أحمد عيد عبد الملك يوجه رسالة نارية للمرشحين في انتخابات الزمالك

وجه أحمد عيد عبد الملك لاعب نادي الزمالك ومنتخب مصر السابق رسالة نارية إلى المرشحين في الانتخابات المقبلة للقلعة البيضاء، اليوم الجمعة، وذلك عبر حسابه الرسمي بموقع التواصل الاجتماعي "فيسبوك".

وكتب أحمد عيد عبد الملك: "انا مش حابب اتكلم علي انتخابات الزمالك خالص ودي اول واخر مرة هقول رأيي فيها وشايف ان كل واحد من حقه يعمل الي عاوزه ينزل او مينزلش دي بتاعته".

وأضاف لاعب الزمالك السابق: "لكن جو المداخلات والورد والحب الي قدام الناس ده شو بس مبيأكلش عيش بالبلدي كدة وعلي فكرة هو انا مبقولش ان ده غلط لكن مش وقته حالياً الاولي ان حد يضحي للتاني ويقف في ضهره احنا اصلاً مش في جو طبيعي".

وواصل: "وطالما الكل بيعمل على مصلحة الزمالك كما يقال اتفقوا علي قايمة موحدة تخدم النادي الفترة دي وتقدر ترجع النادي لمساره الصحيح في اصعب فترة في تاريخ النادي وقايمة موحدة تكسب انتخابات ويشوفو حال النادي الي هو صعب على أي حد هيقعد علي الكرسي وعنده هم ما يتلم".

وأكمل: "أحنا مش عاوزين ناس تيجي تتصور عاوزين ناس تيجي تشتغل وتغير كل حاجة في النادي حرفياً يعني مش حمل خلافات داخلية أن واحد نجح من قايمة والتاني من قايمة ونخش في صراعات آراء ونلف في الدايرة الي احنا فيها من 20 سنة لو بتحبو النادي بجد اتفقو علي الأصلح ما بينكم خلينا نعدي فترة المشاكل بهدوء ونخلص من الي ورانا.. الزمالك دايماً للمخلصين فقط".

المصدر: الأسبوع