بعد غنائها "بنت أبويا".. ابنة ماجد الكدواني تُبكي والدها علي الهواء وتتصدر السوشيال ميديا
تاريخ النشر: 5th, September 2023 GMT
تفاعل رواد مواقع التواصل الإجتماعي مع مقطع فيديو من بداية حلقة الإعلامية إسعاد يونس عندما قدمت له مفاجأة بتعاونها مع ابنه الفنان ماجد الكدواني "سندرا".
وقامت الإعلامية إسعاد يونس بتقديم ابنته كمفاجأة لوالدها، قائلة: «بتونس بماجد كده من غير ما أقدم له أي حاجة»، وكانت المفاجأة هي تواجد ابنته لتغني أمامه في استوديو البرنامج أغنية «شبهك».
ابنة ماجد الكدواني
وظهرت ساندرا وهي تغني لأبيها ماجد الكدواني أغنية "بنت أبويا" مما جعله يندهش ويبكي خلال الحلقة، ويحتضنها بعد انتهائها من تقديم الأغنية وسط التصفيق الحار وتشجيع جميع من في الاستوديو.
وتفاعل المشاهدين بموهبة الشابة الجديدة في الغناء، والتي أبهرت متابعين برنامج "إسعاد يونس"، بصوتها الجميل المدهش، مما جعلها تتصدر مواقع التواصل الإجتماعي.
ومن ناحية أخري، حرص ماجد الكدواني علي توجية رسالة شكر للإعلامية والفنانة الكبيرة إسعاد يونس قائلا: "أشكر ربنا إنه حط إسعاد يونس في حياتي لإنها من أسباب الترتيبات الحلوة اللى دعمتني بشغلي".
ماجد الكدواني: أحلى حاجة فرحت قلبي في يوم فرح ابني
وتابع ماجد الكدواني: "أحلى حاجة فرحت قلبي في يوم فرح ابني ده كلمة اتقالت على لسان الكل المحبة والحب الحقيقي ومش بغصب على حد يجي فرح ابني، واتفاجئت بوجود رامي إمام وكريم عبد العزيز وريهام عبد الغفور وهاني رمزي وشيرين رضا، ولمست حب حقيقي من كل الناس، وكريم عبد العزيز قال لي ده فرح ابني، وأحمد الجنايني تعب أكتر مني في تجهيز الفرح لإني كنت بجهز فيلم أبو نسب، فالمحبة نعمة كبيرة أوي والحمد لله والشكر لله".
واستكمل حديثة قائلا: "ولادي يوسف وساندرا نقطة ضعفي، هما ثمرة الحياة وثمرة الحياة غالية لما بشوف حد بيكبر ويتبني قدامي وجاء من لا شيء فهذه نعمة كبيرة فهم هدايا في الحياة، شوفتهم بيكبروا ويتكونوا وواخدين حتة مني مشاعر واحساسيس متتوصفش لكنها غالية أو ي، ربنا يحفظهم ويفرح كل الناس بأولادهم".
ماجد الكدواني: يوسف ابني صاحبي من صغره
وأضاف ماجد الكدواني: " يوسف ابني صاحبي من صغره كبير ومسئول وتطورت العلاقة إني بستشيره وبيهمني رأيه ولما جاء الجواز بتاعه يقرب زي اللى عنده عملية وخايف منها، ولحظة لما سافر أمريكا وكان بيدرس هناك كانت صعبة بالنسبة لي، أما ساندرا عندي مشكلة مش قادر اتخيل أن فيه راجل هياخدها مني وساعات بقولها مين الجزمة ده اللي هيجي يتجوزك وياخدك مني إحساس صعب".
وأكمل حديثة قائلا: "بقيت عايش اليوم بيومه وامبارح خلص وبكرة بتاع ربنا، لكن دايما بنتأمل في أن ربنا بيجيب الخير ".
المصدر: بوابة الفجر
كلمات دلالية: ماجد الكدواني ماجد الكدواني وابنته الفجر الفني برنامج اسعاد يونس برنامج صاحبة السعادة ماجد الکدوانی إسعاد یونس
إقرأ أيضاً:
مقضينها تنظير.. سلمى أبو ضيف توجه رسالة لمنتقديها على السوشيال ميديا
شاركت الفنانة سلمى أبوضيف منشورًا عبر حسابها الرسمي بموقع انستجرام عن السوشيال ميديا، وما يحدث لها من تطاول بعد تعرضها للهجوم بسبب صورها التي تبرز بها حملها.
وكتبت سلمي أبو ضيف : "في يوم ما وأنا قاعدة مبحلقة في السما لا يشغلني شىء، ولكن بعض الافتراضيات نصها حقيقي والنص التاني من وحي خيالي.. استوقفتني معني كلمة الافتراض وهي عبارة عن نظرية بدون تجربة أو واقع حصل".
وتابعت: "هي وجهة نظرك الشيك اللي أنت قررت تفترضها لا وكمان تفرضها علينا كحقيقة مطلقة ومبدأ انت اخترعته في قاموسك اللي مبنيعلى البيئة اللي انت عشت فيها وشوية الحاجات اللي قالك عليها أبوك وأمك والدين اللي اتعلمته شوية من المدرسة على شوية من جدودك من غير تفقه ولا تأمل فيه، وشوية حاجات المجتمع اللي حواليك حطها في دماغك على شوية من المستوي التعليمي اللي نشأت فية ومجهودك الشخصي لتثقيف نفسك أو تشغيل دماغك بدون كل ماسبق”.
وأضافت: "ييجي العالم الافتراضي اللي من موقعي هذا بقول فيه الكلمتين دول.. شاشة واحدة تفصلنا عشان من خلالها نطلق أحكام ونظريات وافتراءات على شوية صور افترضناها من وحي خيالنا ومدى استيعابنا وصورتنا لذات نفسنا في المراية اللي حبناها أو كرهناها ومش عارفين نواجه نفسنا بيها.. فبنصدق شوية ناس ومشاهير مانعرفهمش من صور هما حطينها.. الله حياتهم جميلة قد إيه.. أو الله بصي هي سافلة ازاي ومش لابسة هدومها وحشة وفاشلة ولا بصي قد اية دمها تقيل ازاي! الله ده عظيم ودمه خفيف زي القمر ومجاش زيه انت عالمي جبار".
واختتمت حديثها، قائلة: "كل العالم الافتراضي ده خلقلك مساحة تبني وتحط كل الافتراضات والافتراءات اللي نفسك فيها وصورتك لنفسك المنعكسة لضميرك وذاتك ووعيك قدام عينيك جواك بشكل حقيقي ولغيرك بشكل وهمي.. عمومًا تصبحوا على خير على كم صور وحياة ناس كتيير بتوريك جزء 00.1 من حياتها الحقيقية وانت مصدق أن ده الواقع ومقضيها تنظير وإطلاق أحكام على واقع فشنك ومفيش".
كولر يستبعد كهربا من قائمة الأهلي أمام المصري