بشرى بعد انتقاد طارق الشناوي لـ "أولاد حريم كريم":" مفكرتش ألومه ولا أعاتبه من إمتى بيمدح حاجة"
تاريخ النشر: 11th, September 2023 GMT
علقت الفنانة بشرى على انتقاد الناقد الفني طارق الشناوي وهجومه على فيلم "أولاد حريم كريم"، بطولة الفنان مصطفى قمر، والذي قامت بإنتاجه مؤخرًا.
تصريحات بشرى على فيلم “أولاد حريم كريم”
وقالت بشرى خلال مداخلة هاتفية لبرنامج "قعدة ستات" الذي تقدمه الإعلامية مروة صبري على شاشة "القاهرة اليوم"، الفيلم يجمع بين النوستالجيا والجيل الجديد، والكواليس مع المخرج علي إدريس كانت جميلة، واسألوا الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا.
واستكملت بشرى حديثها عن انتقاد طارق الشناوي للفيلم: في بعض النقاد ارائهم انطباعية مش تحليلة بشكل علمي بتحسس الناس أنهم مشافوش الفيلم اصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور، أصل ده فيلم مهرجانات ولا صوت يعلوا فوق الجمهور هي اللي بيحدد، الفيلم جماهيري مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم وميقتصرش مجهود الفيلم في شخص واحد، عيب في ناس ورا الكاميرا أشتغلت وعمُال كمان.
ماذا قالت بشرى عن هجوم طارق الشناوي على فيلم “أولاد حريم كريم”؟
وقالت بشرى: مفكرتش أكلمه ولا ألومه ومن أمتى وهو بيمدح اساسا، أنا عندي مبدأ في الحياة اسمه سيري يا نورماندي، مهما حصل مبقفش لكن هو زميل ومعايا في كذا لجنة تحكيم، ولكن مبنتظرش منه مدح يعني
وتطرق حديث بشرى إلى مهرجان الجونة التي كانت ترأسه لسنوات: الناس كانت بتقول بشرى مبتعزمناش ليه، قال يعني مهرجان الجونة بيت أبويا مش بشتغل فيه، لا طارق الشناوي عمره ما انتقدني وأنا رئيس، وأنا بتوقع من أي حد أي حاجة طول الوقت.
برنامج "قعدة ستات" تقدمه الإعلامية مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.
تدور أحداث فيلم أولاد حريم كريم حول عدد من التطورات بعد 18 عامًا من تقديم الجزء الأول من العمل، لتنشأ علاقة حب بين كريم حسين وآيلا "تيام مصطفى قمر ورنا رئيس"، وعندما يتقدم للزواج منها يكتشف والدها كريم الحسيني "مصطفى قمر" أنه ابن زميلته وحبيبته السابقة مها "داليا البحيري"، ثم يستعيدان علاقة الصداقة القديمة مع صديقتيهما (هالة) و(دينا) وسط أجواء من الكوميديا.
من هم أبطال فيلم "أولاد حريم كريم"؟أولاد حريم كريم من بطولة مصطفى قمر، داليا البحيري، بسمة، علا غانم، خالد سرحان، بشرى، عمرو عبدالجليل، تيام مصطفى قمر، رنا رئيس، هنا داود، يوسف عمر، كريم كريم، وفؤاد محسن، والعمل من تأليف زينب عزيز وإخراج علي إدريس.
المصدر: بوابة الفجر
كلمات دلالية: أبطال فيلم أولاد حريم كريم إيرادات فيلم أولاد حريم كريم انتقاد اولاد حريم كريم أولاد حریم کریم طارق الشناوی مصطفى قمر
إقرأ أيضاً:
عمرو سعد: حلمت يكون ليا أفيش على سينما كايرو.. وبكيت لما اتحقق
انطلقت منذ قليل ندوة الفنان عمرو سعد المقامة ضمن فعاليات مهرجان القاهرة السينمائي في دورته الـ45، بدار الأوبرا المصرية بحضور عدد كبير من محبي الفن والسينما.
عمرو سعد: الإصرار أهم ما في الحياةوتحدث عمرو سعد خلال ندوته عن «مش أهم حاجة الموهبة أهم حاجة إصرارك على تحقيق ذاتك مفيش حد في العالم معندوش حلم لكن فيه ناس كتير معندهاش قرار أنا قررت أن أكون شخص مؤثر معرفش لأي مدى عرفت أحقق قراراتي بس هفضل وراها».
سعد: مفيش حاجة تقدر تمنعك تحقق قرارك إلا نفسكوتابع عمرو سعد خلال ندوته فى مهرجان القاهرة السينمائي الدولي قائلا: «مفيش حاجة تقدر تمنعك تحقق قرارك إلا نفسك، مفيش محيط يقدر يأثر عليك لازم تشتغل جامد جدا وتصدق ده ولا مرة لما كنت في مسرح الجامعة شكيت إن هبقى بطل سينمائي، كنت مرة معدي من عند سينما كايرو كنت بعدي من هناك كل يوم واقف كدا وأبص على الأفيش وأقول أكيد هبقى هنا ويشاء السميع العليم إن أول أفيش ليا يتحط يبقى على سينما كايرو ونزلت وقفت عند المكان دا وبكيت حسيت إنها علامة بتقولك إنت كنت صح في تفكيرك وجهدك لازم تكمل فيه».
الدكتور الربيعة يلتقي وفد مستشفى جريت أورموند ستريت للأطفال