عشان تعرف كليتك.. طلاب من أجل مصر واتحاد آداب سوهاج يساعدان المستجدين
تاريخ النشر: 1st, October 2023 GMT
في لفتة طيبة ظهر اليوم طلاب من أجل مصر بجامعة سوهاج، في صورة راقية وهم يحاولون مساعدة الطلاب الجدد بكلية الآداب، حيث عملوا على مواجهة التحديات التي قد تواجه الطلاب الجُدد، وأخذوا يعرفونهم ما يجب أن يتوخوا الحذر منه داخل الجامعة وما يجب أن يلتزموا به.
ولم تكن هذه البداية فقد كان طلاب من أجل مصر حاضرين من الوهلة الأولى، أي منذ تقديم الطلاب الجدد للالتحاق بالكلية وحتى أول أيام الدراسة بالعام الجامعي الجديد، حيث وفروا أجهزة لاب توب لمساعدة الطلاب الجُدد في عملية التنسيق واستخراج بطاقات الترشيح، ومع ترشيح الطلاب، ظهرت تحديات المنصة الإلكترونية وكيفية التعامل معها.
وهنا كانت بصمة طلاب من أجل مصر بكلية الآداب جامعة سوهاج، والذين أقاموا غرفة عمليات تعمل على مدار 24 ساعة للاستفسارات حول منصة "زاد" وحل جميع المشكلات التي واجهت الطلاب عليها.
كان من بين المشاركين في مساعدة الطلاب الجُدد كل من:" نوران والي، أحمد ناصر عبد الحميد، محمد حسام أبو نايل، محمود عامر حسن"، وذلك تحت شعار "عشان تعرف كليتك".
وتم انشاء مجموعات واتساب لكل قسم من أقسام كلية الآداب بواسطة اتحاد الكلية؛ بهدف توضيح أهمية كل قسم والمواد الدراسية المُقدمة والفرص المُتاحة بعد التخرج، وقد تم ذلك بالاعتماد على مجموعة من الطلاب القدامى في كل قسم.
كما قدم الاتحاد فيديو توضيحي حول كيفية التعامل مع منصة "زاد" المنصة التعليمية لجامعة سوهاج، وكان الفيديو من إعداد المهندس أحمد الشيخ، وهو يساعد الطلاب على فهم كيفية التعامل مع المنصة.
المصدر: صدى البلد
كلمات دلالية: سوهاج جامعة سوهاج اداب سوهاج طلاب طلاب من أجل مصر
إقرأ أيضاً:
سر معجزة اليابان
يقول صديق لى على الفيس بوك: من شهرين تعرفت على حد يابانى عايش هنا فى أمريكا من الثمانينات، عمره فوق الـ٦٠ سنة تقريبًا، جميل جدًا وهادئ، منظم ومهتم جدًا بالصحة والتأمل، فى مرة كنت باتمشى معاه سألته هو إزاى اليابان بقت متطورة كده رغم انها اتضربت بالنووى؟ قعدنا حوالى ساعة بنتمشى شرحلى شوية حاجات قولت أشاركها معاكوا عشان نستفاد كلنا!
قالى بعد الحرب كان فى شعور بالمسئولية الجماعية، كل فرد فى اليابان كان بيساعد من أول الفلاح لحد رجل الأعمال، قالى على حد كده قال خطبة (مش فاكر إسمه للأسف) فيما معناها إن بناء البلد من تانى مش هيحصل غير بالعمل، قالى إحنا بنتبع فلسفة كايزن (KAIZEN) وهى التحسين فى جميع مجالات الحياة بما فيها العمل.
قالى كل مجموعة من الناس عملوا زى فريق، كل واحد من أعضاء الفريق بيشتغل فى وظيفة شكل، العامل والموظف والمدرس والدكتور، وكل يوم بعد الشغل يقعدوا سوى وكل واحد يقول عمل إيه فى يومه، عشان كل فرد يلهم الآخر!
قالى معظم الأسر كانوا بيتجمعوا كل أسبوع ويتكلموا مع الأبناء عشان يشجعوهم على التعليم والتفوق فى الدراسة، قالى والده كان بيحكيله إن الحالة المعنوية بعد الحرب كانت قاسية جدًا، وقتها أدركوا إن العلم سلاح أقوى من أى سلاح تاني!
قالى إحنا قعدنا سنين بعد الحرب بناكل وبنشرب من منتجات محلية، وكل واحد فينا كان شايل مبلغ للطوارئ راح حطه كاستثمار فى شركات محلية، إحنا كسبنا والشركات كسبت محدش خسر غير الأمريكان والأوروبيين!
قالى التكنولوجيا لما ظهرت، أول ناس جريت عشان تستخدمها كنا إحنا، والدى وعمى كانوا محتفظين بصحف أمريكية وأوروبية بتتريق علينا، إزاى ناس مضروبة بالنووى وعايزين يستخدموا التكنولوجيا ويدمجوها فى حياتهم اليومية!
قالى الحكومة أعادت هيكلة وزارة الصناعة والتجارة بعد الحرب، وحطت خطط طويلة المدى، عملت مدارس كتير، وبقينا بنبعت الطلاب يتعلموا برة، البنية التحتية اتغيرت تمامًا، وكمان شبكة المواصلات تجددت بالكامل، الاهتمام بالمشروعات الصغيرة والمتوسطة كان شىء مهم فى الفترة دى عشان الشعب كله يشتغل مع بعضه!
قالى أحسن قرار اتخذ من الحكومة بعد الحرب هو وقف التوسع العسكرى، لما الفلوس بتاعت الحرب دخلت فى التنمية والإقتصاد الوضع اختلف تمامًا.
كنا وصلنا عند البيت قالى إنت عارف ليه بنحب العربيات الهوندا؟ ضحكت قولتله مهى بتاعتكوا! قالى لأ، أول مصنع عمله مايكل هوندا، جت الحرب العالمية والمصنع اتدمر بسبب القصف الأمريكى، راح عمل المصنع من تانى، راح الزلزال جه ساواه بالأرض، راح بدأ من تانى، قالى هوندا مش قصة نجاح لفرد، دى قصتنا كلنا، بنقع ونقوم ونقع ونقوم!
والآن رأيتم سر عبقرية اليابان.. إنه الإنسان اليابانى.
رسالة غير مرئية.. 5 أبراج أكثر عرضة للتفكير المفرط.. كيف يغير مسار حياتهم