المتهم بدهس مهندس التجمع الخامس باللودر: كان عاوز يمشيني من الشغل

حصل «الأسبوع» على الاعترافات التفصيلية، للمتهم مهندس دهسا بـ لودر عمدًا داخل موقع تحت الإنشاء بالعمل بمنطقة التجمع الخامس.

وقال المتهم أمام جهات التحقيق: «المهندس المجني عليه كان عاوز يمشيني من الموقع وفضل يتكلم عليا، وكمان بتاع أعمال وانا طول عمري بيتعمل ليا أعمال ومش عارف افكها علشان كده قررت اخلص عليه باللودر ولما خلصت عليه فضلت قاعد لحد الأمن موصل وقبض عليا».

اعترافات المتهم

وشرح المتهم لجهات التحقيق طريقة قتل المجني عليها وقال «رحت عليه باللودر وخبطته بسقف سكينة اللودر في صدره من ناحية اليمين فوقع على ظهره، وبعد كده عدلت سكينة اللودر ورفعتها لفوق وخليت السكينة مقلوبة، ونزلت عليه بشفرة السكينة وهي مقلوبة في صدره ورفعتها ونزلت بيها تانی، وبعد كده لقيت واحد بيجرى عليا وبيزعق ».

وأضاف المتهم خلال التحقيقات: أنا وقفت عشان كان خلاص نزل من رأسه دم كثير ومن ودانه، فأنا تأكدت أن هو توفى فأنا فضلت واقف فوق اللودر، وبعد كده الناس نزلتي ودخلونى جوه العمارة لحد ما الأمن جه وفضل يستجوبني، وقالی خبطته قولتله اه خبطته قالى عن قصد قولتله اه، ولما سألنى ليه قولتله أنا حسيت أن هو عايز يمشينى من الموقع أو يموتني فأنا قولت أموته ودی موتة بموتة»

- أقوال الشهود

وكشف يونس فرج عبد الستار أحد شهود العيان: «اللي حصل إن أنا كنت شغال وسمعت صويت بره فخرجت في البلكونة أشوف فيه أيه لقيت لودر وواحد واقع قدامه على الأرض وبعد كده لقيت اللودر رجع ورا وراح طالع قدام ونزل بكبشة اللودر على الراجل اللي واقع على الأرض حوالى مرتين ونزلت جرى من العمارة اللي أنا شغال فيها لقيته كان بيرجع باللودر ورا ولقيت السواق طلع على رفرف اللودر ولما نزلت لقيت الناس ملمومة وهو ده کل اللي حصل »

- النيابة العامة

كانت النيابة تلقت أخطرت، يوم الخامس عشر من شهر مايو بدهس سائق معدةٍ ثقيلةٍ «لودر»- سائق التجمع الخامس، مهندسًا بموقع بناءٍ تحت الإنشاء، باستخدام جرافتها، وتم ضبط المتهم واللودر المستخدم في الجريمة، فباشرت النيابة العامة التحقيقات.

وكان حاصل أقوال شهود الواقعة مرتكب جريمة التجمع الخامس في التحقيقات أن المجني عليه يعمل مهندسًا بالموقع، بينما المتهم يعمل سائقًا به لرفع مخلفات أعمال البناء باستخدام لودرٍ يقوده، وأن المتهم لم يكن يخالط باقي العاملين بالموقع، ولا يوجد أي خلافاتٍ بينه وبين أحدٍ، ولم يسبق رؤية حوارٍ يجري بينه وبين المجني عليه سلفًا أو قبيل الواقعة، ولم تحدث أي مشادةٍ بينهما حينها، وقد تناهى لسمع العاملين بالموقع صراخ المجني عليه فأبصروه ملقًى أرضًا بجوار اللودر غارقًا في دمائه وقد فارق الحياة بعدما صدمه المتهم بجرافته عدة مراتٍ متتابعةٍ، فضبطوه وأبلغوا الشرطة.

وباستجواب المتهم فيما هو منسوب إليه من اتهامٍ أقر بقتله المجني عليه عمدًا مع سبق الإصرار والترصد، وقد توصلت التحريات إلى صحة الواقعة، والاشتباه في معاناة المتهم من مرضٍ نفسيٍ.

تداول 44 ألف طن بضائع عامة ومتنوعة بموانئ البحر الأحمر

التحقيق في انهيار عقار ومصرع شخصين وإصابة 4 آخرين في حدائق القبة

المصدر: الأسبوع