بعد حكم الإعدام.. ننشر نص اعترافات المتهم الرئيسي في قضية صاحب محلات الفقير

حصل موقع "الفجر" على نص أقوال المتهم الأول والرئيسي صاحب  الـ 30 عاما خفير أمام النيابة العامة، وذلك في قضية صاحب محلات الفقير بالجيزة، بعد تأييد محكمة جنايات الجيزة حكم الإعدام بحقه وبصحبة 10 آخرين.

وفي السطور التالية سنعرض أقوال المتهم الأول والرئيسي في القضية:

س/ ما تفصيلات اعترافك؟

اللى حصل ان انا من الصف وكنت شغال خفير فى ارض المطار، ومن نحو أسبوع لقيت واحد صاحبي اسمه خضر كلمني، وهو عارف أني شغال خفير فى أرض المطار، وقالى تعالى علشان نطلع "مهدى السيد" من الأرض، ونمسك احنا  الخفير مكانه، وقالي تعال عشان نتفق، وبعد كدا روحت قابلته في منطقة الحزام الأخضر، بس مش فاكر عند بوابة رقم كام، وقالي هديك في اليوم ۲۰۰ جنيه، وانا وافقت راح مسلمنی سلاح نارى بندقية آلية، واداني نحو ٥٠ طلقة، تقريبًا يوم الخميس ۲۰۲۱/۲/٤ روحنا لمهدى كان قاعد فى الاوضه بتاعت الخفرا، واتكترنا عليه وكان معانا البنادق الآلى وكنا نحو عشرة أشخاص، كنت انا ومحمود ابو بكر وخالد عبدالرحيم وهشام يحي وخضر فريج وشريف سالم ومحمد سليم وابراهيم ناصر وناس تاني قرايب محمود ابو بكر مش عارف اسمائهم آية.

وأكد المتهم: مشيناه من الخفراء بتاعت الحزام الاخضر بس مضربناش نار عشان هما استسلموا علطول ومسكنا احنا الخفرا، ويوم السبت الموافق ۲۰۲۱/۲/٦ نحو الساعة 9 مساءً تقريبا، ابراهيم ناصر وشريف سالم ومحمد سليم راحوا المزرعة بتاعت الحج حماده، وكان مع كل واحد فيهم سلاح نارى بندقية آلية، وكسروا باب المسجد علشان يشوفوا مين جوا ودخلوا لقوا العمال نايمين جوا في الجامع، ومعملوش حاجة وسبوهم ومشيوا وبعدين العمال اتصلوا بالحج حماده صاحب المزرعة وقالوا له على اللى حصل والحج حماده جه المزرعه يوم الأحد يوم ارتكاب الواقعة، وراح شريف سالم ومحمود أبو بكر ومحمد سليم عشان يتكلموا مع الحج على شغل الخفرا وعشان كنا عاوزين فلوس الخفرا والحج حماده قالهم لا انا بتعامل مع مهدى هو اللي ماسك الخفوا.

وذكر المتهم: قالوله لا احنا الخفرا الجدد  وبرضو مرديش يديهم فلوس بتاعت الخفرا وانا كنت نايم فى الاوضة بتاعت الخفرا اللى قبل مزرعة الحج حماده لقيت ابراهيم ناصر فريج صحاني من النوم وبيقولى الحق الجماعة هيهجموا علينا، فاخدت السلاح بتاعى البندقية الألى، وجريت ورا ابراهيم وروحنا على المزرعة بتاعت الحج حمادة على محمد ولقيت هناك محمد سليم وشريف حماده ومحمود ابوبكر ومعاهم اسلحة بنادق آلية وهشام يحي وخالد عبد الرحيم وابراهيم ناصر مكنش معاهم سلاح كانوا واقفين.

وأضاف المتهم: وانا اول ما دخلت قعدت على الأرض على ركبة ونص وانا ماسك البندقية الآلي والحج حماده كان واقف في وشي قدامى بينى وبينه نحو 10 متر تقريبًا وهو كان ماسك الطبنجة في ايده، وأنا كنت عمال اضرب نار وراحت الطلقة جات فى دماغه ووقع وبعدين جه هشام يحي خد الطبنجة منه بعد ما وقع، وبعدين كلنا طلعنا جرينا، وروحنا لحد مدينة المطار روحت حاطط السلاح بتاعي والذخيرة اللى فيه فى العربية الجيب، وكل واحد فينا نزل جرى واتفرقنا وانا روحت مدينة المطار عند المكان اللي كنت شغال في خفير قبل كذا، وبعد كدا روحت قعدت عند ناس جيرانا والحكومة جات خدتنى من هناك وجبوني على القسم وهو ده كل اللي حصل.

س/ من متى وأين حدث ذلك ؟

ج / الكلام ده حصل يوم الأحد الموافق ۲۰۲۱/۲/۷ نحو الساعة 9 مساءً تقريبا بمزرعة الحج حماده على محمد بمنطقة الحزام الاخضر - حوض ٥٤ ٦ أكتوبر ثان.

س / ما سيب ومناسبة تواجدك بالزمان والمكان سالفي الذكر؟

ج/ علشان انا شغال في الخفرا بمنطقة الحزام الأخضر.

س / من كان برفقتك إنداك؟

ج / أنا كان معايا محمد سليم وشريف حماده ومحمود ابوبكر وهشام يحي وخالد عبدالرحيم وابراهيم ناصر.

