سلمى صباحي تكشف تطورات حالتها الصحية بعد إجراء جراحة في المخ: نفسي أنام
تاريخ النشر: 15th, September 2023 GMT
كشفت الاعلامية سلمي صباحي، عبر حسابها بموقع التواصل الاجتماعي «فيسبوك»، تطورات حالتها الصحية عقب إجرائها عملية جراحية في المخ، موضحةً أنها تتمنى أن تنام بشكل جيد.
وكتبت سلمي صباحي قائلة: «النهارده فات 20 يوم ع العملية.. 20 يوم منمتش فيهم ساعه على بعض.. ما هو لما دماغك تتفتح و يتحط فيها جسم غريب متوصل بأنبوب لحد بطنك و يبقى عندك غرز في دماغك و في بطنك يبقى طبيعي ماتعرفش تنام، لا تعرف تحط راسك على مخدة ولا حتى تنام على جنبك! بس بالرغم من إن دي فترة صعبه من عدم النوم و شدة الألم و كتر الأدوية، أنا اتعودت دايما أبص على الحلو وفيه حاجات حلوة كتير شوفتها الفتره دي».
وأضافت: «أولا إن ربنا بيحبني لطف بيا أوي لما خلاني أكتشف المشكله اللي عندي من حاجه بسيطة جدا ماكانتش حتى بتوجعني و كان ممكن جدا أطنش ومركزش فيها لكن ربنا خلاها تزيد عشان أنتبه وأدور على السبب والحمدلله الحمدلله هداني لدكاترة محترمين ونجاني من خطر كبير كان ممكن يحصلي لو كنت استنيت أكتر من كده،ثانيا حسيت أوي ب حب الناس في سؤالهم ودعواتهم وممتنة جدا جدا لكل حد افتكرني بدعوه في صلاته أو في الكعبة أو عند مسجد سيدنا النبي وبعتلي من هناك، وكل حد زارني وخفف عني كبيرة أوي عندي إن حد يقرر يديني شوية من وقته وينزل من بيته عشان يجيلي وأنا تعبانة».
وتابعت سلمي قائلة: «من الحاجات اللي أثرت فيا أوي الناس اللي خدوا من يومهم وقت وجهد وتعبوا نفسهم وعملولي أكل بأيديهم وبعتهولي! حقيقي تصرف فيه اهتمام وخير غير طبيعي! أكتر حاجه فرحتني و بكيتني كمان الأطفال اللي بعتولي رسايل ورسومات و فويس نوتس حبكم أكبر نعمه ربنا كرمني بيها، ثالثا اكتشفت اني غلط! أيوه غلطت كتير في حق نفسي، ودي رساله لكل أم، ركزي مع نفسك خلي بالك من نفسك ماتطنشيش نفسك، أول ما تحسي بتعب اكشفي من فضلك واطمني، مش لازم تفضلي تستحملي لحد ما تقعي، و متخليش حاجة تعصبك عشان آخرة العصبية خطر كبير عليكي، أنا بوجه كلامي هنا للأمهات بالذات عشان إحنا كلنا زي بعض، الفترة دي خلتني أعيد تفكير في طريقتي وأحاول إني أكون أهدى و أخلي بالي من نفسي عشان أكون قادرة أخلي بالي من ولادي»
سلمى الصباحي: نعم الله كثيرةواختتمت سلمي قائلة: «رابعا بصيت على النعم اللي ربنا ادهالي طول حياتي وأيقنت ان الابتلاء دايما ربنا بيدي معاه الصبر و التحمل، ربنا عارف أنا أقدر أحتمل إيه ومقدرش أحتمل إيه، الحمدلله الحمدالله الحمدالله على نعمك الكتير يا رب، أنا بس نفسي أنام».
المصدر: الوطن
كلمات دلالية: فن أخبار الفن
إقرأ أيضاً:
جسمه هزيل وتوقف عضلة القلب.. تطورات الحالة الصحية للفنان نعيم عيسى.. خاص
كشف سامي ابن الفنان نعيم عيسى تطورات الحالة الصحية لوالده الذى يمكث حاليا بالعناية المركزة بعد تعرضه إلى أزمة صحية شديدة أدت إلى دخوله المستشفى.
وقال سامي نعيم عيسى فى تصريح خاص لصدى البلد: إن والدى بحالة صعبة وحالته متدهورة خاصة أنه لا يستجيب إلى العلاج سريعا، بالأمس بدأ يتفاعل معي ولكن بدون كلام تماما واصبح جسده هزيل جدا.
وأضاف سامي نعيم عيسى: ولكن قبل أربعة أيام تعرض والدي إلى تدهور فى حالته الصحية بشدة وذلك بعد أن قرر الأطباء أن يعتمد على نفسه فى التنفس بعد أن شعروا بتحسن طفيف واستجابة للعلاج ولكن سرعان ما تدهورت حالته وتوقفت عضلة القلب لمدة 4 دقائق مما دفع الأطباء إلى وضعه مجددا على أجهزة التنفس.
وأشار سامي نعيم عيسى: إلى أن الأزمة الأساسية أنه يعانى من التهاب حاد فى الرئة وهو ما تسبب فى تدهور حالته خاصة أن جسده أصبح ضعيفا للغاية.
أعمال نعيم عيسىيذكر أن الفنان نعيم عيسي قدم العديد من الأعمال الفنية المتميزة فى السينما والتليفزيون، ومن أبرز الأفلام السينمائية ومن أبرزها "أحلام الفتي الطائر، الهروب، صرخة بريء.
وعلى الصعيد المسرحي، قدم شاهد مشافش حاجة، وريا وسكينة.
وعلى الصعيد الدرامي، قدم العديد من الأعمال الدرامية المميزة التى من أبرزها صابر ياعم صابر ، رحلة أبو الوفا ، ضمير ابلة حكمت ، شارع عبد العزيز".
«الأرصاد» يحذر من ارتفاع في درجات الحرارة الفترة المقبلة