سماح عبدالعاطي: «هيكل» كتب خطاب نصر أكتوبر.. وهذه قصة خلافه مع السادات
تاريخ النشر: 24th, September 2023 GMT
قالت الكاتبة الصحفية سماح عبدالعاطي، مساعد رئيس تحرير جريدة «الوطن» إن الكاتب الصحفي محمد حسنين هيكل كتب خطاب النصر الذي ألقاه الرئيس السادات في مجلس الشعب، والسادات له مقولة مشهورة للغاية بأننا عبرنا القناة وأقمنا رؤوسنا جسور على القناة ودمرنا خط بارليف ليس في 6 أيام ولكن في 6 ساعات، وهذا التعبير الرائع يرجع إلى الأستاذ هيكل.
وعن تحول علاقة هيكل مع السادات، أضافت سماح عبدالعاطي خلال استضافتها في برنامج «ملعب الفن»، عبر إذاعة «أون سبورت إف إم»، ويقدمه الكاتب الصحفي والإذاعي مصطفى عمار، إن هيكل قال من قبل إنهما اختلفا على الإدارة السياسية لحرب أكتوبر، متابعة: «الأستاذ هيكل عمل درس مهم إن الصحفي يستطيع أنه يقول رأيه، لأنه لا يملك أي شيء إلا أنه يقول رأيه».
ولفتت إلى أنه حدث خلاف وصدام بينهما قبل أنه يخرج من جريدة الأهرام، والغريب أنه خرج في فبراير وهو الشهر نفسه الذي دخل فيه جريدة الإيجبشن جازيت أول مرة، وهو الشهر نفسه أيضا الذي رحل فيه عن عالمنا.
المصدر: الوطن
كلمات دلالية: هيكل محمد حسنين هيكل
إقرأ أيضاً:
الفنانة سماح أنور: تعرضت لحادث موت وعملت 24 عملية في 11 سنة
تابع أحدث الأخبار عبر تطبيق
أكدت الفنانة القديرة سماح أنور أنها تعرضت لحادث مروع كاد أن يفقدها كيانها.
وقالت «سماح»، فى حوار لبرنامج «كلم ربنا»، تقديم الكاتب الصحفي أحمد الخطيب، على الراديو «9090»: «لما عملت حادثة قالولى إنى مش همشي تانى ولا همثل، وخضعت لـ24 عملية جراحية، لمدة 11 سنة، كنت قاعدة على كرسي متحرك، لكن ربنا أراد إنى أرجع أمشي تانى، وماكنتش لا بعيط ولا بلطم ولا حاجة، فهى تجربة كان عليا فيها اختار، أعيش أو أموت، والاختيار ده ربنا اللى ألهمنى بيه إنى أعيش، لأنه حط ده فى قلبي، وبعدها روح ربنا فينا عايزة تعيش وعايزة تكمل، وقتها لما كانت كل الناس بتيجي تزورني سواء هنا فى مصر أو فى أمريكا ولا جنيف لأنى لفيت العالم، وكأن كله فى ضهري، لدرجة إن لما حد بيدخل عليا بيعيط كنا بضحكه وأقوله نكت عشان كنت بحس نفسي كويسة، لكن فى المقابل كنت قاعدة متربطة».
وقالت الفنانة سماح أنور: «أنا شفت ربنا فى أزمتى، شفته فى الناس اللى بتزورني، كأني على الحافة وشالنى ورجع تانى، لكن فى خلال الـ11 سنة عملت لنفسي وحياتى حاجات كتيرة، لأن ربنا عظيم ومش هيخلق حاجة فاشلة، بل حاجات عظيمة، وكأنى قالى هديكى قدرة مش موجودة مع حد غيري، وهى كن فيكون، لأنى ضد الفكرة اللى اتقالت فى فيلم جرى الوحوش، لما قاله: (كل إنسان له 24 قيراط)، جملة مغلوطة وده كلام غير صحيح، لأن كل إنسان له حاجات خاصة، كلنا يومنا 24 ساعة ومحدش معاه 25، والإنسان مش بيتعرض لحاجة غير لما يكون هو عايزها تحصله، فمثلا هو اللى بيضايق نفسه، يعنى معنى كدة إنه اقتناع شخصى وقدرات ربنا فينا».