عمرو سلامة: "انفصلت عن زوجتي الأولى رغم حبي لها"

كشف المخرج عمرو سلامة، عن أسباب انفصاله عن زوجته الأولى، وتجربته بالزواج الثاني، وغيرها من الأمور 


 

وقال عمرو سلامة، في حوار له مع برنامج "The you in in human “: ”الفرق بين المرة الأولى جواز والمرة الثانية جواز هو أن أول مرة كنت عايز اتجوز وقابلت واحدة وعجبتني فاتجوزنا بس كنت شايف اني عايز اتجوز وقابلت حد فاتجوزنا فكان الجواز في خطتي ودة مكنش ضغط من المجتمع وكنت بدور على مواصفات معينة لأي حاجة في حياتي من بينهم مراتي وقابلت واحد حبيتها وكان فيها المعايير وانا كنت ليها بردة ملائم للصفات اللي عايزاها".

 

عمرو سلامة: "بعد الجواز بـ 7 سنين شخصيتي اختلفت تماما"
 

وأضاف:"كنا في علاقة جيدة ومكناش بنتخانق وحتى لما اتفقنا على الطلاق، وانا كنت حاسس بتأنيب الضمير لأن أنا اللي اتغيرت اكتر وبعد الجواز ب7 سنين شخصيتي اختلفت تماما"

 

عمرو سلامة: “احنا يوم طلاقنا خرجنا شربنا قهوة”
 

وتابع:" "اعتقد أن هناك شخصيات بتتغير بعد الجواز والاهتمامات هتتغير، وأنا في جوازي الأول اختلفت شكل حياتنا ودة جعلنا مدركين أننا حتى لو في مشاعر بينا مش هينفع نكمل واحنا طلاقنا كان متحضر جدا، احنا يوم طلاقنا خرجنا شربنا قهوة".

 

وقال: "أنا لست شخص عنيف لأني عارف لو فقدت اعصابي هتحول لوحش وكل سنة في فترة بتخانق خناقة كبيرة غالبا بتكون في الشغل وبندم بعدها". 

 

عمرو سلامة يكشف عن عيوبه الشخصية

 

وواصل:"أنا عندي عيب اني شخص مش بيحب يتخانق وزمان كنت فاكر أن دة ميزة ".

 

عمرو سلامة يكشف عن رأيه بالزواج الثاني 
 

واختتم:" أنا حاليًا سعيد في زواجي، واحنا معندناش اهتمامات مشتركة ولا بنحب نفس الحاجات بس عندنا تفاهم ووجهة نظر متبادلة". 

 

آخر أعمال المخرج عمرو سلامة 
 

والجدير بالذكر آخر أعمال المخرج عمرو سلامة فيلم" شماريخ"، والذي حاز على إعجاب الجمهور. 

 

 

المصدر: بوابة الفجر