لأول مرة.. حورية فرغلي تتحدث عن مرض خطيبها السابق وسر حبها له (فيديو)

تحدثت الفنانة حورية فرغلي، خلال لقائها في برنامج «في العمق»، مع لإعلامي تامر شتوت، عن الكثير من ذكرياتها مع خطبيها الراحل، والذي ارتبطت بيه بشكل كبير، كاشفة عن الظروف الصحية التي كان يعاني منها، كما تحدثت عن الكتير من أعمالها الفنية.

تصريحات حورية فرغلي

وقالت الفنانة حورية فرغلي، في البداية: «انا شُفت الحب مرة واحدة في حياتي سنة 2002، مع خطيبي اللي توفى، ومن بعده محبتش حد تاني رغم مرور 21 سنة، خطيبي اللي مات كان 175 كيلو، وكان عنده مشكلة في رجله الشمال، فكان يعاني من مشكلة خلال المشي، وكنا قد بعض في السن».

وتابعت: «رغم مرضه لكن كنت بشوفه أحلى راجل في الدنيا، والناس كلها تقول إيه الجنان ده، لكن مكنتش ببص لكلامهم بصيت لقلبه واللي جواه، كفاية أني سامعة صوته، كفاية وجوده في المكان ريحة برفانه، من ساعة ما مات وأنا مش لاقية حد غيره».

حورية فرغلي وتامر شلتوت

وأضافت حورية: «من بعد وفاته مرتبطش بحد ولا حد اتقدم لي، رغم مرور 21 سنة مشوفتش زيه، مش عارفة ليه، بتحب كتير بس بتصدم لما أعرف السن، وفي شاب بعت لي رسالة طويلة يعبر فيها عن حبه لي، قلت له أنت عندك كام سنة، قالي 22 سنة قُلت له انت قولي يا طنط».

حورية فرغلي تكشف كواليس دفنها بالمقابر

كما كشفت الفنانة حورية فرغلي، عن كواليس دفنها بالمقابر، أثناء تصوير مسلسل «ساحرة الجنوب»، قائلة: «من أسباب نجاح ساحرة الجنوب أني بحب المقابر، ومبخافش منها، وأدفنت مرة، ومرضتش يجيبوا واحدة بدالي تعمل المشهد أنا اللي عملته، أتدفنت في مقابر العياط، وهناك في شجرة كبيرة، الساعة 3 الفجر، الدنيا كانت حر ورطوبة بطريقة صعبة».

مسلسل ساحرة الجنوب

وتابعت حورية فرغلي: «أول ما حفروا الحفرة وحطوني تحت كان الجو تلج، كأنها تلاجة موتى، أطلع فوق حر موت، لكن مخوفتش ومحستش بحاجة، لاني كنت عارفة أنه تمثيل، أنا مبخافش من الموت، ومستعدة له، نفسي يجي بصراحة، لأن الدنيا بقا دمها تقيل، الناس أتغيرت وأخلاقها أتغيرت، مبقوش يخافوا وبقا في عنف، ومفيش أصول».

اقرأ أيضاًحورية فرغلي بعد سقوطها لـ«الأسبوع»: الكعب كان 20 سم «فيديو»

حورية فرغلي بعد انضمامها لـ«ظلال مهجورة»: «مستنية حد يقولي تعالي»

حورية فرغلي من مسابقة ملكة جمال مصر: أنا حلوة واللي مش عاجبه يبص الناحية التانية

المصدر: الأسبوع