زعلان معاها .. محسن جابر يكشف تفاصيل مشكلته مع أنغام
تاريخ النشر: 11th, September 2023 GMT
تحدث المنتج محسن جابر عن خلافه مع الفنانة أنغام، موضحًا إنه تجمعهما علاقة جيدة الآن، ولا يمانع في العمل معها مرة أخرى.
وقال محسن جابر خلال لقائه مع برنامج ET بالعربي: مفيش زعل بيني وبين أنغام، وعلى المستوى الشخصي أنا بحبها وبحب صوتها هي فنانة قديرة الحقيقة منكرش ده حتى وأنا زعلان معاها.
وتابع: أنا عملت لها الألبومين الناجحين جدًا باعترافها هي شخصيًا المسجل في حفلة اللاونش بتاع عمري معاك، قالت شركة عالم الفني قدمتلي أكثر مما أريد، وده مسجل صوت وصورة.
كما كشف تفاصيل خلافهم، قائلًا: كان في عقد بيني وبينها لمدة 3 سنين، وفوجئت أن جالها عرض من إحدى الشركات الخليجية الأخرى، وهي الإغراءات ميلتها وراحت سجلت مع الشركة التانية في الوقت اللي كان فيه العقد بتاعي قائم، فإلتجأت للقضاء.
وأضاف: هي زعلت إني كسبت القضية والمحكمة حكمتلي بتعويض ونفذته، ومش هقدر أقول إننا اتصالحنا، إحنا التقينا أكتر من مرة وكان آخرهم دعوة فطار في منزل الفنانة الكبيرة الصديقة سميرة سعيد، وأنغام سلمت عليا وحيتني ودردشنا كتير، وعلاقتي بيها علاقة طيبة.
أما عن إمكانية عودة التعاون بينهم مرة أخرى، فعلق محسن جابر قائلًا: أنا من المنتجين كطفل بفرح بالنجاح وبنسى أي زعل، والنجاح بالنسبة ليا أكبر من أي زعل، ويا أهلًا ومرحبًا ودراعي مفتوح لـ أنغام في أي وقت على المستوى الشخصي والفني، يعني ما أكتر الفنانيين اللي أنا على علاقة قوية بيهم مفيش إنتاج.
المصدر: صدى البلد
كلمات دلالية: محسن جابر أنغام محسن جابر
إقرأ أيضاً:
«زعلان مني يا شتا ليه؟».. محمود العسيلي يطرح أحدث أغانيه (فيديو)
طرح الفنان محمود العسيلي أحدث أعماله الغنائية بعنوان «زعلان مني يا شتا ليه؟»، عبر قناته الرسمية على موقع التواصل الاجتماعي يوتيوب.
أغنية «زعلان مني يا شتا ليه؟»، من كلمات: فيلبينو، إنتاج ومكساج وماسترينغ موسيقي: علي فتح الله.
وجاءت كلمات الأغنية:
زعلان مني يا شتا ليه؟
لما أنسى بتفكرني بيه كل اما أقول خلصنا
كل السكك تودي ليه
هو الفراق صاحبنا مش عايز ليه يسيبنا
كل اما نحب حاجة بيقولي مش نصيبنا
وغريبة الأوجاع دايماً ظالمه المتباع
ليه بتيجي على اللي بايع وتنساه
وغريب يا فراق سايب كل العشاق
وبتيجي عليا دايماً وتقوى
كانت أقرب مني ليا كانت كل حاجة هي
إزاي اديتها قلبي وترد ده بأذيه
لو ترجع بيا الدنيا لو جاتلي فرصة تانية
هختار أكون مكانها وأنا اللي ابيع في ثانية.
آخر أعمال محمود العسيليوكانت الفنان محمود العسيلي، طرح آخر أعماله التي تحمل اسم «لا أبالي» بالتعاون مع مطرب المهرجانات مسلم، حيث حققت نسب مشاهدات مرتفعة وصلت إلى 934 ألف مشاهدة حتى الآن.
اقرأ أيضاًبحضور الأهل والأصدقاء.. محمود العسيلي في «عش الزوجية» للمرة الرابعة (تفاصيل)
بعد ساعات من طرحها.. أغنية «100 حاجة و 50» لـ محمود العسيلي تحقق 70 ألف مشاهدة على يوتيوب
محمود العسيلي يمازح جمهوره: «لما تشفط بطنك وبرضو مفيش فايدة»
ضبط مدير مخزن بحوزته 41 ألف كتاب دراسى بدون تصريح