السيسي: المشكلة ليس في القلة والعوز ولكن في القبول بهما

تساءل الرئيس عبد الفتاح السيسي: ليه إحنا كده ليه ظروفنا صعبة؟، ظروفنا صعبة من سنة 1980 لحد النهاردة وده مش دفاع عن نفسنا ولكن بنوضح إيه الحكاية علشان لازم نتخلص منها، لما هي دولة من سنة 80 لغاية دلوقتي ظروفها صعبة.

عاجل| 4 رسائل من "السيسي" حول انتخابات الرئاسة 2024: أمامكم فرصة للتغيير عاجل| الرئيس السيسي: "اوعوا يا مصريين يكون حلمكم لقمة"

وقال السيسي، خلال كلمته على هامش جلسة "واقع الاقتصاد المصري" بمؤتمر "حكاية وطن" المذاع عبر فضائية "إكسترا نيوز"، اليوم السبت، إن دخل مصر مش قدر مصروفها، مشددًا على أن مصر لم تستدين حتى عام 1970، ولكن تداعيات الحرب فرضت على مصر لتجاوز تداعيات الحرب أن تأتي بموارد بالدين.

وتابع الرئيس السيسي،: "أن القلة والعوز ليس مشكلة المشكلة انك تقبله ومتبقاش مستعد تقاتل من اجل انهاءه، طب اللي قبل مننا محاولوش أكيد حاولوا لا يمكن لأن الناس الموجودين قبلنا متعلمين وفاهمين ومصريين بيحبوا بلدهم لكن حجم التحديات كبير قوي".

ونوه، بأن مصر عملت خطة لتجاوز ازمة الزيادة السكانية منذ عهد جمال عبد الناصر وفي عهد السادات وفي عهد مبارك ولم ننجح حتى الأن، مردفًا: "إحنا زيدنا 25 مليون مواطن منذ 2011 وحتى الآن، تخيل لو كان معدل النمو السكاني عندنا من 2011 وحتى الآن ثابت أي أن معدل المواليد مساوي لمعدل الوفيات".

المصدر: بوابة الفجر