محمود حجازي يحتفل بعقد قرانه في أمريكا
تاريخ النشر: 17th, September 2023 GMT
احتفل الفنان محمود حجازي بعقد قرانه منذ قليل في أحد المساجد بمدينة نيويورك الأمريكية حيث تعيش زوجته، على فتاة خارج وسط الفني، ونشر حجازي على حسابه الرسمي بـ انستجرام صورًا من عقد القران، من داخل أحد المساجد بصحبة زوجته رنا زروق، وعلق قائلًا: الحمد الله كتبنا الكتاب.. ربنا يخليكي ويباركلي فيكي يارب.
إطلالة زوجة محمود حجازى
وظهرت زوجة محمود حجازى بإطلالة أنيقة ومميزة خطفت بها الأنظار مرتدية فستان باللون الأبيض اتسم بستايل بسيط غير منقوش واتسم القماش الدانتيل المحتشم ذات الأكمام الطويلة، ومن الناحية الجمالية اعتمدت على وضع المكياج بلمسات البسيطة وترك شعرها منسدلا على كتافيها، وتزينت بطرحة على الشعر الطويل بالدانتيل وهو ما زاد من اناقتها.
اسمها رنا زروق ولدت في نيويورك عام ١٩٩٢ وعاشت بامريكا وحصلت علي البكالوريوس في الاقتصاد والعلوم السياسية عام ٢٠١٤ من جامعة، city university of New York، وحصلت علي دكتوراه في القانون عام ٢٠١٨ من جامعه New York Law school، هي من اب تونسي امريكي وهو الدكتور طارق زروق حاصل علي دكتوراه في البيئه والچولوجيا ويعمل استاذ جامعي في جامعه بروكلين كالدچ Brooklyn college، ومن أم مصريه امريكيه وهي الدكتورة ايمي السيد حاصله علي دكتوراه في الرياضيات وتعمل كاستاذة جامعيه في جامعة kingsboro college.
محمود حجازي ينفصل عن أسما شريف منير
ومن ناحية اخري، سبق وأعلن محمود حجازي انفصاله عن أسما شريف منير في أبريل 2021، جدير بالذكر أن علاقة أسما ومحمود حجازي، قد مرت بعدد من المنحنيات من قبل، حيث أعلنا انفصالهما أثناء فترة الخطوبة بعد مرات من النفي، في مارس 2018، ثم عادت أنباء العودة مرة أخرى في يوليو من نفس العام، قبل إعلان خبر الزفاف الذي أعلناه في خطوة مفاجئة في سبتمبر من نفس العام أيضًا.
آخر أعمال محمود حجازي
ويذكر ان آخر أعمال محمود حجازي هو مسلسل الكتيبة 101، وعرض العمل في الماراثون الرمضاني 2023، وضم عددا كبيرا من النجوم أبرزهم: آسر ياسين، عمرو يوسف، فتحي عبد الوهاب، خالد الصاوي، ميرنا نور الدين، محمود عبد المغني، وعددا آخر من الفنانين، والمسلسل من تأليف إياد صالح وإخراج محمد سلامة، وتدور أحداثه حول وقائع حقيقية تتمثل في استبسال الكتيبة 101 في التصدي للتنظيمات التكفيرية والإرهابية في شمال سيناء وتبدأ القصة في يوم 28 يناير 2018، حيث هجم التكفيريون على موقع عسكري هام في مدينة العريش بشمال سيناء
المصدر: بوابة الفجر
كلمات دلالية: محمود حجازي محمود حجازی
إقرأ أيضاً:
أسما شريف منير تكشف عن 38 شيئا تعلمته من تجارب الحياة
كشفت أسما ابنة الفنان شريف منير، عن 38 شيئا تعلمتهم خلال تجاربها بالحياة، وذلك تزامنا مع حلول عيد ميلادها 38 اليوم.
وكتبت أسما عبر حسابها بموقع الصور والفيديوهات«إنستجرام»: «عيد ميلادي الـ 38 مش مجرد رقم جديد، النهارده وقفة مع نفسي، وبصة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت".
عرض هذا المنشور على Instagramتمت مشاركة منشور بواسطة ???????????????? c???????????????????? ???????????????????????? - اسما شريف منير (@asma.sherif.moneer)
وأضافت: «38سنة… و38 حاجة اتعلمتهم خلوني أبقى النسخة دي مني وهم كالتالي:
1. اللي بيسيبك وقت ضعفك ما يستحقكش وقت قوتك.
2. الحب لوحده مش كفاية، لازم احترام وأمان ونية صافية.
3. مفيش أغلى من راحة البال.
4. الحدود مش قسوة، دي حب لنفسي.
5. كل اللي حصل كان لازم يحصل عشان أوصل للي أنا عليه دلوقتي.
6. الكتم مش قوة دايمًا، أوقات لازم أتكلم.
7. الجمال الحقيقي جوايا مش في مراية ولا كاميرا.
8. الناس بتتغير، وأنا كمان. وده طبيعي.
9. ربنا عمره ما خذلني، حتى في أسوأ أيامي.
10. السُكوت مش دايمًا رضا، أوقات بيبقى وجع.
11. اللي بيحبك بجد هيخليكي تحسي بالأمان مش التوتر.
12. اتعلمت أقول لأ من غير ما أبرر.
13. في حاجات كتير فقدتها، بس كسبت نفسي.
14. المغفرة مش معناها أرجّع الناس لحياتي، معناها أحرر قلبي.
15. مش لازم أكون كاملة عشان أكون كفاية.
16. الوقت بيكشف، والنية بتبان.
17. مفيش صدفة، كله ترتيب إلهي.
١٨. الكتابة أنقذتني.
19. لما بحب نفسي، كل حاجة حواليّ بتتغير.
20. مش لازم أرد على كل حاجة.
21. اتعلمت أسمع صوتي قبل صوت الناس.
22. كل ما كنت حقيقية، كل ما ارتحت أكتر.
23. اتعلمت أقول “أنا تعبانة” من غير خجل.
24. العلاقات مش كلها للأبد، بس كلها دروس.
25. أتقبل التغيير، حتى لو وجعني.
26. اللي راح مكانش ليّ، واللي جاي أحلى بكتير.
27. لما بنضف قلبي، الدنيا بتنضف معاه.
28. مش لازم كل حاجة تتقال. في حاجات بتتحس بس.
29. الصوت اللي جوايا أهم من أي رأي خارجي.
30. مش دايمًا الصح واضح، بس الإحساس بيقول.
31. اللي بيحسسني إني مش كفاية، ملوش مكان.
32. الأمان الحقيقي في حضن ربنا.
33. مش كل حاجة لازم أفهمها دلوقتي.
34. في أوقات لازم أختفي عشان أرجع قوية.
35. النجاح مش شهرة، النجاح سلام داخلي.
36. اتعلمت أكون لنفسي اللي كنت مستنياها من الناس.
37. لما ببطل أقاوم، الحياة بتسوقني للأحسن.
38. أنا لسه بتعلم، ولسه قلبي مفتوح لكل جديد.
واستكملت: «النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية كل سنة وأنا أقرب لنفسي، وأكتر حب، وأكتر نور».
اقرأ أيضاً«المفروض نكبر».. مها الصغير ترد على منتقدي نجلها في مسلسل سيد الناس | فيديو
«الصفا الثانوية بنات» يحافظ على المركز الثاني بالأسبوع الأول لعرضه (صور)
ارتفاع درجات الحرارة على جميع الأنحاء اليوم مع رياح مثيرة للأتربة