سلوي عثمان لـ "لفجر الفني": "مش هشتغل مسرح تاني عشان مختش حقي منه"
تاريخ النشر: 9th, September 2023 GMT
كشفت الفنانة سلوي عثمان أسباب غيابها عن المسرح خلال الفترة الماضية.
وقالت سلوي عثمان في تصريحات خاصة لـ "الفجر الفني": "أنا مش هشتغل مسرح تاني، لأن مختش حقي منه".
سلوي عثمان: “مبحبش يكون في شخص غير معروف ويعلي عليا في المسرح”
وأكدت سلوي عثمان أنها لم تعمل في المسرح إلا إذا كان الدور التي تقدمه جيد ومغري جدا، لأن المسرح يتتطلب حضور كل يوم، مضيفة: "لازم كمان تكون مستمتع بالشغل التي تقدمه، وأنا مبحبش يكون في شخص غير معروف (ويعلوا عليا) في المسرح وأنا لن أقوم بذلك إطلاقا".
من ناحية أخري، يعرض للفنانة سلوي عثمان حاليا مسلسل "نصي التاني" للفنان علي ربيع، علي إحدي المنصات الإلكترونية
شخصية سلوي عثمان في نصي التاني
وتجسد الفنانة سلوي عثمان شخصية والدة الفنان علي ربيع، خلال أحداث المسلسل وتدور أحداث العمل حول كيفية الحصول على نص الثاني.
ويظهر الفنان على ربيع بدور موظف في بنك، ويتقابل مع فتاة مختلفة كل حلقتين، ويعيش قصة حب معها، حيث يسعى للعثور على نصه الثاني والاستقرار في حياته العاطفية، المسلسل من تأليف إياد صالح، وإخراج عمرو صلاح، ومن المقرر أن يبدأ تصويره الشهر الجارى.
أحداث مسلسل نصي التاني
والمسلسل تدور أحداثه في 10 حلقات حيث تدور أحداثه في اطار من الكوميديا والتشويق، ويدخل على ربيع عالم المنصات للمرة الأولى، حيث تعتمد قصة مسلسله على الحلقات السريعة المنفصلة المتصلة.
أبطال مسلسل نصي التاني
ويشارك في بطولة المسلسل عدد من النجوم منهم علي ربيع، وفاء عامر، مرنا نورالدين، سلوي عثمان، رنا رئيس، محمود العزاوي، وغيرهم، والعمل من تأليف إياد صالح، وإخراج عمرو صلاح.
المصدر: بوابة الفجر
كلمات دلالية: الفجر الفني نصی التانی
إقرأ أيضاً:
أول تعليق من إدوارد بعد إصابته بشلل مؤقت في المعدة
في أول تعليق له بعد إصابته بشلل مؤقت في المعدة بسبب حقن التخسيس نشر الفنان إدوارد عبر خاصية الاستوري بحسابه على فيسبوك عبارات طمأن بها جمهوره.
وكتب إدوارد: "إحساس إن ربنا معاك إحساس حلو أوي مخليني مطمن ومش فارق معايا حاجة أشكرك يا رب".
إصابة ادوارد بشلل مؤقت بالمعدة:كان الفنان إدوارد -عبر حسابه الشخصي على موقع التواصل الاجتماعي فيسبوك- أعلن إصابته بشلل مؤقت في المعدة بسبب حقن التخسيس.
وكتب إدوارد في منشوره عبر فيسبوك: «كلام مهم جدا .. أنا كنت باخد حقن التخسيس تحت إشراف دكتور تغذية ونزلت حوالي 15 كيلو، كنت باخد حقن الساكسندة ودي الدكتورة نصحتني بيها بس مشكلتها بتتاخد كل يوم في المعدة بس ميزتها أننا نقدر نتحكم في الجرعات عشان منتعبش ووصلت الوزن اللي أنا عاوزه ودخلنا في مرحلة التثبيت».
وتابع إدوارد: «الدكتورة طلبت مني أروح لدكتور جهاز هضمي أعمل تحاليل ونطمن بس أنا طنشت وقولتلها أنا هاخد حقن أسبوعية بدل اليومية عشان تعبت من كل يوم حقنة وفي ناس نصحوني بالتروليستك لأنها أسبوعية ومش قوية زي المونجارو، فضلت أخد التروليستك لمده 5 أسابيع، كل أسبوع حقنة، وكانت تمام معايا وكانت برده دكتورة التغذية بتسألني على التحاليل كل فترة وكنت بطنش لأني تمام مش حاسس بحاجة، وكمان لا كنت بتخن ولا بخس وباكل عادي طبعا برده».
إصابة إدوارد بـ شلل في المعدةوأضاف إدوارد: «مواظب على دايت مع الدكتورة لحد الأسبوع اللي فات فجأة موش جعان خالص وقعدت حوالي 4 أيام مش بدخل حمام ولا قادر أكل ووجع في معدتي جامد، دكتورة التغذية قالتلي وقف الحقن وروح لدكتور جهاز هضمي فورا وعملت كده روحت لدكتور قالي حصلي شلل مؤقت من الحقن في المعدة وكان مفروض تتابع معايا مع دكتورة التغذية قولتله أنا اللي كنت بطنش عشان كنت تمام، قالي الحقن مش وحشة ومفعولها كويس، بس أنا بنصح أقصاها 3 شهور بس تاخدها وتوقف فترة وترجع تاني، بس لازم طبعا برده متابعة مع دكتور تغذية».
واختتم إدوارد منشوره قائلا: «من غير ماطول عليكم أنا بقالي أسبوع بتعالج وعملت كل التحاليل حتى صبغة على الكلى، والحمدالله معنديش غير شوية زيادة في الأملاح زي كل المصريين بطني بتتحسن واحدة واحدة، ولسة المعدة وجعاني، والدكتور قالي من 8 لـ9 أيام ترجع عادي، وإن شاء الله هبقى كويس، أنا حكتلكم تجربتي عشان بقولكوا إن الحقن مش وحشة وجابت نتيجة هايلة معايا بس لازم مع دكتور التغذية دكتور جهاز هضمي وكمان دكتور قلب لو أمكن عشان سرعة ضربات القلب، أتمنى أكون قدمتلكم معلومات كويسة عن تجربتي وربنا يشفي أي حد تعبان وأشوفكم دايما كويسين».
1.5% زيادة في إجمالي المساحة المنزرعة عام 2022 / 2023