حزب مصر الحديثة: "إحنا عارفين رايحين فين مع الرئيس السيسي.. ومصر أصبحت جاذبة للاستثمار"

قال وليد دعبس، رئيس حزب مصر الحديثة، إن الحزب عقد جلسة حضرها نوابه من مجلسي الشيوخ والنواب، إضافة إلى إجراء استطلاعات الرأي في الشارع، ومن الأعضاء، ومن كل الناس، فوجدوا أن الأعضاء مستقرين على أمر واحد، وهو أننا في مرحلة زرع ولم يأت موعد الحصاد بعد.

عايزين نكمل اللي بدأناه

وأضاف وليد دعبس، خلال مداخلة هاتفية ببرنامج "آخر النهار"، المذاع عبر فضائية "النهار"، مساء اليوم الجمعة: "إحنا ناس بنعمل ندوات وموجودين على كل الأرض، ولقينا أن كل الأعضاء والقيادات مستقرين على حاجة واحدة، وهي إننا في مرحلة زراعة، ولم يأت موعد الحصاد، فاحنا ابتدينا مشوار.

. ومشوار صعب قوي، وفي ظروف اقتصاديه الكل يعلمها، وعايزين نكملها مع الرئيس السيسي".

مشروعات هائلة

وتابع: "في وسط كل الصعوبات شايفين إنجازات فوق الطبيعية في كل المجالات.. هو مين اللي بيشتغل حياة كريمة وزراعة وصناعة، وكل ده في وقت واحد.. إنت بتتكلم عن مشروعات كبيرة في توقيت واحد، وفي ظروف اقتصادية سيئة جدًا على العالم كله، وإحنا شغالين ما بنوقفش.. إحنا عايزين إيه أكثر من كده؟! اه في حالة اقتصادية على العالم كله، مش عندنا إحنا بس".

إحنا عارفين رايحين فين مع الرئيس السيسي

واستطرد رئيس حزب مصر الحديثة: "معاك شعب فاهم، ومش بس فاهم، متأكد إنه فيه بريق أمل ونور كبير جاي، إحنا كلنا عارفين رايحين فين مع الرئيس السيسي، وعارفين النهاردة المشوار اللي بدأوا الرئيس وإحنا كشعب معاه، وعايزين نكمله معاه، فمن الطبيعي إن إحنا بنطالب الرئيس بالترشخ للانتخابات المقبلة".

مصر دولة جاذبة للاستثمار

وأشار دعبس، إلى أنه بمجرد انتهاء الحرب الروسية الأوكرانية، ستتحسن الأمور، لافتًا إلى أن المستثمرين يدخلون مصر الآن، قائلًا: "مفيش مستثمر بيدخل أي بلد إلا لو فيها استقرار أمني واستقرار سياسي.. وأنه يكون عارف إن فيه فرص استثمارية هتجيب له عوائد كافية لفلوسه، وبالتالي مصر النهاردة دولة جاذبة للاستثمار". 
 

المصدر: بوابة الفجر