الرئيس السيسي: بقالنا 4 سنين في ظروف صعبة جدا لكننا لن نتوقف

قال الرئيس عبد الفتاح السيسي، إن العالم كله توقف بسبب الأزمات المتتالية وجائحة كورونا لكن مصر لن تتوقف لأنها حلمها كبير في التنمية

أضاف الرئيس السيسي: ««عاوز أقول للمصريين كلمة مهمة أوي، ليكم جميعا، لا شك أن الظروف صعبة بس خلي بالكم إننا نفكر إننا بقالنا دلوقتي 4 سنين في ظروف صعبة جدا، سنتين منهم الدنيا كلها في العالم كله عشان موضوع كورونا، وسلاسل الإمداد تأثرت والعالم والاقتصاد كله توقف بس احنا متوقفناش استمرينا في عملنا لأننا ورانا برنامج ومشروع وحلم كبير أوي».

وأضاف الرئيس السيسي خلال كلمته في بني سويف، «عدوا السنتين وكنا نأمل إن بعد كدة الأمور تبقى أحسن ولكن جت أزمة كبير وكان لها تأثير كبير، وحاولنا بظروفنا الاقتصادية الصعبة دي، افتكروا كويس لما عملنا خطة الإصلاح الاقتصادي في 2016 كنا بنقول إنها هتنطلق بينا بنجاحنا بيها لآفاق أكبر ودة اللي تحقق بالفعل لو تفتكروا».

وواصل: «كان معدلات النمو من الناتج المحلي كانت متقدمة جدا ووصلت لـ 5.6 و5.8 وكنا نأمل في أكتر من كدة، والأزمتين دول واللي منهم أزمة ما زالت مستمرة حتى الآن».

اقرأ أيضاًالرئيس السيسي يوجه بمضاعفة المنحة الاستثنائية لأصحاب المعاشات

الرئيس السيسي يوجه بإعفاء المتعثرين من سداد فوائد وغرامات تأخير سداد الأقساط

المصدر: الأسبوع