وده اسمه التشابه، وده اللي بيخلي الفقه واسع والآراء متعددة».
وأوضح «الجندي» أن المتشابهات في القرآن مش للتشويش، بل للتيسير والتوسعة، موضحا: يعني مثلًا، كلمة (قروء) في القرآن معناها إيه؟ هل هي الحيض ولا الطُهر؟ الاتنين اتقالوا في الفقه، وكل مذهب ليه دليله، كلمة (لامستم) معناها إيه؟ المس ولا الجماع؟ برضه فيها خلاف، الخلاف ده مش تناقض، ده ثراء فقهي.
وأوضح أن الفتوى نوعان: إما فتوى في أمر خاص، وفي الحالة دي لك أن تختار من بين الآراء الفقهية ما يناسبك من مذهب مالكي أو شافعي أو غيره، لأن فيه سعةـ لكن لو الفتوى في أمر عام يمس المجتمع كله، فلا يجوز لكل فرد يختار على مزاجه، لازم نرجع ونلتزم برأي المشيخة، لأن توحيد الكلمة أهم من تعدد الاجتهادات.
ثمانية وكلاء للنائب العام يتلقون تدريبًا متقدمًا ضمن اتفاق تعاون دولي مع فرنسا