كسلا خالية من الأمراض الوبائية
تاريخ النشر: 26th, September 2023 GMT
كسلا – نبض السودان
وجه مجلس وزراء حكومة ولاية كسلا في اجتماعه الطارئ اليوم برئاسة الوالي المكلف الأستاذ خوجلي حمد عبد الله وبحضور امين عام الحكومة المكلف عادل علوب رئيس اللجنة العليا للطوارئ والمديرين التنفيذيين للمحليات والإدارات المختصة بوزارة الصحة، وجه باتخاذ كافة الإجراءات اللازمة والتي تجعل من الولاية في اهبة الاستعداد لمواجهة أي طارئ صحي بالاضافة للقيام بأقصى جهد للتنسيق بين الأجسام المختلفة بوزارة الصحة والمحليات فضلا عن توفير كل المعينات اللازمة للقيام بحملات الإصحاح البيئي وانجاحها.
وقال أمين عام الحكومة الناطق الرسمي باسم المجلس إن الاجتماع جاء بناءا على دعوة والي الولاية لمناقشة الأوضاع الصحية بالولاية خاصة بعد ظهور حالات وبائية (حمي ضنك – كوليرا) في ولاية مجاورة لكسلا.
واوضح علوب ان المجلس استمع إلى تقارير الموقف الصحي من كل الوحدات الفنية بوزارة الصحة ، مشيراً إلى التقارير شملت محاور الطوارئ وتوفير الإمدادات الطبية والمحاليل وتعزيز الصحة.
وأضاف علوب أن الاجتماع وجه كذلك هيئة مياه الشرب بمراجعة الموقف في كسورات المياه ومد محطات المياه بالمواد اللازمة من الكلور ومواد تنقية المياه.
كما أكد علوب بأن الولاية خالية من كل الأمراض الوبائية وأن هنالك خططا احترازية لعدم انتشار اي أمراض وبائية بالولاية.
من جانبه قدم وزير الصحة المكلف الدكتور علي آدم تقريراً شاملا عن الوضع الصحي والجهود المبذولة من الوزارة والمحليات.
وجدد الوزير عدم وجود حالات وبائية وما ظهرت من حالات لحمى الضنك تعتبر كغيرها من الملاريا ولاتصنف بأنها حالات وبائية. وامن الوزير على أهمية مكافحة الناقل، مشيراً إلى الحملات التي تم تنفيذها تحت إشراف المديرين التنفيذيين للمحليات بدعم من منظمة الصحة العالمية بالاضافة الى الأنشطة المنفذة خلال الفترات السابقة.
ودعا الوزير إلى مناصرة الصحة وتنفيذ حملات التوعية لمكافحة باعوضة الأيديس الناقل للأمراض والذي يتوالد داخل المنازل.
وكشف عن الخطة الموضوعة من قبل إدارة الطوارئ الصحية وتتضمن كافة المحاور داعيا في ذات الوقت الشركاء والمنظمات للمساهمة في دعم الخطة لتحقيق النجاح سويا في مكافحة الأمراض.
وجدد الوزير عدم وجود وباء بحمى الضنك وإنما هي حالات متفرقة من ملاريا وغيرها من أمراض الخريف وان هنالك محليات (حلفا الجديدة – نهر عطبرة) لاتوجد فيها حالات.
المصدر: نبض السودان
كلمات دلالية: الأمراض الوبائية خالية كسلا من
إقرأ أيضاً:
(سعادة الوزير الفنان)
جهز كباية قهوتك بمزاج و تعال ، و عليك الله القهوة ازبطها كويس ، خليك زول فنان و اعملها بي فن ، دائما بقول للناس انو اي زول ناجح في شغلو معناها زول فنان ، و الفنان ما شرط يكون مغني او تشكيلي او نحات او اياً من وسائط الابداع المعروفة ، الفنان الحقيقي هو الزول المبدع في مجالو ، الزول الخلاق و المبتكر البكون دائما عندو رؤي و تصورات فريدة .
