بسبب ريم طارق.. حورية فرغلي مطلوبة على جوجل

 

 

تصدر اسم الفنانة حورية فرغلي محركات البحث جوجل وذلك بسبب ريم طارق طليقة حسن شاكوش الذي أثارت الجدل مرة أخرى.

ريم طارق:مش هعتذر لحورية فرغلي

أثارت ريم طارق محركات الجدل بإعادة ذكر اسم حورية فرغلي مرة أخرى وذلك بقولها:"حورية فرغلي قالت أني مذكرتش اسمها وأني قولت حرف بس، وهي مش زعلانة وأنا مجبتش سيرتها، ومش هعتذر لأني مقولتش مين".

تصريحات ريم طارق

 

واستكملت: "أنا محاسبش ست، الشخص ده لو مكتفي بالبنت اللي اتجوزها مش هيبص لحد، الناس بتقولي أبسط حاجة روحي لجوزك مش هروح للغريبة أقولها ليه بتعملي كده، ولا هقعد أحارب في الناس،  أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه".

ريم طارق تستغرب من انتشار صور الفرح

وقالت ريم طارق خلال لقائها في برنامج “قعدة ستات” مع الإعلامية مروة صبري، المذاع على شاشة “القاهرة اليوم”:" مكنش في صحفيين في القاعة غير والدتي ووالدي ومنسقة الحفل، ومعرفش الصورة طلعت برا القاعة إزاي ومطلبتش من حد أنه يصورني، أنا عملت حاجة تلقائية هتريحني وكنت بتمنى ربنا يجعل الحياة أنها تكون خير بعد زواجي".

 

بماذا بررت ريم طارق مشهد سجدوها في حفل زفافها من حسن شاكوش؟ 
 

وتابعت ريم طارق: مقصدتش أعمل تريند ولا حسن طلب مني ومكنش موجود أصلا، أنا عملت الحركة دي عشان كنت متوترة ودي هتريحني، وكنت متخيلة عشان أنا مريت بحياة وحشة قبل كدة، فكرت أن حياتي وقفت، ولكن لما ربنا بعتلي حد وهدخل حياة جديدة وهخلف وفي لسة حياة، حبيت أشكر ربنا، وملوش علاقة بحسن

أزمة حرف ال "ر"

وسبق وصرحت ريم طارق عن خيانة حسن شاكوش لها مع فنانة شهيرة يوجد باسمها حرف "ر" وسرعان ما خمن الجمهور حورية فرغلي، وهو ما جعلها تخرج عن صمتها وتحذر بعدم معرفتها ب حسن شاكوش وسترفع قضية تشهير

تفاصيل قضية حسن شاكوش وزوجته ريم صادق 
 

وفي سياق آخر، حررت ريم صادق مؤخرًا محضرًا لضررها من زوجها مطرب المهرجانات حسن شاكوش بعد طردها من منزلها والإستلاء على المنقولات الزوجية وشبكتها، وإمضاءها على إيصالات أمانة لصالحها بديل مؤخر الصداق، ومن ثم تلقى اللواء محمد الشرقاوى، مدير الإدارة العامة للمباحث، إخطارًا من العقيد عمرو حجازى، مفتش المباحث، بخصوص ذلك.

المصدر: بوابة الفجر