مروة صبري لـ أسما منير: ليه رايحة مهرجان الدراما انتي مش فنانة
تاريخ النشر: 5th, September 2023 GMT
هاجمت الإعلامية مروة صبري، أسما شريف منير، بعد تصدرها تريند مواقع التواصل الاجتماعي خلال الأيام الماضية، بسبب حلاقة رأسها بشكل مفاجئ.
وقالت مروة صبري ، في بداية حلقتها ببرنامجها “قعدة ستات” الذي يذاع على شاشة “القاهرة اليوم”: أسما بعد ماخدت التريند، لقيناها بتقول أنتو ليه بتهاجموني، وياريت محدش يقلدني في اللي عملته، والمتابعين بيسخنوا أبويا عليا، يا أسما أنتي داخلة تاخدي التريند، في ناس هتقولي أنتي مالك ما يمكن هي تعبانة ومضطرة تحلق شعرها عشان الصبغة بوظت شعرها، فمن الكوميديا أنك بعد ما تحلقي تصبغيه أصفر!.
واستكملت مروة صبري حديثها: ده غير انك طلعتي وأنتي بتحلقي شعرك لايف عشان الناس تعلق على الفيديو، وكمان رايحة مهرجان الدراما على الرغم أنك مش ممثلة أساسا يعني لو مرحتيش محدش هيسألك أنتي مجتيش ليه؟!.
وأضافت: نفسيتك تعبانة متصوريش؟! متجيش تقولي وتهاجمي الإعلام تقولوا بتتكلموا عليا ليه، اللي أعرفه ان حد تعبان وشعره بيقع ميصورش، لكن أنتي عايزة تلفتي الانتباة ناحية الناس، أصل أنا بقالي فترة مش متشافة ومعملتش تريند!.
المصدر: صدى البلد
كلمات دلالية: أسما شريف منير برنامج قعدة ستات أسما شريف منير إنستجرام مروة صبری
إقرأ أيضاً:
فنانة تنشر فضايح الأوبرا وأسرار السجلات المغقلة وراء انتحار هاني عبد القادر (تفاصيل صادمة)
فتحت الفنانة إيناس عز الدين النيران على دار الأوبرا المصرية بفضح المستور والنبش في الدفاتر القديمة لتكشف أسرارًا صادمة عما يحدث في الخفاء بداخل تلك المؤسسة العريقة، من ظلم وقهر للموظفين والعاملين بها، لتسلط الضوء على مؤامرات الوساطة والمحسوبية بحسب وصفها، وذلك عقب انتحار هاني عبد القادر الموظف بالأوبرا ووفاة وميله حزنًا عليه.
استنكرت إيناس عز الدين كل ما يحدث داخل دار الأوبرا المصرية فيما يتعلق بالمكافآت وضعف المرتبات والمبالغ التي تصرف من دون حساب لأشخاص لا يستحقونها في مقابل حرمان من يستحقون من تقاضيها، لتلمح بتصريحاتها حول السبب الحقيقي لإنتحار هاني عبد القادر موظف الأوبرا، وذلك خلال منشور مطول عبر حسابها الشخصي بموقع التواصل الإجتماعي الأشهر "فيس بوك".
وكتبت إيناس عز الدين: "مالكم ؟ كلكم عاملين متفاجئين ليه ؟ وكأنكم مش عارفين اللي فيها و مش عارفين إن المكان مليان ظلم و قهر و إفتراء و تجبر و ناس راكبة و مدلدلة رجليها على حساب ناس تانية و ناس بتاخد مكافآت بمبالغ غير محسوبة و غيرهم بيدفع الثمن و بيتأخر مستحقاته و يتقاله مافيش فلوس مش عارفين إن مؤسسة عريقة ليها ظروف خاصة و بتفرض على موظفيها حسن المظهر و الصرف على الملبس و المظهر و الإطلالة".
واستكملت: "في حين إن مرتبات الناس لا تتناسب بأي شكل من الأشكال مع المتطلبات دي و تناسوا إن فيه حاجة إسمها طبيعة عمل هما فارضينها علينا و اللي ما يلتزمش بيها بيتركن لحد ما بقينا بنصرف عليهم و على الشغلانة بدل ما ناخد مرتب آدمي و ناس تشتغل وتسافر و تقبض و يتصرفلها أرقام و مكافآت و ناس تاخد حقوق ناس و ناس تفتن على ناس وناس تضرب ناس تحت الحزام و اللي فوق ماشيين بمبدأ (فَرِق تَسُد)".
وتابعت: "في البداية فرقونا أحزاب ضد بعض بعدها بقينا أفراد ضد بعض بعدها بقى كل واحد فينا ضد زميله بسببكم و بقولها وبعلنها ... اللي قاعد على مكتبه و بيقولها بإفتخار إن حد جابله سكرينات لزمايله ولا واحد دخله يقول زمايله قالوا كذا ولا بيطالبوا بالحق الفلاني يبقى العيب فيك يا مسئول يا محترم لما تفتح مكتبك للي رايح واللي جاي يقول و بقى معروف ان الطريق ليك الدخول لمكتبك و نقل اخبار القطاع كله".
وأردفت: "وحق الذي لا اله الا هو مهما طال الظلم و مهما طالت فترة قعادك على الكرسي ومهما اعتقدت انها دايمة ليك تفعل ما تشاء و تظلم و تفتري زي ما تحب لا هيجيلك يوم علشان ربنا حكم عدل ... وأنا من هنا بقول لزملائي (واعتصموا بحبل الله جميعاً ولا تفرقوا)".