س/ وما هى كيفية إعدادك لقتل المجنى عليه سالف الذكر؟

ج / انا خدت السلاح بتاعى اللي كان موجود معايا في الاوضة بتاعت الخفرا، وكان السلاح في طلق بس مش فاكر كان في اد ايه وروحت على المزرعة بتاعت الحج حمادة على محمد اللي مات.

س/ وما هي كيفية قيامك بارتكاب تلك الواقعة؟

ج/ انا كنت نايم في العشة بتاعت الحفرة اللي قبل مزرعة الحج حماده لقيت ابراهيم ناصر صحاتي من النوم وبيقولى الحق الجماعة فازعين علينا، وابراهيم جرى قدامى وراح على المزرعة بتاعت الحج حماده على محمد روحت انا قايم وخدت السلاح بتاعى بندقية إلى وطلعت اجرى وروحت على المزرعة بتاعت الحج حماده ولقيت هناك محمد سليم وشريف حماده أبوبكر ومعاهم اسلحة بنادق الية وهشام يحي وخالد عبدالرحيم وابراهيم ناصر مكنش معاهم سلاح كانوا واقفين.

س/ من أین استحصلت على السلاح النارى البندقية الآلية.. والذخائر محل ارتكاب الواقعة؟

ج/ هو خضر لما كلمني واستلمت الشغل سلمني بندقية آلية، ونحو خمسين طلقة فهو السلاح والذخيرة كانوا معايا من ساعتها وهو نفس السلاح اللي انا ضربت بيه.

س / ما هو عدد الأعيرة النارية التي قمت بإطلاقها من السلاح الناري؟

ج / هما حوالى 12 طلقة تقريبًا.

س/ ما الدافع الذي دعاك لاتيان تلك الأفعال؟

ج/ كان مشكلة بسبب أن ابراهيم ناصر، وشریف سالم محمد سليم راحوا المزرعة بتاعة الحج حمادة وكسروا باب المسجد والحج عرف فجه وضرب نار بالطبنجة بتاعته وابراهيم صحاني وقالي الحق هيهجموا علينا فأنا ساعتها قومت من النوم جري وخدت السلاح وروحت على مكان المزرعة.

س/ وما هي المسافة التي كانت تفصل بينك وبين المتوفى إلى رحمة مولاه سالف الذكر؟

ج/ هي حوالى ١٠ متر

س/ وما هي حالة الضوء والرؤية انذاك؟

ج/ الدنيا كانت لسة نهار.

كشف أمر الإحالة أنه في 7 فبراير 2021 في منطقة 6 أكتوبر استعرض المتهمين القوة ولوحوا بالعنف قبل المجني عليه" حمادة علي محمد فقير"، وكان ذلك بقصد ترويعه، والحصول على منفعة مالية منه، والتأثير في إرادته لفرض السطوة عليه؛ إذ اتفقوا على إجبار المجني عليه على دفع إتاوة نظير حراسة ملكه رغمًا عن إرادته، وأعدوا لذلك الغرض أسلحة نارية، وتوجهوا إلى حيث يتواجد في مساء يوم الواقعة، مشهرين أسلحتهم بوجهه معلنين عن غرضهم توليهم زمام أمره جبرا، مطلقين وابلًا من الأعيرة النارية؛ وكان من شأن ذلك الفعل إلقاء الرعب في نفسه وتكدير أمنه وسكينته.

وأضاف أمر الإحالة أن المتهم قتلوا عمدا  المجني عليه من غير سبق إصرار حين أعلن المجني عليه عن تمرده على مخططهم، فارتكز أولهم على ركبته لإحكام استهدافه، وأطلق تجاه رأسه عيار وقاموا بالهروب جميعًا رفقتهم الأسلحة النارية.

كما وجهت التحقيقات للمتهمين تهمه إحراز أسلحة نارية مششخنة (بنادق آلية) حال كونها مما لا يجوز الترخيص بحيازتها، واحراز سبعة وسبعين طلقة - مما تستعمل في الأسلحة النارية.

ثبت تقرير الطب الشرعي الخاص بالمجني عليه، أن الإصابة حدثت بسبب أعيرة نارية خرجت من الأسلحة التي كانت بحوزة المتهمين.

بدأت الواقعة بورود بلاغا لضباط مباحث قسم شرطة ثالث أكتوبر من غرفة النجدة، يفيد العثور على جثة صاحب مزرعة مقتول بعدة طلقات في مناطق متفرقة من جسده داخل مزرعته، وعلى الفور انتقل رجال المباحث لمكان الحادث وتبين وجود جثة صاحب المزرعة وتم التحفظ عليها، وبإجراء التحريات تبين أن 4 خفراء وأشخاص 8 آخرين وراء ارتكاب الحادث بسبب خلافات بينهم وبين المجني عليه لعدم توظيفه لهم بالمزرعة، وتمكنت قوة أمنية من القبض عليهم.

 نص اعترافات المتهم الرئيسي في قضية صاحب محلات الفقير نص اعترافات المتهم الرئيسي في قضية صاحب محلات الفقير نص اعترافات المتهم الرئيسي في قضية صاحب محلات الفقير نص اعترافات المتهم الرئيسي في قضية صاحب محلات الفقير

المصدر: بوابة الفجر