تأنيب ضمير.. هاجر الشرنوبي تتعرض للسرقة من خادمتها
تاريخ النشر: 12th, September 2023 GMT
أعلنت الفنانة هاجر الشرنوبي، عبر حسابها الرسمي بـ فيس بوك، تعرضها لعملية سرقة من الخادمة التي تعمل عندها في المنزل.
وقالت: “أنا عاوزة قرار يريح قلبي وضميري في نفس الوقت.. أنا في اختبار صعب وعماله أسأل كل اللي حواليه أعمل إيه؟ الست اللي بتساعدني في البيت سرقتني، شكيت فيها اه بس مكنتش متأكده ومحبتش أظلم ولا أبلغ.
واستكملت هاجر: المهم قلت دي حاجة لربنا وخلاص وحسبي الله ونعم الوكيل فيها لو كل ده فيلم، وسافرت بعدها بعشر أيام، لقيت ظابط بيكلمني وبيقولي أن الست دي ظبطوها وهي بتبيع فرده الحلق بتاعتي ومع الضغط عليها اعترفت أنها سرقتني وأنها كانت بتمثل عليا أنها اتجلطت ما بين سين وجيم في التليفون، قلت للظابط بس أنا متنازله ومش هينفع تتسجن عشان هي عندها أولاد صغيرين العفو عند المقدرة وبنتها الصغيرة كانت بتيجي معاها وأنا كنت متعلقة بيها عاطفيًا جدًا.
وأوضحت هاجر: هي زقردة كده عندها 9 سنين بس بحبها أوي كلمتني وقالتلي والنبي ياطنط أنا مش هعرف أعيش من غير ماما، ماما مسكوها وهي بتبيع الحلق بتاعك وفجأة الخط قطع.. أنا مش عارفة البنت الصغيرة عارفة حقيقة والدتها ولا لأ؟ ودي بالنسبالي بجد قصة تانية أسوأ من كل الموضوع ده، المهم هرجع تاني للموضوع.. اتضح إني لازم بنفسي أروح القسم اتنازل، ومن حظها الوحش أني كنت مسافرة واتأخرت عليها ولما رجعت من السفر روحت في اليوم الخامس اللي اتجددلها في الحبس.. واتفاجأت وأنا في النيابة أن خلاص ميعاد جلستها بعد بكرة وللحظ السيء أني مسافرة برضه بس قررت أعمل توكيل لمحامي.
واختتمت هاجر الشرنوبي حديثها، قائلة: كلمت الناس اللي كانوا جيبينهالي والناس دي كلمت كل الناس اللي كانت بتروحلهم في الكومباوند اكتشفنا كمية سرقة ونقل كلام لا تعد ولا تحصي، أنا ليه بحكي كل ده ؟ علشان الحته اللي جايه دي بس، في حاجة كده رنت في ودني أني أكلم دار الإفتاء كلمتهم قالولي أني لو روحت وقولت أنها مسرقتنيش تبقي شهادة زور، ولو قولت أنها سرقتني بس أنا مسامحاها كده هيبقي تنازل عن شق مدني وهيبقي لسه في شق جنائي وهيتحكم عليها، إيه العمل؟ أتصرف أزاي أنا بجد صعبان عليا الأولاد الصغيرين أوي، وفي نفس الوقت أكيد مش هشهد زور اتصرف إزاي.. أنا عاوزه قرار يريح قلبي وضميري في نفس الوقت.
ومن ناحية أخرى، تنتظر الفنانة هاجر الشرنوبي طرح أحدث أعمالها السينمائية، فيلم السرب، الذي تشارك فيه رفقة مجموعة من كِبار نجوم الفن، أبرزهم الفنان أحمد السقا، آسر ياسين، كريم فهمي، شريف منير، هند صبري، أحمد حاتم، منذر رياحنة، وآخرون، والفيلم من تأليف عمر عبد الحليم وإخراج أحمد نادر جلال.
آخر أعمال هاجر الشرنوبي
يذكر أن آخر أعمال هاجر الشرنوبي هو مسلسل "الضاحك الباكي" الذي تم الانتهاء من عرضه منذ فترة، وكان يشارك به عدد من النجوم، منهم: عمرو عبد الجليل، رزان مغربي، محمد سليمان، فردوس عبد الحميد، مصطفي شوقي، هاجر الشرنوبي، محمد صلاح آدم، أحمد علي، غيرهم من الفنانين والفنانات، وشاركت هاجر في مسلسل "الاختيار" في موسمه الثالث، والذي عرض في السباق الرمضاني الماضي لعام 2022، وتدور أحداثه تدور الأحداث حول محاولات المخابرات المصرية التصدي للإرهاب متمثلًا في تنظيم داعش، حيث يقوم العاملون بالمخابرات من ضباط وخبراء اتصال وعملاء سريين، كلٌ بدوره في عمليات تهدف إلى حماية الوطن والقضاء على الإرهاب.
المصدر: بوابة الفجر
كلمات دلالية: هاجر الشرنوبي هاجر الشرنوبی
إقرأ أيضاً:
سحر رامي: مشواري الفني مليء باللحظات الجميلة والتحديات
استعادت الفنانة سحر رامي بعض ذكرياتها، السعيدة والمؤلمة أيضا، مؤكدة أن الحياة لا تخلو من اللحظات الجميلة والصعبة، لكن كل شيء يمر بمرور الوقت، وقالت: “دائمًا ما أقول لأصدقائي والمقربين مني إن كل شيء يمر، سواء كان جيدًا أو سيئًا، فالمهم هو قوة التحمل”.
وعن الأوقات السعيدة في حياتها، أوضحت خلال مشاركتها في برنامج "خط أحمر" الذي يقدمه الإعلامي محمد موسى على قناة الحدث اليوم، أن لديها العديد من الذكريات الجميلة منذ طفولتها، مرورًا بمراحل دراستها وزواجها ومشوارها الفني، سواء في التمثيل أو الباليه، مؤكدة أن حياتها كانت مليئة بالمحطات المهمة.
أما عن عملها مع كبار النجوم، فأشارت إلى أنها تعاونت مع العديد من الأسماء اللامعة، وكانت هناك مواقف لا تُنسى مع بعضهم، ومن أبرزهم الفنان الراحل أحمد زكي والزعيم عادل إمام.
وعن تجربتها مع أحمد زكي، أكدت أنها كانت تجربة رائعة مليئة بالذكريات الجميلة، خاصةً عندما حصلا على جائزة أفضل فيلم، مشيرة إلى أنها وزملائها بذلوا جهدًا كبيرًا في هذا العمل، رغم التحديات التي واجهتهم أثناء تصويره، حيث نُفّذ الفيلم خلال فترة حرب الخليج، وكان الجميع مترددًا بشأن توقيت عرضه ومع ذلك، تشجع المخرج حسين على المضي قدمًا في المغامرة، مما أدى إلى نجاح الفيلم بشكل كبير.