ملتزمش بيها.. بيومي فؤاد يكشف نصيحة الزعيم عادل إمام له في التمثيل

حل الفنان بيومي فؤاد ضيفا في برنامج "يحدث في مصر" الذي يقدمة الإعلامي شريف عامر، عبر شاشة MBC مصر.

 

وكشف بيومي فؤاد، عن رسالة الزعيم عادل إمام له بشأن انتقاء الأعمال الفنية التي يشارك فيها، قائلا: "الزعيم عادل إمام قال لي خلي لأ في قوة أيوة مش أي حاجة توافق عليها، ودي نصيحته ليَّ بس أنا مش عارف أقول لأ، أقول لأ إزاي لواحد حلف لي إنه أخد قرض علشان يعمل فيلم ولو الفيلم ما اتعملش هيتخرب بيته، فبقول له يلا وزي ما تيجي حتى لو هننزل الحفرة سوا واللي عايز يدفع يدفع ودا رزق عيالي واللي مش عايز يدفع يلا بقى هعمل إيه".

وأضاف بيومي فؤاد: "شيء جميل إنك تدخل فيلم فيه بيومي فؤاد ظاهر لمدة دقيقتين وتفتكره، وبختار كتابة اسمي على حسب تعبي في الفيلم وما يشغلنيش ترتيب اسمي في تتر الفيلم".

 

بيومي فؤاد: اعتذرت عن فيلم وش في وش 6 مرات

 

وأشار: "اعتذرت عن فيلم وش في وش 6 مرات،  لإن الدينا كانت عندي زحمة أوي وهما كانوا عايزين يبدأوا تصوير بدري شوية وأنا كنت مشغول وفي النهاية اكتشفوا إني كنت أسهل واحد وافق على الفيلم".

 

وأكمل: "الحاجات اللي بتسعدني بشكل كبير إني أقعد على قهوة بلدي، والدومينو أول حاجة بحطها في شنطة السفر وأنا رايح مسرح".

أحداث فيلم وش في وش

 

وتدور قصة فيلم «وش في وش» في إطار اجتماعي كوميدي لايت داخل شقة زوجية يجتمع بالصدفة فيها عائلتا الزوج والزوجة مختلفتا الثقافة، وتحدث بينهما العديد من المشكلات، ونرى خلالها ما يحدث داخل الشقة في ليلة واحدة، ويطرح الفيلم فكرة الصراع والخلافات بين الأزواج في إطار كوميدي.

 

أبطال فيلم وش في وش 

 

ويضم الفيلم نخبة من نجوم الفن منهم: محمد ممدوح، أمينة خليل، أحمد خالد صالح، محمد شاهين، خالد كمال، بيومي فؤاد، أنوشكا، أسماء جلال، محمد شاهين، محمود الليثي، سامي مغاوري، دنيا سامي، وسلوى محمد على، والفيلم من تأليف وإخراج وليد الحلفاوي.

المصدر: بوابة الفجر