كيرلس.. الموهوب الذي يبدع في صناعة المجسمات بأعواد الكبريت
تاريخ النشر: 15th, September 2023 GMT
يملك كيرلس إسحق فهمي البالغ من العمر 20 عامًا موهبة صناعة المجسمات بأشكال مميزة جعلت من حوله يتنبأون له بمستقبل باهر.
وقال، إن أول أعماله كانت عبارة عن نموذج مجسم لبرج إيفل من أعواد كبريت خشب فقط ولكن لم يقتصر على ذلك فقط بل كرر الفكرة للإبداع بتنفيذ مجسمات بحجم أكبر.
وأضاف: «بعد ما خلصت نموذج مجسم لبرج إيفل وفكرت أطور الموضوع إلى مجسمات بأحجام كبيرة وطبعًا ده كان محتاج وقت ومجهود، ولكن اشتغلت على العديد من الأفكار بعد دعم المشاهدين ليا فى أول مجسم عبر صفحات التواصل الاجتماعي».
وتابع كيرلس قائلاً: «شغفي للمجسمات بدأ بدخولي للكلية وأنا حاليًا بدرس بكلية الفنون الجميلة قسم عمارة الفرقة الثانية جامعة المنيا».
وأوضح: «عملت مجسمات كتير كانت عبارة عن مشاريع للكلية لكن بخامات مختلفة مثل الكرتون أو الناصبيان، وبالصدفة مرة وجدت على مواقع التواصل الاجتماعي إن فيه حد بيعمل مجسمات بأعواد الكبريت انبهرت بالفكرة وحبيت أبدأ أعمل حاجة زي كده».
وقال: «كانت أول حاجة عملتها مجسم لبرج إيفل بحوالي 2200 عود كبريت وأخذ وقت حوالي 20 يوم والصراحة عجب الناس جدًا ولقيت رد فعل كويس، وتاني مجسم كان مركب قراصنة بحوالي 5000 عود كبريت وأخد وقت حوالي 25 يومًا وثالث حاجة تمثال لطاووس بحوالي 4500 عود كبريت بارتفاع 80 cm أخد وقت حوالي 15 يوم».
وأردف: «مكنتش متوقع النتيجة دي في الآخر علشان أول مرة أعمل مجسم طبعًا فى الأول أسرتي مكنتش وأصدقائي مكانوش يعرفوا حاجة لغاية لما خلصت وابتديت أنشره على الجروبات، والمفاجأة بالنسبالي كانت التفاعلات رهيبة جدًا جدًا وده إداني حافز أكمل في أعمال المجسمات».
وقال: «أول حاجة عملتها هى مجسم لبرج إيفل بحوالي 2200 عود كبريت وأخد وقت حوالي 20 يوم، وقررت أكرر التجربة بتنفيذ مجسم أكبر وكان تانى مجسم كان مركب قراصنة بحوالي 5000 عود كبريت وأخذ وقت حوالي 25 يوم، ونزلته برضه على الجروبات علشان أعرف ردود الناس إيه لقيت الردود فى قمة البهجة ودي حاجة شجعتني جدا فى الاستمرار، وثالث حاجه تمثال لطاووس بحوالي 4500 عود كبريت بارتفاع 80 cm أخد وقت حوالي 15 يوم».
واختتم قائلا: «أتمنى إني أكمل فى الهواية دي وأي حاجة تعجبني أقدر أعملها مجسم وحلمي أنى أعمل معرض خاص بشغلي أعرض فيه أعمالي في المستقبل إن شاء الله».
المصدر: البوابة نيوز
كلمات دلالية: كيرلس أعواد الكبريت
إقرأ أيضاً:
بعد اختلاف الآراء.. منة عرفة تعتذر لـ إلهام شاهين
تقدمت الفنانة مني عرفة، بالإعتذار للفنانة إلهام شاهين عبر حسابها علي موقع انستجرام، وذلك بعدما نشبت أزمة بينهما نتيجة اختلاف الآراء حول المشاهد الساخنة مؤخرًا.
منة عرفة توجه رسالة لـ إلهام شاهينوشاركت منة عرفة، عدد من اللقطات المصورة لـ إلهام شاهين، وعلقت عليها: «استاذتنا ونجمتنا الكبيرة وقدوتنا اللي دايمًا بنفتخر بيها دايمًا بكون مبسوطة وفرحانة بحضرتك لما بشوفك في أي احتفاليه أو مهرجان أو تكريم لأنك بجد تستاهلي كل التقدير والاحترام والمحبة».
منة عرفة تعتذر لـ إلهام شاهين
وأضافت منة عرفة: «أنا عايزة استغل الأيام الجميلة المفترجة اللي احنا فيها دلوقتي وأقولك كل سنة وحضرتك طيبة جميلة وقلبك طيب وجميل وأبيض زي ما اتعودنا عليه، وناجحة وبخير دايمًا يا رب، واعتذرلك وأقولك أنا أسفة عن أي حاجة صدرت مني تجاه حضرتك في يوم من الأيام، أنا مكنتش اقصدها، أنا بحبك وبحترمك جدًا وبقدرك وبقدر فنك وإبداعك إلى كلنا كبرنا عليه، واتعلمنا منه كتير وأخر حاجة بتنمنالك كل النجاح والتوفيق وكل الخير إلى في الدنيا لأنك تستاهلي كل حاجة حلوه زيك».
تفاصيل الأزمة بين إلهام شاهين ومنة عرفةويذكر ان الأزمة بين إلهام شاهين ومنة عرفة، بدات بعدما كشفت الأخيرة عن رفضها للأحضان والقبلات في الأعمال الدرامية والسينمائية، وردت إلهام شاهين في تصريحات تلفزيونية، عليها قائلة: «يعني إيه فنانة يكون مغمى عليها ومرمية في الأرض والمفروض الدكتور يشيلها وهي مش عايزة تتشال، نعملك إيه متشتغليش، رأيها تحتفظ بيه لنفسها، أنا كنت ممكن أتقبل ده لو بتتكلم على الفنانين، لكن توجهلي أمر.. متشتغليش».
اخر أعمال منة عرفوكان اخر أعمال منة عرفة هو فيلم "أسود ملون" وجسدت خلاله شخصية سالي الفتاة التي تريد أن تتزوج بأي طريقة وتتمنى أن تعيش قصة حب، ويشارك في بطولته كل من: بيومي فؤاد، ومحمد كيلاني، ورنا رئيس، ومنة عرفة، وأحمد فتحي، ومحمود حافظ، وإبرام سمير، ولأول مرة المطرب عصام صاصا، والعمل من تأليف أحمد عبدالفتاح عثمان، وإخراج حسن البلاسي.
جنين ومخيمها.. سماع دوي انفجار كبير بمخيم جنين