ريم طارق وحسن شاكوش.. «حبايب حبايب».. تطورات القصة التي شغلت الجميع

أعلنت ريم طارق، طليقة مطرب المهرجانات حسن شاكوش، عن انتهاء الخلافات التي نشبت بينهما.

وكان حسن شاكوش وطليقته ريم طارق تصدرا منصات السوشيال ميديا خلال الشهور الماضية، وحديث البرامج التليفزيونية.

وجهت ريم طارق رسالة إلى حسن شاكوش عبر حسابها على إنستجرام، قائلة له: إنه وعد وأوفى وتتمنى له كل الخير.

وعلقت على فيديو لشاكوش عبر حسابها على إنستجرام قائلة: «أنا كمان بتمنالك كل خير يا حسن وأكيد إحنا حبايب وعايزة أقول حاجة للمتابعين».

«المشكلة بتاعتنا من الأول إن بلاش أي حد يدخل في مشاكلكم الشخصية حتي لو أقرب الناس ليكم، لأنهم من كتر حبهم ليكم ممكن المشكلة تزيد مش تتحل وده إللى حصل معانا أنا وحسن».

وأوضحت: «يمكن لو كانت المشكلة بينا بس كانت اتحلت من بدري وأنا كمان بشكرك يا حسن وإنت وعدت ووفيت لله الأمر من قبل ومن بعد».

وتحدث شاكوش في الفيديو الذي نشرته ريم عبر حسابها على إنستجرام، وقال: «أنا طالع من خلال الفيديو بقول إن أنا وريم حبايب ومفيش أي خلافات ولا مشاكل.. ومن خلال الفيديو بشكرك جدًا يا ريم إنك قولتي كلمة حق وماشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية».

وتابع: «وبشكر كل الناس اللي اتدخلوا وكلموني عشان نخلص الموضوع بشكرهم جدًا جدًا وتعبوا معايا جدًا.. وبقول لكل الناس إخواتنا الإعلاميين والصحفيين اللي هما على راسي من فوق، إحنا خلاص حبايب مفيش أي حاجة، وهي كانت في يوم من الأيام مراتي ومكنش ينفع أجرح فيها بأي كلمة أو أتكلم أي كلمة تجرحها.. الحمد لله الموضوع خلص على خير وأنا وريم حبايب دلوقتي ويارب يقدركم على فعل الخير وبشكر كل الناس اللي بتحبني وبتحب ريم».

View this post on Instagram

A post shared by Reem tarek (@reemtarek84_)

طليقة شاكوش: «أخدت كل مستحقاتي»

وقالت ريم طارق طليقة حسن شاكوش خلال فيديو خاص لبرنامج «دعوة فرح» تقديم الإعلامية فرح شعبان، والمذاع على شاشة قناة «هى»: «الحمد لله أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم».

تابعت: «وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع، سواء من أهله أو من أهلي أو مامته، فحقهم على راسي وكل شىء قسمة ونصيب».

اقرأ أيضاً«كلامِك جرحني».. حسن شاكوش بعد اعتذار ريم طارق | فيديو

«قاللي مش معايا موبايل».. حسن شاكوش يكشف عن موقف مع طفل

في داهية.. حسن شاكوش يروج لأحدث أعماله الغنائية «فيديو»

المصدر: الأسبوع