المعلمين كتاااار لكن في معلم قادر يوصل ليك المعلومة بسهولة و يخليك تعشق مادته الصعبة و ده بنقول عليهو زول فنان ، كذلك عندنا دكاترة عاملين ذي السحرة ، تدخل عيادتهم و انت ما قادر تمشي و تطلع منو و انت بتنطط بدون اي ما تاخد اي علاج لانو دكتور فنان قدر يشتغل على نفسياتك ، كمان في السواق الفنان و ست الشاي الفنانة و الطباخ الفنان ، و عندنا ناس فنانين بتصرفاتهم و سلوكياتهم و اجتماعياتهم ، الزول الإجتماعي زول فنان بدون شك ، و العسكري الشاطر زول فنان ، هسه في زول عندو شك إنو البرهان ده ما زول فنان ؟ إحنا المفروض نربط وصف الفنان بالوصف الوظيفي لاي زول مبدع في مجالو ، يعني نقول اللواء فنان الفلاني او الدكتور فنان العلاني .
الموضوع ده تمهيد لحاجة مهمة عايزين نرسلها للحكومة و للاخ وزير الإعلام المحترم .
اخونا خالد الاعيسر وزير الإعلام كتب ليهو مقال طويل و عريض على صفحته الرسمية في شكل رسائل اتكلم فيها عن انو بعد معركة الكرامة مافي زول تاني يفكر يتمرد على الدولة لانو الشعب اصبح في حالة مواجهة للمفاهيم الغلط دي و إنو لازم نتجاوز الماضي و نفتح صفحات جديدة و نقبل الاخر بدل ما نقعد نشغل نغمة المظالم التاريخية ، المهم اختصرت ليكم مقال الاعيسر و رسالته ، اها قمت انا جيت كتبت نصيحة محترمة للسيد الوزير و قلت ليهو فيما معناه انو انت الوزير الوحيد القادر إنو يترجم رسائله لارض الواقع ، و بعد عشرة دقائق لقيت نفسي من المحظورين رغم انو كلامي كان في صفحتي الشخصية و كان باسلوب محترم .
يا جماعة لامن وزير المالية يكون عندو نصائح للشعب بتتعلق باهمية اورنيك ١٥ مثلا بيقوم يحول الموضوع لوزير الاعلام عشان يتعمل في قالب توعوي ، و لامن وزارة الداخلية تكون عايزة تعمل توعية من مخاطر المخدرات او السرعة الزائدة بتلجاء لوزارة الإعلام و هكذا ، كل مجلس الوزراء و كل الحكومة بترسل رسائلها للشعب من خلال الإعلام ، حتى الاستخبارات العسكرية لامن يكون عندها حاجة مهمة بتمررها من خلال الإعلام الرسمي ، و بدل ما يقعد الاعيسر يكتب لينا مقالات عن ضرورة تقبل الآخر و مخاطر التمرد على الدولة و اهمية تغيير المفاهيم المغلوطة يفترض انو دي اساسا هي اهداف و سياسات وزارته المفترض تتحول لبرامج تلفزيونية و حملات توعوية و تتشكل في قوالب مختلفة و متنوعة عشان توصل لكل الشعب السوداني ، زمان امهاتنا بختو لينا كبسولات الدواء في لب العيش عشان نبلعها ، و الإعلام دورو إنو يخت لينا كبسولات التوعية في قوالب جميلة عشان تصل لكل الناس ، لكن اخونا الإعيسر فاهم الموضوع غلط و مفتكر انو قادر يغير المفاهيم و يصحهها من خلال مقالات على صفحته الشخصية .
المرحلة الجاية مرحلة إعمار و بناء للمعاني قبل المباني و امثال الإعيسر وطنيين مخلصين مااافي شك لكن ما عندهم اي نوع من الابداع و الإبتكار ، محتاجين وزراء فنانين يااااااخ
نزار العقيلي
ارتفاع درجات الحرارة على جميع الأنحاء اليوم مع رياح مثيرة للأتربة