«شمس» تكشف عن سبب ابتعادها عن الفن الفترة الماضية

تحدثت الفنانة شمس، عن سبب ابتعادها عن الفن خلال السنوات الماضية، وعدم مشاركتها في الأعمال السينمائية والدرامية.

تصريحات الفنانة شمس

وقالت الفنانة شمس، أثناء لقائها مع الإعلامية مروة صبري في برنامج «قعدة ستات»، على شاشة «القاهرة اليوم»: «كنت بشتغل مع كبار المخرجين اللي في الوسط ومتربية على إيديهم وهما دلوقتي تلت أربعهم مش موجودين على الساحة أصلا والأدوار اللي بتجيلي ممكن تكون كبيرة بس مش بحجم الأدوار اللي كنت باخدها زمان، بس بتشدني».

الفنانة شمس

وأضافت شمس: «وفي نفس الوقت أنا مريت بظروف كتير خلتني معنديش طاقة غير لما تكون حاجة حباها أوي حاجة تهزني، أو حاجة مع مخرج انا اشتغلت معاه وعارفه هو هيعرف يطلع من شمس إيه، غير إني اتعرضت للنصب كتير جدا واشتغلت مع ناس مش فاهمة وحاولت أعمل زي ما الناس بتقولي ارجعي وانتشري فأكدب عليكم لو قولت محاولتش».

وتابعت شمس: «جتلي حالة من الزهق والقرف لأني اتربيت على إيد حسين كمال وجلال الشرقاوي وإيناس الدغيدي ويسرا ويحيى الفخراني، مفيش مخرج كبير مشتغلتش معاه ومفيش ممثل مشتغلتش معاه».

الفنانة شمس

ودخلت الفنانة شمس، في نوبة بكاء على الهواء، وروت تفاصيل وفاة عائلتها، قائلة: «موت اخواتي خلاني اتكسرت، العمود الفقري بيكون فقرات فأنا أول فقرة اتكسرت كان موت ماما، الإخوات سند خصوصا لما يبقى الفرق بينهم صغير، الفقد عموما صعب».

اقرأ أيضاًوفاة شقيق الفنانة المعتزلة شمس البارودى

اليوم.. عرض فيلم «شمس» بطولة عمرو عبد الجليل

المصدر: الأسبوع