واختتمت منشورها بقولها: "إتحادنا قوة و هما عرفوا يفرقونا و يشتتونا و كفاية بقى كل واحد يتكلم و يدور على مصلحته الشخصية أديكم شايفين بعضنا بيقع و بيموت ومش دايمة لحد ومهما كانت المكاسب لو كانت على حساب زملائك فهي خسارة ... إوعى تكون من الظالمين ولا أعوانهم".
مطالب للنائب العام والثقافة بفتح تحقيق عاجل في واقعة انتحار موظف الأوبرا.. "كلنا هاني عبد القادر"في الوقت نفسه، طالبت الفنانة إيناس عز الدين المسؤولين بوزارة الثقافة بفتح تحقيق عاجل في واقعة انتحار هاني عبد القادر موظف الأوبرا بعد تعرضه للظلم، لمعرفة الدوافع التي أجبرته على إنهاء حياته و محاسبة المتسببين حتى لا يكون هناك هاني آخر كل يوم بسبب الظلم، لتؤكد: "كلنا هاني عبد القادر".
وكتبت إيناس عز الدين عبر حسابها الشخصي بموقع التواصل الإجتماعي الأشهر "فيس بوك": "أطالب بفتح تحقيق عاجل في وزارة الثقافة في واقعة إنتحار الزميل بدار الأوبرا المصرية هاني عبد القادر والتي نتجت عن ظلم كبير تعرض له ذكره في ورقة قبل إنهاء حياته و معرفة الأسباب و محاسبة المتسببين حتى لا يكون هناك هاني آخر كل يوم بسبب الظلم"، مختتمة: "كلنا هاني عبد القادر".
كما أعربت الفنانة إيناس عز الدين عن استيائها الشديد من الواقعة لتكشف مفاجآت عدة خلال منشور مطول كتبته عبر حسابها الشخصي بموقع "فيس بوك" قائلة: "زميل لينا في الأوبرا رجل على خُلق عمرنا ما شوفنا منه إلا الإحترام مات منتحر .. رمى نفسه في النيل بسبب ظلم كبير وقع عليه وخلى الدنيا إتقفلت في وشه وساب الورقة دي .. تفتكروا المأساة وقفت على كده ؟".
وأضافت: "لأ ده زميله كمان لما بلغه الخبر طب مات حزناً عليه و على طريقة موته و الظلم اللي إتعرضله ... بس تفتكروا مين الظالمة المقصودة في رسالته ؟ و يا ترى هتعرف تعيش و تنام ؟ و يا ترى ظالمة كام إنسان غيره ؟ فيه كام هاني تاني مظلومين و مقهورين و متضررين بس لسه ما إنتحروش ؟".
وتابعت: "طب فيه كام واحد من الظلم و القهر تعب و مرض ولا جاله جلطة ولا عصب سابع ولا سكتة وماحدش عرف بيه ؟ تفتكروا هاني و زميله حقهم عند مين و هل ينفع يروح دمهم هدر و يموتوا و الظالم أو الظالمة زي ما ذكر قبل وفاته يكمل عادي ؟".
واختتمت منشورها قائلة: "حسبنا الله ونعم الوكيل في كل من جعل العمل بيئة سامة غير صالحة للعمل .. فيه كام هاني عبد القادر في الأوبرا ؟؟؟؟؟؟؟".
انتحار هاني عبد القادر موظف الأوبراوسيطرت حالة من الحزن والأسى سيطرت على رواد مواقع التواصل الإجتماعي بعد تداول نبأ انتحار موظف بدار الأوبرا المصرية يدعى "ه ع"، وذلك إثر تعرضه للظلم بسبب خلاف مع أحد زملائه، مما دفعه للإلقاء بنفسه في نهر النيل ليلقى مصرعه غرقًا.
وترك الفقيد رسالته الأخيرة للشخص الذي ظلمه والتي جاءت كالتالي: "رسالة من مظلوم إلى ظالمه .. ستراني في عقوق أبنائك ... ستراني في غدر من حولك ... ستراني في هجر أصحابك ... ستراني في دعائك الذي لا يستجاب ... ستراني في أحلامك المحطمة والتي لا تتحقق ... ستراني في مرضك وضعفك وفشلك ... فالله العظيم أسالك بأنك ستراني".
صديق الموظف المنتحر: تعرض لضغوطات نفسية شديدة مؤخرًا بحياته وألقى بنفسه في نهر النيل منذ أسبوعفي الوقت نفسه، كشف الصديق المقرب للموظف الذي أنهى حياته، أنه أب لثلاث أولاد، ويعمل موظفًا منذ 30 عامًا في العلاقات العامة بدار الأوبرا، ولكنه تعرض لضغوطات نفسية شديدة مؤخرًا بحياته نتيجة نشوب خلاف مع زملائه وضيق الحال.
وصرح صديق المتوفي بإنه ألقى بنفسه في نهر النيل منذ أسبوع وترك رساله لزميله الذي تعرض للظلم على يديه قبل إنهاء حياته، وبعد العثور على جثمانه الأربعاء الماضي تعرف على هويته أحد أصدقائه.
كما أشار إلى إنه تم دفن الجثمان أمس الخميس وتوفى صديقه حزنًا على وفاته.
اتصال هاتفي بين وزير الخارجية والهجرة ووزير خارجية الكويت