بالفيديو: بيومي فؤاد يكشف تفاصيل أزمته الصحية ونصيحة عادل إمام له

بيومي فؤاد يكشف للمرة الأولى تفاصيل أزمته الصحية ونصيحة عادل إمام له وذلك خلال برنامج "يحدث في مصر"، الذي يقدّمه الإعلامي شريف عامر على قناة mbc مصر.
 وعبّر الفنان بيومي فؤاد عن سعادته بما يقال عنه إنه سبب في إسعاد الجمهور، وقال بيومي: "نعمة من ربنا أكون سبب في إسعاد أو بهجة الناس وعمري ما حلمت باللي وصلت ليه وطموحي عمره ما راح للحتة دي".

وأضاف: "أنا اتشهرت على كبر ومكنتش أحلم أبقى مشهور والمسرح مهما عظم جمهوره مش هيبقى زي التلفزيون في البيت ولا السينما".

ووضح سبب إعلانه عن سفره الى الخارج لتلقي العلاج، وعن  أزمته الصحية و قال: "كنت تعبت من أربعة أشهر وأعلنت إني هريح شوية وهسافر وكم كبير من الناس كلموني يطمنوا عليا وكنت مسافر للخارج عشان أخس لأني برفض العمليات وبخاف من البنج بس مسافرتش".

وأكد أن  دور "عزيز" الذي جسّده في فيلم "وش في وش" هو الأقرب إليه  رغم أنه كان أصعب فيلم قدّمه هذا الموسم، قائلاً: "الفيلم لوكيشن واحد وكنت فاكر إنه أسهل فيلم ولكن طلع الأصعب". وأضاف: "الصعوبة إنه كان ممكن يبقى عندي تصوير من الصبح لليل ومعنديش ولا مشهد ولا كلمة لكن الكاميرا شايفاني وملتزم بالوجود... كنت براهن على نجاح الفيلم مع محمد ممدوح وأمينة خليل لأننا تعبنا فيه جداً".

واضاف بيومى فؤاد بالقول: "من أيام ما كنت بعمل جمعية علشان أدخل عيالي المدرسة عمري ما اشتغلت أعمال دون المستوى".
كشف الفنان بيومي فؤاد عن نصيحة الزعيم عادل إمام له، مؤكدا أنه نصحه بضرورة قوة الرفض، انتقاء الأعمال الفنية التي يشارك فيها، وتجاهل تطبيقها، قال بيومي فؤاد: "الزعيم عادل إمام قال لي خلي لأ في قوة أيوة مش أي حاجة توافق عليها، ودي نصيحته ليَّ بس أنا مش عارف أقول لأ، أقول لأ إزاي لواحد حلف لي إنه أخد قرض علشان يعمل فيلم ولو الفيلم ما اتعملش هيتخرب بيته، فبقول له يلا وزي ما تيجي حتى لو هننزل الحفرة سوا واللي عايز يدفع يدفع ودا رزق عيالي واللي مش عايز يدفع يلا بقى هعمل إيه".

واستطرد: «وبعدين اكتشفت إن فيه حد بيجبني يوم على إني ضيف شرف، وبعدين أتفاجئ إني أحد أبطال الفيلم، وساعات بنروح نجامل في تصوير اليوم الواحد ومبرضاش آخد أجر، ويفضل المنتج يصر عليا فأقول: إيه الراجل الكريم ده؟ ودايماً بيبقى اعتذاري بجملة معنديش وقت لأن لو جه الورق واتكلمنا في فلوس هيبقى بيومي بيعتذر عشان مش عاجبه الورق أو الفلوس، فبقول معنديش وقت، واللي بيكلموني دلوقتي بقولهم نتكلم بعد رمضان بساعة».

المصدر : وكالة سوا - وكالات

المصدر: وكالة سوا الإخبارية