سيدة مصرية تفتح النار على طليقها وتصف والدته بالحرباية “أنا اللي كنت بصرف عليك يا شحات”

شاركت سيدة مصرية، مقطع فيديو، ظهرت خلاله وهي تهاجم طليقها بعد طلاقهما، مما أثار ضجة كبيرة على منصات التواصل.

ظهرت الفتاة في الفيديو المتداول تقول: “أنا معايا شيشتي وقاعدة في الكافيه بتاعي وبشرب وبتمزج، تسيبني ما تسبنيش ترجعلي ما ترجعليش أنا اللي كنت بصرف عليك.”

وأضافت:” أنت شحات من غيري أنا بنت إسكندرية يعني الجدعنة كلها، أنت فاكر لما تسيبني هقعد أبكي عليك واسمع ضعفي بيصعب عليا زي ما شيرين كده بترجع لحس كل خمس دقائق.

”

وتابعت: “أنا معايا شيشتي وأجيب واحد من الكافيه هنا يقعد جانبي أنا كنت بصرف عليك وأمك الحرباية اللي لما جات تتوحم كانت بتشوف ميكي ماوس، أهو أنت نسخة منه بودنك.”

واستطردت:” أنا هشوهك عشان جرحتني وظلمتني وتعافيت منك في دقيقتين، وحجر الشيشة أرجل منك عشان بيدوم معايا، أنت أخدت معايا أسبوعين وجرحتني.”

واختتمت حديثها قائلة:” أنا من بحري يعني ناقص الجنيه يحطوا صورتي عليه، يعني لو دماغك وزتك أو أمك ذقتك قمر عادل هاتعجزك، وأخرك معايا دمعتين وسيجارة، مضيفة:” لبسك، أكلك، شربك، نومك كان عليا أنت من غيري ولا حاجة”.

المصدر: تركيا الآن