كيف ساعد تامر حسني أهالى ضحايا الكوارث الطبيعية فى المغرب وليبيا؟.. صور
تاريخ النشر: 14th, September 2023 GMT
حرص الفنان تامر حسني على مساندة أهالى ضحايا الكوارث الطبيعية والتى وقعت فى المغرب وليبيا، وذلك من خلاله مساهمته مع الهلال الأحمر المصري.
ونشر تامر حسني عدد من الصور له أثناء مساهمته مع الهلال الأحمر عبر صفحته الرسمية بموقع الصور الشهير انستجرام وعلق عليه قائلا: مساء الخير عليكم شبابنا و كل اهالينا في مصر طبعاً كلنا شوفنا اللي حصل في المغرب و ليبيا و اكيد كلنا في أشد حالات الحزن و نفسنا نعمل حاجة.
وأضاف: كلامي للّي قادر .. واللي مش قادر جزاه الله كل خير لو كثف الدعاء لاهالينا و اخواتنا مش هطول عليكم … يا جماعة عندنا في مصر جمعية الهلال الأحمر المصري بجد ناس ليهم الجنة ان شاء الله انا فخور بيهم أوي و بحبهم أوي من كل قلبي، دول ناس رحيمة وهبوا حياتهم لخدمة الانسانية و كل يوم عندهم شباب جميل متطوع لخدمة الانسانية.
وتابع: الحقيقه ان انا بمشيئة الله دايماً معاهم في كل أزمه بتقابل مصر او اي شعب عربي بس أكيد انا مش كفاية .. اتمنى من كل مصري انه يهتم بالجمعية العظيمة الرحيمة دي و يحاول يقدم اي دعم و لو بسيط ليهم ، و اتمنى ان اللي ميعرفهمش يحاول يعرفهم كويس عشان لو عرفهم و عرف دورهم و ازاي بيخاطروا بحياتهم عشان سلامة و انقاذ البشر هيبصلهم بنظرة عظيمة تانية.
وأختتم كلامه قائلا: من قلبي كل المواساه لاهالينا في المغرب و ليبيا و من ارض مصر بنقولكم كل مصر معاكم و خالص تعازينا لآسر الضحايا من اهالينا و كل الدعاء لعودة و سلامة المفقودين منهم ربنا يصبركم و يحفظكم و يحفظ امتنا العربية.
وحدث زلزال المغرب في منطقة مراكش بالمملكة المغربية، واستطاعت محطات الشبكة القومية لرصد الزلازل التابعة المعهد القومي للبحوث الفلكية والجيوفيزيقية، رصد الزلزال.
وأوضحت أنه حدث صباح اليوم، السبت الموافق 9 سبتمبر 2023، على بعد 3262 كيلو مترا غرب سيوة، وتقع في منطقة مراكش بالمملكة المغربية فى تمام الساعة الواحدة و11 دقيقة.
إمكانية تأثر مصر بأي توابع نتيجة لزلزال المغرب
وأكد رئيس المعهد القومي للبحوث الفلكية أن الزلزال بعيد جدا عن مصر، حيث يبعد 3262 كيلو مترا غرب مدينة سيوة المصرية، وأن المعهد لم يصل إليه حتى الآن ما يفيد بوقوع أي خسائر داخل الأراضي المصرية أو الشعور بأي هزات داخلها.
المصدر: صدى البلد
كلمات دلالية: تامر حسني الفنان تامر حسني المغرب ليبيا
إقرأ أيضاً:
من الاعتزال إلى الدعم.. القصة الكاملة لـ تامر حسني وهيثم سعيد
بكلمات مؤثرة، دعم الفنان تامر حسني، صديقه الفنان هيثم سعيد من خلال مشاركة الجمهور بمنشور عبر خاصية ستوري على صفحته الخاصة بموقع الصور الشهير انستجرام، ما جعل البعض يتساءل عن القصة الكاملة.
القصة بدأت عندما قرر هيثم سعيد مشاركة جمهوره فيديو عبر صفحته الخاصة على موقع الصور الشهير انستجرام؛ كشف من خلاله عن قراره بالسفر إلى أستراليا رفقة أسرته، وذلك بسبب معاناته مع الوسط الفني، مشيرا إلى أنه قرر الابتعاد عن المنافسة على الترند، موجها التحية لأبناء جيله ممن لا يزالون يمتلكون الشغف ومن بينهم تامر حسني وتامر عاشور ورامي صبري.
وتفاعل الفنان تامر حسني مع كلمات هيثم سعيد، وقرر الرد عليه عبر صفحته الخاصة، قائلا: «حبيبي هيثم أنا أكيد بزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس، طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة».
وتابع: «ربنا بس العالم بيك وعالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجة زي ما أنت متأكد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك ما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه».
وأضاف تامر حسني: «نصيحة ليك برضه ادرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب ولو حسيت بأي صعوبة ارجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير.. فكر يا صاحبي وأنا بعون الله معاك».
الدولار ينخفض من أعلى مستوى سجله خلال الفترة الماضية.. لهذا السبب