نجل أشرف مصيلحي يوجه رسالة لوالده: الله يرحمك يا أطيب وأحن أب

وجه يوسف مصيلحي، رسالة موثرة، لوالده الراحل الفنان أشرف مصيلحي، بعد أن وافته المنية مساء الأحد الماضي، معربًا فيها عن اشتياقه الكبير له.

رسالة يوسف مصيلحي

ونشر يوسف أشرف مصيلحي، صورة تجمعه بوالده، عبر صفحته الشخصية على موقع التواصل الاجتماعي «انستجرام»، وكتب عليها قائلًا: «الله يرحمك يا أطيب و أجدع وأحن أب في الدنيا وكان نفسي تكون موجود وشايف حب الناس وروحك الحلوة الموجودة في كل حد فينا وتشوف الناس كلها بتقول عليك إيه من أصغر واحد لحد أكبر واحد».

وتابع: «أنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه وده عشان احنا كنا صحاب وكنت بتفهمني وعارف دماغي وأنا عارف انك دلوقتي مرتاح أكتر بكتير وأكيد مبسوط وأنت شايفنا كلنا متجمعين وحاسس أكيد بكل المحبة اللي كانت موجودة اليومين دول وهتفضل موجودة علطول ودلوقتي أنا هعرف اتكلم معاك».

وأضاف:«عارف انك هتسمعني يمكن اكتر من اخر فترة كنت موجود وسطنا عشان كنت تعبان فا مش بعرف اتكلم معاك بس انا عايزك تعرف اني بحبك أوي وهفضل شايل اسمك وأنا فخور أنك أبويا لحد لما أجيلك ان شاء الله. بجد بحبك أوي يا بابا و عارف انك أكيد في الجنة ان شاء الله».

وفاة أشرف مصيلحي

وكان قد رحل عن عالمنا الفنان أشرف مصيلحي، مساء الأحد الماضي، بعد صراع مع المرض، حيث كشفت زوجته أنه كان لديه ورم في المخ وتم استئصال الورم، ولم يعرف أن لديه مرضًا خبيثًا.

اقرأ أيضاًبحضور عدد من النجوم.. تشييع جنازة الفنان أشرف مصيلحي من مسجد المشير «صور»

موعد ومكان جنازة الفنان أشرف مصيلحي

تعرَّف على موعد ومكان صلاة الجنازة والعزاء للفنان أشرف مصيلحي

المصدر: الأسبوع