حمزة نمرة يكشف السر المخفي وراء طرح أغنية مرايات (صورة)

كشف الفنان حمزة نمرة عبر حسابه الرسمي بموقع تداول الصور والفيديوهات «إنستجرام» عن سر طرحه لأغنية مرايات من ألبوم رايق، والتي شهدت نجاحا كبيرا منذ طرحها حتى الوقت الحالي.

وأضاف حمزة نمرة عبر حسابه الرسمي بموقع إنستجرام، قائلا: «أنا فاكر الصورة دي، كانت في عيد ميلادي».

وتابع حمزة نمرة: «بابا الله يرحمه كان جايب لي هدية، أنا كنت عايز الموقف يعدي بسرعة ومحرج وأخواتي بيصوروني وبابا بيديني الهدية وهو حاضنني، لما شوفت الصورة دلوقتي لقيتني بقول لنفسي ياريتك كنت مركز أكتر من كده في اللحظة دي وعرفت تعبر عن المحبة اللي جواك للي حواليك».

حمزة نمرة

وأردف حمزة نمرة: «بابا كان من صغره فنان وبيحب الرسم، كان نفسه يطلع رسام، لما خلص ثانوية عامة مجموعه كان يدخله كلية طب القاهرة، لكن هو كان عايز يدخل فنون جميلة.. كل عيلته وقفوا ضده وأقنعوه إن القرار الصح إنه يدخل طب ويأجل الفن شوية لحد ما يخلّص».

وواصل: «طبعا اتخرج من الطب وما دخلش فنون جميلة وسافر واشتغل طبيب أربعين سنة، كان مخلص جداً لشغله وربنا رزقه نجاح وسمعة طيبة، في مرضه الأخير بابا كان كل اللي بيعمله إنه يصور رسوماته القديمة اللي رسمها وهو صغير وينشرها على الفيسبوك، كأنه بيقول إعرفوني، ده أنا، مش الشخص اللي عرفتوه الأربعين سنة اللي فاتت، أغنية مرايات.. بأهديها ليك يا بابا».

أغنية مرايات لحمزة نمرة

وفي وقت سابق، حصد الفنان حمزة نمرة، بأغنيته الجديدة «مرايات»، نسب مشاهدة وصلت لـ 1.2 مليون مشاهدة، عبر موقع «يوتيوب»، وذلك بعد 4 أيام فقط، من طرحها.

أغنية مرايات

أغنية «مرايات»، هي الحادية عشر من ألبوم حمزة نمرة الذي بعنوان «رايق»، التي يضم ثلاث عشر أغنية، والأغنية من ألحان حمزة نمرة من كلمات محمود فاروق، توزيع وميكساج أندريه مينا، جيتار حمزة نمرة، وتريات Steve Turner.

اقرأ أيضاًحمزة نمرة يطير إلى السويد في أحدث ظهور «صورة»

بعد نجاحه.. حمزة نمرة يحتفل بألبوم «رايق» على طريقته الخاصة (صورة)

بعد 4 أيام.. أغنية «مرايات» لـ حمزة نمرة تتخطى المليون مشاهدة على «يوتيوب»

المصدر: الأسبوع